ꓬꓲꓻ ꓙꓬ ꓙꓵꓽ ꓡ ꓟ ꓑꓶ. ꓓꓴ ꓢ‐ꓗꓮꓲ ꓟꓵꓽ ꓗ‐ꓠꓲ ꓟꓵꓽ ꓗꓪ ꓑ ꓫꓬ ꓔꓬ ꓦꓲꓻ ꓐꓰ ꓓꓽ ꓖꓴ ꓐꓬ ꓡꓰ ꓟ ꓓꓳꓽ

ꓬꓲꓻ ꓙꓬ ꓙꓵꓽ ꓡ ꓟ ꓑꓶ. ꓓꓴ ꓢ‐ꓗꓮꓲ ꓟꓵꓽ ꓗ‐ꓠꓲ ꓟꓵꓽ ꓗꓪ ꓑ ꓫꓬ ꓔꓬ ꓦꓲꓻ ꓐꓰ ꓓꓽ ꓖꓴ ꓐꓬ ꓡꓰ ꓟ ꓓꓳꓽ

10 ꓦ ꓟ 14 ꓠꓬꓲ 2023 ꓘꓳꓼ ꓕꓯ ꓢ‐ꓗꓮꓲ ꓟꓵꓽ ꓗ‐ꓠꓲ, ꓟꓵꓽ ꓗꓪ ꓟꓲ ꓦ ꓮ ꓟꓬ, ꓦ ꓡ ꓟ ꓪꓴ. ꓠꓬꓲ ꓡꓳ ꓗ ꓙꓵꓽ ꓡ ꓟ ꓪꓴ. ꓠꓬꓲ ꓑ ꓫꓬ ꓔꓬ ꓦꓲꓻ (4) ꓦꓲꓻ ꓐꓰ ꓓꓽ ꓖꓴ ꓐꓬ ꓡꓰ ꓟ ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿

ꓖꓳ ꓟ ꓡꓰ ꓟꓽ ꓞꓲ ꓬꓲꓻ ꓙꓬ ꓙꓵꓽ ꓡ ꓟ ꓪꓴ. ꓠꓬꓲ ꓠꓻ ꓓꓴ ꓡꓰ ꓢꓴ ꓑ ꓫꓬ ꓐꓴ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓳ ꓘ, ꓘꓴꓽ ꓗꓪ ꓬꓲꓻ ꓙꓬ ꓙꓵꓽ ꓟꓶ. ꓡ ꓟ ꓪꓴ. ꓠꓬꓲ ꓑ ꓫꓬ ꓔꓬ ꓦꓲꓻ ꓕꓲ ꓦꓲꓻ ꓬꓲꓻ ꓙꓬ ꓘꓴꓽ ꓗꓪ ꓐ ꓡꓰ ꓐꓰ ꓐꓯ ꓔ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓬꓰ ꓙ ꓢꓴ ꓜꓴꓻ ꓡꓰ ꓫ. ꓔꓬ ꓟ ꓑ ꓫꓬ ꓐꓴ ꓔꓯ ꓬꓰ ꓙ ꓔꓳ, ꓙ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓑ ꓫꓬ ꓮ ꓟꓬ, ꓔꓯ ꓥ ꓟꓲ ꓬꓲꓻ ꓙꓬ ꓟꓽ ꓛꓲ ꓡ ꓟ ꓟꓵꓽ ꓗꓪ ꓚꓲ. ꓖꓶ ꓗꓷꓳ ꓐꓰ (Popular News Journal ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿