ꓬꓲꓻ ꓙꓬ ꓙꓵꓽ ꓔꓬ ꓟ ꓧꓶꓽ ꓗꓴꓷꓼ ꓖꓪ‐ꓙꓴ ꓡꓳ ꓒꓱ ꓗꓪ ꓟꓲ ꓦꓲ ꓕꓳꓽ ꓥꓳꓽ ꓙꓱꓼ ꓡ ꓢꓲ ꓠꓬꓲ ꓑ ꓫꓬ (5) ꓣꓳ ꓫꓵꓻ ꓡꓰ ꓢꓲ ꓠꓬꓲ ꓠꓻ ꓓꓴ ꓡꓰ ꓢꓴ ꓑ ꓫꓬ (33) ꓣꓳ ꓙꓳˍ ꓟ ꓓꓳꓽ(Tornado kill 5 in flood hit southern Chinese mega city of Fuangzhou)

ꓬꓲꓻ ꓙꓬ ꓙꓵꓽ ꓔꓬ ꓟ ꓧꓶꓽ ꓗꓴꓷꓼ ꓖꓪ‐ꓙꓴ ꓡꓳ ꓒꓱ ꓗꓪ ꓟꓲ ꓦꓲ ꓕꓳꓽ ꓥꓳꓽ ꓙꓱꓼ ꓡ ꓢꓲ ꓠꓬꓲ ꓑ ꓫꓬ (5) ꓣꓳ ꓫꓵꓻ ꓡꓰ ꓢꓲ ꓠꓬꓲ ꓠꓻ ꓓꓴ ꓡꓰ ꓢꓴ ꓑ ꓫꓬ (33) ꓣꓳ ꓙꓳˍ ꓟ ꓓꓳꓽ

4 ꓦ ꓟ 28 ꓠꓬꓲ 2024 ꓘꓳꓼ ꓕꓯ ꓬꓲꓻ ꓙꓬ ꓙꓵꓽ ꓔꓬ ꓟ ꓧꓶꓽ ꓗꓴꓷꓼ ꓖꓪ‐ꓙꓴ ꓡꓳ ꓒꓱ ꓗꓪ ꓟꓲ ꓦꓲ ꓕꓳꓽ ꓥꓳꓽ ꓙꓱ ꓡ ꓟ ꓑꓶ. ꓓꓴ ꓑ ꓫꓬ (5) ꓣꓳ ꓫꓵꓻ ꓡꓰ ꓢꓲ ꓠꓬꓲ ꓠꓻ ꓓꓴ ꓡꓰ ꓢꓴ ꓑ ꓫꓬ (33) ꓣꓳ ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿  ꓫꓬ ꓔꓬ ꓟ ꓗꓴꓷꓼ ꓗꓪ ꓖꓪ‐ꓙꓴ ꓡꓳ ꓒꓱ ꓗꓪ ꓟꓲ ꓦꓲ ꓕꓳꓽ ꓥꓳꓽ ꓙꓱ ꓡ ꓟ ꓪꓴ. ꓠꓬꓲ ꓑ ꓫꓬ ꓔꓬ ꓦꓲꓻ ꓐꓬ ꓡꓰ ꓟ ꓟꓽ ꓙꓳˍ ꓥ ꓟꓲ ꓙꓼ ꓦꓲꓻ (141) ꓦꓲꓻ ꓐꓬ ꓡꓰꓳ ꓐꓰ ꓙꓵꓽ ꓪ ꓙꓳˍ ꓢꓴ ꓐꓴ ꓡꓰ ꓐꓯ ꓔ ꓡꓳ꓿

ꓟꓲ ꓦꓲꓻ ꓕꓳꓽ ꓥꓳꓽ ꓠꓬ ꓬꓲ ꓢꓯꓼ ꓮ ꓘꓶ. ꓙꓳˍ ꓢꓲ ꓠꓬꓲ ꓙꓱꓼ ꓡ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓗꓴꓷꓼ ꓗꓪ ꓡꓳ ꓒꓱ ꓓꓽ ꓮ ꓟꓬ, ꓥ ꓟꓲ ꓟꓲ ꓦ ꓦ ꓟ ꓬꓲ ꓙꓵ, ꓟꓶ ꓫꓵˍ ꓫꓵˍ ꓥ ꓢꓲ ꓠꓬꓲ ꓟꓲ ꓦ ꓮ ꓟꓬ, ꓜꓯ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓮ ꓟꓬ ꓫ. ꓓꓴ ꓟꓷꓽ ꓓꓴ ꓔꓳ, ꓜꓳ ꓔꓬ ꓟ ꓥ ꓡꓳ꓿ ꓑ ꓫꓬ ꓮ ꓟꓬ, ꓥ ꓟꓲ ꓬꓲꓻ ꓙꓬ ꓟꓽ ꓛꓲ ꓡ ꓟ ꓟꓵꓽ ꓗꓪ ꓛꓰ ꓖꓶ ꓔꓬ ꓢꓲ ꓠꓬꓲ ꓫ. ꓔꓬ ꓢꓴ ꓐꓴ ꓔꓯ ꓬꓰ ꓙ ꓔꓳ, ꓙ ꓔꓬ ꓡꓳ ꓐꓰ (Myanmaplatform) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿