ꓰ-ꓖ-ꓡꓲ-ꓗꓮꓠ ꓔꓲꓺ ꓒ ꓓꓽ ꓟ ꓗ-ꓔꓳ-ꓡꓲ ꓘꓴ ꓜꓲꓼ ꓞꓳ ꓘꓴꓽ ꓗꓪ ꓓꓵꓽ ꓡˍ ꓟ ꓓꓳꓽ

ꓰ-ꓖ-ꓡꓲ-ꓗꓮꓠ ꓔꓲꓺ ꓒ ꓓꓽ ꓟ ꓮ-ꓡꓲ ꓔꓯ ꓔꓲꓺ ꓒ ꓫꓱꓸˍ ꓟ ꓑꓮꓲꓽ

ꓰꓠꓖꓡꓮꓠꓓ ꓔꓲꓺ ꓒ ꓓꓽ ꓠꓲ-ꓗꓳ-ꓡꓮꓢ ꓠꓬ ꓰ-ꓖ-ꓡꓲ ꓘꓴ ꓜꓲꓼ ꓞꓳ ꓗꓪ ꓐꓰ ꓓꓵꓽ ꓡ ꓟ ꓔꓲꓺ ꓒ ꓓꓽ ꓟ ꓠꓮꓜꓲ-ꓮꓡꓲ ꓔꓯ ꓔꓲꓺ ꓒ ꓙꓵꓽ ꓗ-ꓔꓳ-ꓡꓲꓗ ꓔꓲꓺ ꓒ ꓣꓱꓽ ꓝꓲ ꓠꓹ ꓟ 10 ꓦ ꓟ (30) ꓠꓬꓲ ꓕꓯ ꓚꓰꓺ ꓖꓶꓽ ꓗꓷꓳ=

“ꓟꓲꓚꓧꓰꓮꓡ ꓳ ꓠꓴ ꓔꓯ ꓗ-ꓔꓳ-ꓡꓲꓗ ꓘꓴ ꓜꓲꓼ ꓞꓳ ꓗꓪ ꓐꓰ ꓠꓲꓹ ꓒꓴ ꓠꓲꓹ ꓡꓱ ꓡꓱ ꓡꓰ ꓘꓳꓹ ꓣꓴ ꓔꓬˍ ꓡꓳ= ꓠꓴ ꓡꓰ ꓓꓵꓽ ꓙ ꓞꓷ ꓗꓷ ꓟ ꓕꓱ ꓗꓪ ꓓꓵꓽ ꓡ ꓠꓹ ꓟ ꓠꓬ ꓮ ꓘꓶꓸ ꓓꓵꓽ ꓙ ꓫ ꓗꓳꓸ ꓡ ꓥꓳ ꓐꓰ ꓥꓪ ꓠꓴ ꓢꓷꓸ ꓡꓳ= ꓠꓴ ꓡꓰ ꓪꓽ  ꓠꓬꓲ ˍ ꓟ ꓾ ꓢꓷꓸ ꓠꓲꓹ꓾ ꓢꓯꓼ ꓪ ꓮ ꓙꓵꓽ ꓔꓯ ꓪꓴ-ꓢ ꓔꓯ ꓝ ꓢꓲ ꓔꓲꓺ ꓡꓴ ꓟ ꓑꓶꓸ ꓓꓴ ꓪꓴ-ꓢ ꓡꓰ ꓠꓴ ꓔꓯ ꓪ ꓙꓲ ꓶꓼ ꓤꓽ ꓫꓱꓹ ꓤꓽ ꓖꓶꓽ ꓝꓲ ꓐꓰ” ꓐꓰ ꓔꓲꓺ ꓒ ꓓꓽ ꓟ ꓠꓲꓚꓳꓡꓮꓢ ꓡꓰ ꓬꓲꓸ ꓟꓸ ꓟꓲꓽ ꓚꓺ ꓗꓪ ꓐꓯ ꓗꓷꓳ=

ꓰ-ꓖ-ꓡꓲ-ꓗꓮꓠ ꓔꓲꓺ ꓒꓽ ꓐꓴ ꓔꓲꓺ ꓒ ꓓꓽ ꓟ ꓐꓴ ꓗꓪ ꓐꓰ ꓗ-ꓔꓳ-ꓡꓲꓗ ꓘꓴ ꓜꓲꓼ ꓞꓳ ꓗꓪ ꓓꓵꓽ ꓡ ꓢꓴ ꓐꓱ ꓶ ꓔꓲꓺ ꓒ ꓝ ꓣꓱꓽ ꓠꓲꓹ ꓫꓵ ꓢꓴ ꓔꓯ ꓖꓶꓽ ꓔ ꓟ ꓑꓰꓣꓢꓳꓠꓮꓡ ꓳꓣꓓꓲꓠꓮꓣꓲꓮꓔꓰ ꓐꓯ ꓟ ꓔꓯ ꓔꓲꓺ ꓪ ꓔꓲꓸ ꓐꓰ-ꓠꓰ-ꓓꓲ ꓡꓰ (2011) ꓘꓳꓼ ꓕꓯ ꓫꓬꓹ ꓔ ꓟ ꓥˍ ꓡꓳ=

 

ꓬꓲꓸ ꓞꓲꓼ (72) ꓘꓳꓼ ꓙꓳˍ ꓟ ꓔꓲꓺ ꓒ ꓮ ꓡꓲ ꓠꓬ ꓤꓽ ꓫꓵꓸ ꓤꓽ ꓠꓱꓺ ꓠꓬꓲꓽ ꓫꓵꓸ ꓙꓳˍ ꓡꓳ=

 

ꓬꓲꓸ ꓔꓯ 1974 ꓘꓳꓼ ꓕꓯ ꓰ-ꓖ-ꓡꓲ-ꓗꓮꓠ ꓔꓲꓺ ꓒ ꓚꓰꓺ ꓖꓶꓽ ꓗꓷ ꓢꓲ꓾ 1994 ꓘꓳꓼ ꓕꓯ ꓠꓬ ꓔꓲꓺ ꓒ ꓓꓽ ꓟ ꓚꓰꓺ ꓖꓶꓽ ꓗꓷ ꓢꓲ ꓣꓳꓚꓧꓰꓢꓔꓰꓣ ꓡꓳ ꓒꓱ ꓗꓪ ꓧꓳꓽ ꓣꓱꓽ ꓔꓬꓹ ꓝꓲˍ ꓟ ꓥ ꓡꓳ=

Add new comment

5 + 8 =