ꓬꓲ ꓘꓳꓼ 50 ꓘꓳꓼ ꓘꓴꓽ ꓗꓪ ꓦ-ꓐ ꓟꓵꓽ ꓗꓪ ꓞꓳ ꓤ ꓧꓳꓽ ꓢꓲ ꓠꓬꓲ ꓙꓰ ꓠꓹ ꓟ ꓟꓬꓱꓽ ꓐꓱ ꓶ ꓐꓬꓱ ꓦꓲꓻ ꓫꓵꓸ ꓢꓴ ꓡꓲꓸ ꓣꓳ ꓔꓯ ꓠ-ꓢ ꓜꓴꓻ ꓡꓰ ꓢꓲꓺ ꓔ ꓟ

ꓦ-ꓐ ꓟꓵꓽ ꓗꓪ ꓞꓳ ꓤ ꓧꓳꓽ ꓢꓲ ꓠꓬꓲ ꓙꓰ ꓠꓹ ꓟ ꓟꓬꓱꓽ ꓐꓱ ꓶ ꓠ-ꓢ ꓜꓴꓻ ꓡꓰ ꓢꓲꓺ ꓔ ꓟ ꓐꓬꓱ ꓦꓲꓻ ꓫꓵꓸ ꓢꓴ ꓡꓲꓸ ꓣꓳ

Wednesday, April 05, 2023

ꓮ-ꓟꓯ-ꓣꓲ-ꓗ ꓠ-ꓢ ꓠꓬ ꓬꓲ ꓘꓳꓼ 50 ꓘꓳꓼ ꓘꓴꓽ ꓗꓪ ꓞꓳ ꓤ ꓐꓴ ꓔꓯ ꓦ-ꓐ ꓟꓵꓽ ꓗꓪ ꓧꓳꓽ ꓔꓯꓹ ꓙꓰˍ ꓟ ꓮ-ꓔꓯꓹ-ꓟꓲ ꓔꓴꓹ ꓟꓲ-ꓫꓲ ꓗꓪ ꓬꓲ ꓪꓴꓸ ꓕꓲ ꓧꓪꓹ ꓙꓰˍ ꓟ ꓐꓬꓱ ꓦꓲꓻ ꓫꓵꓸ ꓢꓴ ꓐꓴ ꓔꓯ 4 ꓦ 3 ꓠꓬꓲ ꓠꓽ-ꓕꓲ-ꓠꓬꓲ ꓕꓯ ꓐꓯ ꓑꓶ ꓗꓷꓳ=

ꓐꓬꓱ ꓦꓲꓻ ꓫꓵꓸ ꓢꓴ ꓐꓴ ꓠꓬ Reid Wiseman꓾ Victor Glover꓾ Christina Koch ꓐꓰ Jeremy Hansen ꓐꓴ ꓥ ꓡꓳ= ꓜꓴꓻ ꓖꓳ ꓟ ꓗꓪ Jeremy Hansen ꓕꓲ ꓣꓳˍ ꓡꓰꓽ ꓗ-ꓠꓰ-ꓓ ꓗꓴꓷꓼ ꓢꓴ ꓥ ꓢꓲ꓾ ꓠꓱꓸ ꓐꓯ ꓢꓽ ꓣꓳ ꓠꓬ ꓮ-ꓟꓰ-ꓣꓲ-ꓗ ꓗꓴꓷꓼ ꓢꓴ ꓐꓴ ꓥ ꓡꓳ=

ꓬꓲ ꓪ ꓐꓴ ꓗꓪ Christina Koch ꓠꓬ ꓦ-ꓐ ꓟꓵꓽ ꓗꓪ ꓙꓰ ꓓꓴ ꓐꓱ ꓶ ꓟꓬꓱꓽ ꓖꓶꓽ ꓔ ꓟ ꓟꓶ ꓢꓴ ꓬꓲ ꓪꓴꓸ ꓟ ꓤ ꓟꓶ ꓤ ꓐꓬꓱ ꓦꓲꓻ ꓫꓵꓸ ꓢꓴ ꓒꓬꓱꓼ ꓡ ꓗꓷ ꓢꓲ Victor Glover ꓥˍ ꓟꓲ꓾ ꓬꓲ ꓪꓴꓸ ꓟ ꓧꓪꓽ ꓠꓯꓺ ꓫꓵꓽ ꓐꓬꓱ ꓦꓲꓻ ꓫꓵꓸ ꓢꓴ ꓒꓬꓱꓼ ꓡ ꓡꓳ=

ꓬꓲ ꓪ ꓐꓴ ꓠꓬ 2024 ꓘꓳꓼ 11 ꓦ ꓕꓯ ꓟꓲ ꓠꓯ ꓕꓱ ꓟ ꓗꓪ ꓐꓰ ꓓꓳꓻ ꓙꓰ ꓠꓹ ꓟ ꓙꓽ ꓖꓶ ꓔ ꓡꓳ= ꓐꓬꓱ ꓦꓲꓻ ꓫꓵꓸ ꓢꓴ ꓐꓴ ꓠꓬ ꓦ-ꓐ ꓟꓵꓽ ꓗꓪ ꓟꓽ ꓬꓯꓼ ꓙꓰ ꓥˍ ꓟꓲ꓾ ꓬꓲ ꓪ ꓗ ꓠꓯꓸ ꓡˍ ꓟ ꓐꓬꓱ ꓦꓲꓻ ꓫꓵꓸ ꓢꓴ ꓐꓴ ꓦ-ꓐ ꓟꓵꓽ ꓗꓪ ꓬꓯꓼ ꓙꓰ ꓐ ꓡ ꓠꓹ ꓟ ꓐꓱ ꓶ ꓙ ꓖꓴ ꓫꓬꓹ ꓖꓶ ꓓꓴ ꓥꓳ꓾ ꓐꓰ ꓢꓷꓸ ꓪ ꓡꓳ=