ꓲꓠꓓꓲꓮ ꓗꓪ ꓞꓺ ꓢꓯꓼ ꓐꓰ ꓬꓲꓻ ꓙꓬ ꓙꓵ ꓡꓳ: ꓧꓳꓹ ꓧꓳꓹ ꓟ ꓑꓶ ꓓꓴ 11 ꓣꓳ ꓛꓲ ꓫꓵꓻ ꓡꓰ ꓟ

ꓲꓠꓓꓲꓮ ꓗꓪ ꓞꓺ ꓢꓯꓼ ꓐꓰ ꓬꓲꓻ ꓙꓬ ꓙꓵ ꓡꓳ: ꓧꓳꓹ ꓧꓳꓹ ꓟ ꓑꓶ ꓓꓴ 11 ꓣꓳ ꓛꓲ ꓫꓵꓻ ꓡꓰ ꓟ
ꓲꓠꓓꓲꓮ ꓗꓪ ꓠ: ꓢ ꓠꓬꓲ ꓕꓯ ꓟꓵ: ꓘꓳꓼ ꓒꓳꓹ ꓟ ꓑꓶ ꓓꓴ ꓞꓺ ꓢꓯꓼ ꓟꓬ ꓡ ꓟ ꓡꓰ ꓐꓰ ꓬꓲꓻ ꓙꓬ ꓙꓵˍ ꓟ ꓡꓳ: ꓧꓳꓹ ꓧꓳꓹ ꓟ ꓑꓶ ꓓꓴ ꓕꓲ ꓫꓵ ꓠ ꓘꓴ: ꓗꓪ 11 ꓣꓳ ꓟ: ꓞꓲ ꓫꓵꓻ ꓡꓰꓳ ꓐꓰ ꓙꓵ: ꓪ ꓙꓳ ꓢꓴ ꓐꓴ ꓡꓰ ꓐꓯ ꓑꓶ ꓔ ꓡꓳ=
ꓠꓴꓓꓮꓡꓲ ꓡꓳ ꓒꓱ ꓗꓪ ꓠ: ꓠꓬꓲ ꓠꓬꓲ ꓕꓯ 6 ꓘꓳꓼ ꓘꓴ: ꓠꓯꓼ ꓗꓪ ꓞꓺ ꓢꓯꓼ ꓮ ꓘꓶ. ꓟꓬꓹ ꓟ ꓔꓯ ꓔꓳꓹ ꓜꓳ ꓡꓰ ꓢꓲ꓾ ꓠꓯꓺ ꓞꓲꓼ ꓦꓲꓻ ꓗꓪ ꓐꓰ ꓐꓯ ꓑꓶ ꓔ ꓟ ꓠꓬ 5 ꓣꓳ ꓟ: ꓞꓲ ꓫꓵꓻ ꓡꓰꓳ ꓐꓰ ꓢꓷ. ꓪ ꓡꓳ=
3 ꓦ ꓗꓪ ꓐꓰ ꓓꓰꓡꓲ ꓐꓰ ꓒ ꓕꓲ ꓗꓴꓷꓼ ꓫꓴꓺ ꓗꓪ ꓞꓺ ꓢꓯꓼ 50 ꓚ ꓗꓪ ꓛꓲ ꓟꓬ ꓡ ꓟ ꓥꓳ ꓐꓰ ꓢꓷ. ꓪ ꓡꓳ=
ꓲꓠꓓꓲꓮ ꓗꓪ ꓐꓰ ꓬꓲꓻ ꓙꓬ ꓡꓳ ꓓ: ꓥ ꓟ ꓑꓬꓮꓟꓮꓐꓴꓔꓮꓬꓮ ꓬꓲꓻ ꓙꓬ ꓡꓳ ꓠꓬ ꓙꓬ ꓫ. ꓓꓴ ꓬꓲ ꓞꓲ  ꓗꓪ ꓙꓻ ꓡꓰ ꓟ ꓡꓰ ꓐꓰ ꓮꓣꓔꓮꓠ ꓗꓴꓷꓼ ꓫꓴꓻ ꓗꓪ ꓠꓬ ꓞꓳ ꓵ ꓣꓳ 160000 ꓟ: ꓞꓲ ꓬꓲꓻ ꓙꓬ ꓑꓶ ꓓꓴ ꓫ. ꓓꓴ ꓔꓳꓹ ꓜꓳ ꓔꓬ ꓟ ꓥꓳ= ꓟꓶ: ꓦ ꓓ: ꓟ ꓦ ꓟ ꓑꓶ ꓓꓴ ꓬꓲꓻ ꓙꓬ ꓙꓵˍ ꓟ ꓡꓳ: ꓧꓳꓹ ꓧꓳꓹ ꓟ ꓐꓰ 5 ꓦ ꓗꓪ ꓐꓰ ꓫꓵꓻ ꓢꓴ 30 ꓣꓳ ꓟ: ꓞꓲ ꓙꓳ ꓡꓰꓳ ꓐꓰ ꓢꓷ. ꓪ ꓡꓳ=