ꓲ-ꓬ-ꓪ-ꓓꓲ ꓟꓵꓽ ꓗꓪ ꓬꓲ ꓝꓲꓸ ꓟꓽ ꓥ꓾ ꓟꓶꓽ ꓦ ꓦ ꓡ ꓢꓲ ꓟꓲꓽ ꓦꓲ ꓙꓱꓼ ꓡ ꓟ ꓑꓶꓸ ꓓꓴ ꓡꓳ ꓒꓱ 5 ꓟ ꓗꓪ ꓞꓳ ꓦꓲꓻ 90 ꓦꓲꓻ ꓛꓲꓺ ꓐꓬ ꓡꓰ ꓗꓷꓳ

ꓲ-ꓬ-ꓪ-ꓓꓲ ꓟꓵꓽ ꓗꓪ ꓬꓲ ꓝꓲꓸ ꓟꓽ ꓥ꓾ ꓟꓶꓽ ꓦ ꓦ ꓡ ꓢꓲ ꓟꓲꓽ ꓦꓲ ꓙꓱꓼ ꓡ ꓟ ꓑꓶꓸ ꓓꓴ ꓡꓳ ꓒꓱ 5 ꓟ ꓗꓪ ꓞꓳ ꓦꓲꓻ 90 ꓦꓲꓻ ꓛꓲꓺ ꓐꓬ ꓡꓰ ꓗꓷꓳ

ꓮ ꓟꓶ 3 ꓦ ꓘꓴꓽ ꓠꓯꓸꓼ ꓗꓪ ꓲ-ꓬ-ꓪ-ꓓꓲ ꓟꓵꓽ ꓘꓴꓽ ꓗꓪ ꓬꓲ ꓙꓵꓹ ꓬꓲ ꓝꓲꓸ ꓟꓽ ꓥ꓾ ꓟꓶꓽ ꓦ ꓦ ꓡ ꓟ ꓑꓶꓸ ꓓꓴ ꓞꓳ ꓦꓲꓻ 90 ꓦꓲꓻ ꓛꓲꓺ ꓐꓱꓽ ꓙꓰ ꓢꓲ ꓐꓬ ꓡꓰꓳ꓾ ꓐꓰ ꓲ-ꓬ-ꓪ-ꓓꓲ ꓟꓵꓽ ꓙꓵꓽ ꓪ ꓙꓳ ꓢꓴ ꓐꓴ ꓗꓪ ꓐꓰ ꓢꓷꓸ ꓪ ꓡꓳ=

ꓲ-ꓬ-ꓪ-ꓓꓲ ꓟꓵꓽ ꓗꓪ 3 ꓦ 14 ꓠꓬꓲ ꓗꓪ ꓐꓰ 19 ꓠꓬꓲ ꓗꓪ ꓛꓲꓺ ꓟꓶꓽ ꓦ ꓦ ꓡ꓾ ꓟꓲꓽ ꓦꓲ ꓕꓳꓽ ꓥꓳꓽ ꓙꓱꓼ ꓡ ꓟ ꓑꓶꓸ ꓓꓴ ꓔ-ꓑꓮꓴꓹ꓾ ꓗꓯ-ꓙꓲꓹ-ꓔꓮꓴꓔ꓾ ꓑ-ꓔꓰꓲꓠ ꓾ ꓒꓬ-ꓑꓳ ꓐꓰ ꓡꓰꓹ-ꓟꓬꓯꓸꓼ-ꓠ ꓡꓳ ꓒꓱ ꓐꓴ ꓗꓪ ꓞꓳ ꓤ ꓔꓬ ꓦꓲꓻ ꓐꓬ ꓡꓰꓳ꓾ ꓐꓰ ꓙꓵꓽ ꓪ ꓙꓳ ꓢꓴ ꓡꓰ ꓐꓯ ꓡꓳ= ꓕꓱ ꓡꓱ ꓦꓲꓻ ꓐꓬ ꓡꓰˍ ꓟ ꓗꓪ ꓠꓻ ꓓꓴ ꓓꓴ ꓡꓰ ꓓꓴ ꓫꓵꓻ ꓢꓴ ꓠꓬ ꓟꓽ ꓙꓳ꓾ ꓬꓲ ꓪ ꓔꓯ ꓬꓰ ꓙ ꓔꓳꓹ ꓙ ꓟ ꓔꓯˍ ꓟꓲ ꓬꓰ ꓖꓶ ꓗꓷꓳ꓾ ꓐꓰ ꓢꓷꓸ ꓪ ꓡꓳ=

ꓲ-ꓬ-ꓪ-ꓓꓲ ꓟꓵꓽ ꓫꓴ ꓗꓪ ꓠꓬ ꓮ ꓟꓶ ꓕꓲ ꓘꓳꓼ 1 ꓦ ꓗꓪˍ ꓟꓲ ꓟꓶꓽ ꓦ ꓦ꓾ ꓟꓲꓽ ꓦꓲ ꓕꓳꓽ ꓥꓳꓽ ꓓꓽ ꓟ ꓙꓱꓼ ꓗꓷ ꓟ ꓑꓶꓸ ꓓꓴ ꓞꓳ ꓦꓲꓻ 30 ꓦꓲꓻ ꓟꓽ ꓞꓲꓺ ꓐꓬ ꓡꓰ ꓗꓷ ꓟ ꓥ ꓡꓳ= ꓖꓳ ꓟ ꓡꓰꓽ ꓟꓽ ꓞꓲꓺ ꓔꓶꓺ ꓔ ꓟ ꓮ ꓠꓳ ꓟꓲꓺ ꓐꓴ ꓥˍ ꓟꓲ ꓬꓲꓻ ꓙꓬ ꓙꓵꓽ ꓟꓶꓸ ꓡꓰ ꓢꓲ ꓐꓬ ꓡꓰꓳ꓾ ꓐꓰ ꓢꓷꓸ ꓪ ꓡꓳ=