ꓴꓢꓮ ꓗꓴꓷꓼ ꓗꓪ ꓛꓲꓹ ꓞꓳ ꓡꓯ. ꓕꓲ ꓣꓳ ꓴꓝꓚ ꓓꓶꓽ ꓔꓯꓺ ꓡꓯꓽ ꓘꓳ ꓑꓮꓲꓽ ꓗꓪ ꓧꓪ. ꓡꓰ ꓟ ꓓꓳꓽ

ꓴꓢꓮ ꓗꓴꓷꓼ ꓗꓪ ꓛꓲꓹ ꓞꓳ ꓡꓯ. ꓕꓲ ꓣꓳ ꓴꓝꓚ ꓓꓶꓽ ꓔꓯꓺ  ꓡꓯꓽ ꓘꓳ ꓑꓮꓲꓽ ꓗꓪ ꓧꓪ. ꓡꓰ ꓟ ꓓꓳꓽ

6 ꓦ ꓟ 24 ꓠꓬꓲ 2023 ꓘꓳꓼ ꓕꓯ ꓴꓢꓮ ꓗꓴꓷꓼ ꓗꓪ ꓛꓲꓹ ꓞꓳ ꓫꓵꓽ ꓞꓳ ꓡꓯ. ꓕꓲ ꓣꓳ ꓠꓬ ꓴꓝꓚ ꓓꓶꓽ ꓔꓯꓺ ꓡꓯꓽ ꓘꓳ ꓑꓮꓲꓽ ꓗꓪ ꓧꓪ. ꓡꓰꓳ꓾ ꓐꓰ ꓢꓷ. ꓪ  ꓡꓳ꓿ ꓬꓲ. ꓟꓬꓱꓺ ꓠꓬ ꓙꓳꓢꓧꓴꓮ ꓦꓮꓠ ꓥ ꓡꓳ꓿ ꓕꓱ ꓓꓶꓽ ꓔꓯꓺ ꓑꓮꓲꓽ ꓠꓬ ꓴꓢꓮ ꓗꓴꓷꓼ Florida ꓟꓵꓽ Jacksonville ꓡꓳ ꓒꓱ ꓗꓪ ꓬꓰ ꓗꓷ ꓟ ꓥ ꓡꓳ꓿

  ꓴꓝꓚ ꓓꓶꓽ ꓔꓯꓺ ꓡꓯꓽ ꓘꓳ ꓑꓮꓲꓽ ꓗꓪ ꓙꓳꓢꓧꓴꓮꓡ ꓦꓮꓠ ꓠꓬ ꓬꓲ. ꓪꓴ. ꓕꓲ ꓣꓳ ꓟ ꓟꓬ‐ꓟ ꓞꓳ ꓫꓵꓽ ꓕꓲ ꓣꓳ ꓓꓶꓽ ꓔꓯꓺ ꓡꓯ ꓘꓳ, ꓑꓮꓲ ꓗꓪ ꓓꓶꓽ ꓢꓴ ꓥ ꓡꓳ꓿ ꓬꓲ. ꓡꓰ ꓫ. ꓕꓱ ꓔ ꓟ ꓠꓬ ꓟꓽ ꓓꓶꓽ ꓔꓯꓺ ꓡꓯꓽ ꓘꓳ ꓢꓰꓽ ꓕꓯ ꓡꓰ ꓧꓪ. ꓡ ꓓꓴ ꓥꓳ ꓐꓰ ꓓꓵꓽ ꓙ ꓔ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓬꓲ. ꓠꓬ ꓕꓱ ꓓꓶꓽ ꓔꓯꓺ ꓘꓳ ꓑꓮꓲꓽ ꓗꓪ ꓬꓲ. ꓧꓶꓺ ꓗꓪ ꓐꓰ ꓧꓪ. ꓡꓰ ꓟ ꓥ ꓡꓳ꓿

ꓬꓲ. ꓞꓲꓼ 22 ꓘꓳꓼ ꓙꓳˍ ꓟ  ꓦꓮꓠ ꓠꓬ ꓟꓬ‐ꓟ ꓗꓴꓷꓼ ꓛꓲꓹ ꓟꓵꓽ ꓦ‐ꓘ ꓡꓳ ꓒꓱ ꓗꓪ ꓬꓲ. ꓞꓲꓼ (9) ꓘꓳꓼ ꓗꓪ ꓛꓲ ꓔꓬ ꓗꓷ ꓢꓴ ꓥ ꓢꓲ ꓠꓬꓲ ꓮ ꓟꓶ ꓗꓪ ꓠꓬ ꓴꓢꓮ ꓗꓴꓷꓼ ꓗꓪ ꓔꓬ ꓢꓴ ꓕꓲ ꓣꓳ ꓥ ꓡꓳ ꓐꓰ ꓢꓷ. ꓪ ꓡꓳ꓿