ꓬ‐ꓖꓳꓥ Passport ꓫꓬ, ꓦꓲꓻ ꓗꓪ Passport ꓫꓬ, ꓢꓴ ꓑ ꓫꓬ ꓮ ꓟꓬ, ꓟꓬꓽ ꓡ ꓟ ꓓꓳꓽ

ꓬ‐ꓖꓳꓥ Passport ꓫꓬ, ꓦꓲꓻ ꓗꓪ Passport ꓫꓬ, ꓢꓴ ꓑ ꓫꓬ ꓮ ꓟꓬ, ꓟꓬꓽ ꓡ ꓟ ꓓꓳꓽ

8 ꓦ 24 ꓠꓬꓲ 2022 ꓘꓳꓼ ꓕꓯ ꓬ‐ꓖꓳꓥ Passport ꓫꓬ, ꓖꓴ ꓦꓲꓻ ꓗꓪ Passport ꓫꓬ, ꓡ ꓢꓴ ꓑ ꓫꓬ ꓮ ꓟꓬ, ꓟꓬꓽˍ ꓡꓳ ꓐꓰ ꓢꓷ. ꓪ ꓡꓳ꓿ ꓟꓬ‐ꓟ ꓗꓴꓷꓼ ꓗꓪ ꓗꓴꓷꓼ ꓫꓵꓽ ꓪꓴ ꓐꓰ Covid-19 ꓠꓻ ꓫꓵꓽ ꓙꓳ ꓡꓰ ꓗ ꓠꓯ ꓑ ꓫꓬ ꓮ ꓟꓬ, ꓠꓬ ꓠꓱ. ꓐꓯ ꓗꓴꓷꓼ ꓗꓪ ꓟꓬꓱꓼ ꓬꓰ ꓙꓰ ꓠ, ꓟ Passport ꓫꓬ, ꓠ, ꓟ ꓐꓱ ꓶ ꓬꓰ ꓔꓬ ꓟ ꓪꓴ. ꓠꓬ Passport ꓫꓬ, ꓦꓲꓻ ꓗꓪ ꓞꓳ ꓤ ꓮ ꓟꓬ, ꓟꓬꓽˍ ꓡꓳ ꓐꓰ ꓢꓷ. ꓪ ꓡꓳ꓿

ꓟꓬ‐ꓟ ꓗꓴꓷꓼ ꓘꓴꓽ ꓗꓪ ꓑ ꓫꓬ ꓐꓴ ꓠꓻ ꓫꓵꓽ ꓐꓰ ꓗꓴꓷꓼ ꓫꓵꓽ ꓪꓴ ꓑꓶ. ꓓꓴ ꓟꓬꓱꓽ ꓬꓰ ꓜ ꓠ, ꓟ ꓫ ꓔꓬ ꓡꓳ꓿ ꓝꓮꓲ ꓶ ꓤꓼ ꓒꓵꓽ ꓥ ꓟꓲ ꓮ ꓟꓬ ꓓꓯˍ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓫ ꓔꓬ ꓡꓳ ꓐꓰ ꓢꓷ. ꓪ ꓡꓳ꓿ ꓗꓳ. ꓗꓷ ꓟ ꓘꓳꓼ ꓕꓯ Passport ꓫꓬ, ꓢꓴ ꓑ ꓫꓬ ꓮ ꓟꓬ, ꓟꓽ ꓔꓬ ꓥ ꓟꓲ ꓛꓲ ꓠꓬꓲ, ꓠꓬ ꓮ ꓟꓬ, ꓙꓳˍ ꓡꓳ ꓐꓰ ꓢꓷ. ꓪ ꓡꓳ꓿