ꓬ‐ꓘꓮꓲ ꓟꓵꓽ ꓗꓪ ꓟꓲ ꓦꓲ ꓕꓳꓽ ꓥꓳꓽ ꓙꓱꓼ ꓡ ꓓꓴ ꓙꓳˍ ꓟ ꓪꓴ. ꓠꓬꓲ ꓬꓲꓻ ꓙꓬ ꓙꓵꓽ ꓡ ꓓꓴ ꓙꓳˍ ꓟ ꓓꓳꓽ

ꓬ‐ꓘꓮꓲ ꓟꓵꓽ ꓗꓪ ꓟꓲ ꓦꓲ ꓕꓳꓽ ꓥꓳꓽ ꓙꓱꓼ ꓡ ꓓꓴ ꓙꓳˍ ꓟ ꓪꓴ. ꓠꓬꓲ ꓬꓲꓻ ꓙꓬ ꓙꓵꓽ ꓡ ꓓꓴ ꓙꓳˍ ꓟ ꓓꓳꓽ

5 ꓦ ꓠ 26 ꓠꓬꓲ 2024 ꓘꓳꓼ ꓕꓯ ꓬ‐ꓘꓮꓲ ꓟꓵꓽ ꓗꓪ ꓟꓲ ꓦꓲ ꓕꓳꓽ ꓥꓳꓽ ꓙꓱꓼ ꓡ ꓓꓴ ꓙꓳˍ ꓟ ꓪꓴ. ꓠꓬꓲ ꓬꓲꓻ ꓙꓬ ꓙꓵꓽ ꓡ ꓓꓴ ꓙꓳˍ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓔꓯ ꓮ ꓘꓶ. ꓛꓲ ꓤ ꓟꓳ ꓠ, ꓟ ꓐꓯ ꓔ ꓡꓳ꓿ ꓬꓲꓻ ꓙꓬ ꓙꓵꓽ ꓡ ꓟ ꓠꓬ (24) ꓙꓵ, ꓘꓴꓽ ꓗꓪ ꓙꓵꓽ ꓡ ꓓꓴ ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿

ꓟꓲ ꓦꓲ ꓕꓳꓽ ꓥꓳꓽ ꓑꓶ. ꓓꓴ ꓬꓲꓻ ꓙꓬ ꓙꓵꓽ ꓡ ꓟ ꓓꓴ ꓙꓳˍ ꓟ ꓬꓲ ꓔꓶ. ꓠꓬ ꓬ‐ꓘꓮꓲ ꓟꓵꓽ ꓛꓳ‐ꓒꓬꓳ꓾ ꓢꓲꓠ‐ꓓꓪꓮ꓾ ꓟꓬꓳ‐ꓳ꓾ ꓟꓲꓠ‐ꓑꓬ꓾ ꓟꓵꓽ ꓗꓪ ꓬꓲꓻ ꓙꓬ ꓙꓵꓽ ꓡ ꓓꓴ ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓟꓲꓽ ꓦꓲꓽ ꓕꓳꓽ ꓥꓳꓽ ꓑꓶ. ꓓꓴ ꓬꓲꓻ ꓡꓴ ꓐꓱ ꓬꓲꓻ ꓙꓬ ꓠꓬ (19) ꓑꓯ ꓗꓪ ꓐꓰ (21) ꓑꓯ ꓗꓪ ꓛꓲ ꓙꓵꓽ ꓡ ꓓꓴ ꓙꓳˍ ꓡ ꓐꓰ ꓐꓯ ꓔ ꓡꓳ꓿ ꓝꓮꓲ ꓟꓲꓽ ꓦꓲꓽ ꓕꓳꓽ ꓥꓳꓽ ꓥ ꓟꓲ ꓬꓲ ꓢꓯꓼ ꓮ ꓟꓬ, ꓙꓳˍ ꓡ ꓓꓴ ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿  

ꓖꓳ ꓡꓱ ꓥ ꓟ ꓪꓴ. ꓠꓬꓲ ꓟꓬ‐ꓟ ꓡꓳ ꓒꓱ ꓓꓽ ꓮ ꓟꓬ, ꓗꓪ ꓥ ꓟꓲ ꓟꓲ ꓦ ꓦꓻ ꓡ ꓓꓴ ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿ ꓬꓲꓻ ꓡꓴ ꓐꓱ ꓑ ꓕꓲ ꓗꓪ ꓔꓬ ꓢꓴ ꓐꓴ ꓔꓯ ꓤ ꓟꓳ ꓢꓲ ꓠꓬꓲ ꓔꓬ ꓠ, ꓟ ꓟꓵꓽ ꓘꓳꓼ ꓔꓯ ꓢꓷ. ꓠꓲ, ꓙꓳˍ ꓢꓴ ꓐꓴ ꓡꓰ ꓐꓯ ꓔ ꓡꓳ ( Myanmaplatform) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿