ꓬꓲꓻ ꓙꓬ ꓮ ꓘꓶꓸ ꓙꓵ_ ꓟ ꓑꓶ ꓓꓴ ꓬꓰ ꓙ ꓔꓳꓹ ꓙ ꓓꓴ ꓣꓱꓽ ꓬꓯꓼ ꓔꓬ ꓡꓳ ꓐꓰ Pakistan ꓠꓱꓸ ꓐꓯꓼ ꓗꓴꓷꓼ ꓙ ꓡꓯ ꓘꓳ ꓢꓲꓽ ꓒꓽ ꓡꓰ ꓐꓯ_ ꓟ ꓓꓳꓽ

Tuesday, August 30, 2022

ꓬꓲꓻ ꓙꓬ ꓮ ꓘꓶꓸ ꓙꓵ_ ꓟ ꓑꓶ ꓓꓴ ꓬꓰ ꓙ ꓔꓳꓹ ꓙ ꓓꓴ ꓣꓱꓽ ꓬꓯꓼ ꓔꓬ ꓡꓳ ꓐꓰ Pakistan ꓠꓱꓸ ꓐꓯꓼ ꓗꓴꓷꓼ ꓙ ꓡꓯ ꓘꓳ ꓢꓲꓽ ꓒꓽ ꓡꓰ ꓐꓯ_ ꓟ ꓓꓳꓽ

ꓬꓲꓻ ꓙꓬ ꓮ ꓘꓶꓸ ꓙꓵ_ ꓟ ꓕꓱ ꓡꓱ ꓔꓳꓹ ꓜꓳ_ ꓟ ꓑꓶ ꓓꓴ ꓑ-ꓗꓲ-ꓢ-ꓔꓮ ꓠꓬ ꓟꓵꓽ ꓗꓳꓸ ꓓꓵ ꓓꓵ ꓒꓴ ꓫ ꓜꓴ (ꓲꓟꓝ) ꓡꓰ ꓐꓰ ꓜꓴ ꓗꓪ ꓐꓰ ꓶꓻ ꓡꓯꓼ ꓚꓱꓹ ꓫꓸ ꓔꓬ ꓟ ꓕꓱ ꓟꓬ ꓫꓵ ꓔꓯ ꓓꓵꓽ ꓙ ꓢꓲ ꓬꓰ ꓙ ꓠꓹ ꓟ ꓠꓱꓸ ꓐꓯꓼ ꓗꓴꓷꓼ ꓙ ꓡꓯ ꓘꓳ ꓢꓲꓽ ꓒꓽ ꓡꓰ 8 ꓦ 28 ꓠꓬꓲ ꓕꓯ ꓐꓯ ꓔ ꓡꓳ=

ꓟꓶꓽ ꓦ ꓮ ꓘꓶꓸ ꓦ ꓟ ꓑꓶ ꓓꓴ ꓗꓴꓷꓼ ꓖꓴ ꓟꓶꓸ ꓐꓰ ꓗꓴꓷꓼ ꓖꓴ ꓪꓴꓸ ꓕꓲ ꓛꓱ ꓗꓪ ꓬꓲꓻ ꓙꓬ ꓙꓵ_ ꓟ ꓗꓷ ꓡꓰ ꓢꓲ꓾ ꓡ ꓞꓳ 30 ꓫꓬꓹ ꓛꓲ ꓠꓻ ꓓꓴ ꓡꓰ ꓢꓲ 1000 ꓣꓳ ꓛꓲ ꓫꓵꓻ ꓡꓰ ꓟ ꓥꓳ=

ꓕꓱ ꓡꓱ ꓫꓵ ꓬꓲ ꓪ ꓕꓲ ꓧꓪꓹ ꓟꓲ ꓟꓽ ꓔꓳꓹ ꓜꓳ ꓠꓬꓲ ꓐꓰ ꓑ-ꓗꓲ-ꓢ-ꓔꓮ ꓠꓱꓸ ꓐꓯꓼ ꓗꓴꓷꓼ ꓙ ꓡꓯ ꓘꓳ ꓢꓲꓽ ꓒꓽ ꓐꓲ-ꓡ-ꓪꓮ-ꓐꓴ-ꓔꓳ-ꓜꓮ-ꓓꓮ-ꓬꓲ ꓡꓰ ꓣꓮ-ꓔꓮ ꓓꓳꓽ ꓗꓪ ꓐꓯ ꓔ ꓡꓳ= ꓖꓳ ꓟ ꓡꓰ ꓟꓽ ꓞꓲ ꓬꓲꓻ ꓙꓬ ꓑꓶ ꓓꓴ ꓔꓶꓻ ꓫꓵ ꓔꓶꓻ ꓙꓰ ꓥ ꓟꓲ ꓮ ꓘꓶꓸ ꓐꓬ ꓡꓰ ꓟ ꓥꓳ= ꓕꓱ ꓡꓱ ꓐꓬ ꓡꓰ ꓟ ꓠꓬ ꓶꓻ ꓡꓯꓼ ꓟꓬꓱꓽ ꓚꓱꓹ ꓗꓪ ꓥ ꓟꓲ ꓫꓸ ꓓꓴ ꓔꓳꓹ ꓜꓳ ꓡ ꓟ ꓥꓳ ꓐꓰ ꓐꓯ ꓔ ꓡꓳ=ꓕꓱ ꓡꓱ ꓫꓸ ꓓꓴ ꓔꓳꓹ ꓜꓳ_ ꓟ ꓔꓯ ꓓꓵꓽ ꓙ ꓢꓲ ꓬꓰ ꓙ ꓔꓳꓹ ꓙ ꓖꓶ ꓠꓹ ꓟ ꓥꓳ ꓡꓳꓸ ꓔ ꓡꓳ ꓐꓰ ꓬꓲ ꓡꓰ ꓐꓯ ꓔ ꓡꓳ=