ꓲ-ꓓꓲ-ꓬ Carmelite ꓪꓴ-ꓢ ꓟꓬꓱꓽ ꓬꓰ ꓜꓴꓻ ꓬꓲ ꓘꓳꓼ 50 ꓘꓳꓼ ꓘꓴꓽ ꓗꓪ ꓞꓳ ꓤ ꓕꓲꓽ ꓫꓬꓹ ꓣꓳ ꓔꓯ ꓖꓳ ꓓꓱꓽ ꓔꓲꓹ ꓖꓶ ꓗꓷꓳ

Carmelite ꓜꓴꓻ (OCD) ꓐꓰ ꓟꓬꓱꓺ ꓔ ꓟ ꓪꓴ-ꓢ ꓟꓬꓱꓽ ꓬꓰ ꓜꓴꓻ ꓠꓬ ꓲ-ꓓꓲ-ꓬ ꓗꓴꓷꓼ ꓖꓴ ꓟꓶꓸ Andhra ꓐꓰ Telangana ꓟꓵꓽ ꓫꓴ ꓘꓴꓽ ꓗꓪ ꓬꓲ ꓘꓳꓼ 50 ꓘꓳꓼ ꓪꓴ-ꓢ ꓟꓬꓱꓽ ꓬꓰ ꓗꓷ ꓠꓬꓲ꓾ ꓦꓬꓼ ꓠꓬꓲ ꓖꓳ ꓟ ꓘꓴꓽ ꓗꓪ ꓞꓳ ꓤ 1 ꓫꓬꓹ ꓣꓳ ꓔꓯ ꓖꓳ ꓓꓱꓽ ꓔꓲꓹ ꓖꓶ ꓟꓶ ꓡꓰꓳ=

ꓲ-ꓓꓲ-ꓬ ꓗꓴꓷꓼ ꓗꓪ ꓟꓽ ꓓ ꓪꓴꓽˍ ꓟ ꓟꓵꓽ ꓫꓴ ꓥ ꓟ Andhra Pradesh  ꓠꓬ Carmelite ꓜꓴꓻ ꓐꓴ ꓪꓴ-ꓢ ꓟꓬꓱꓽ ꓬꓰ ꓔꓬ ꓟ ꓥ ꓢꓲ 1971 ꓕꓯ Carmelite ꓔꓲꓺ ꓒ 3 ꓣꓳ ꓗꓪ ꓐꓰ ꓪꓴꓸ ꓔꓴꓺ ꓗꓷ ꓟ ꓥ ꓡꓳ= ꓮ ꓟꓶ ꓗꓪ ꓛꓲꓺ ꓠꓬ ꓔꓲꓺ ꓒ ꓮ ꓟꓬꓹ ꓣꓳ ꓙꓳ ꓡꓰ ꓟꓽ ꓡꓰꓽ ꓟꓽ ꓞꓲꓺ꓾ ꓔꓲꓺ ꓒ ꓒꓬꓱꓼ ꓠꓹ ꓟ ꓢꓳꓺ ꓔꓬ ꓢꓴ Bro 34 ꓣꓳ ꓙꓳˍ ꓟ ꓥ ꓡꓳ=

Carmelite ꓔꓲꓺ ꓒ ꓜꓴꓻ ꓠꓬ ꓞꓳ ꓘꓹ 250 ꓘꓹ ꓔꓯ ꓡꓳꓸ ꓙ ꓔꓬ ꓪˍ ꓟ ꓥ ꓢꓲ ꓠꓬꓲ ꓢꓷꓸ ꓠꓲꓹ ꓢꓳˍ ꓟꓽ ꓟ ꓗꓪ ꓐꓰ ꓠꓽ ꓗꓷ ꓪ ꓡꓰ ꓟ ꓞꓳ ꓡꓱ 250 ꓣꓳ ꓔꓯˍ ꓟꓲ ꓶꓻ ꓡꓯ ꓬꓰˍ ꓟ ꓢꓷꓸ ꓠꓲꓹ ꓔꓯ ꓟꓸ ꓖꓶˍ ꓗꓷꓳ꓾ ꓐꓰ ꓣꓦꓮ ꓓꓳꓽ ꓗꓪ ꓐꓯ ꓔ ꓡꓳ=