11 ꓦ ꓟ 2 ꓠꓬꓲ ꓟ ꓐꓱ ꓶ ꓓꓳꓽ ꓫꓵꓽ ꓓꓳꓽ ꓙꓰꓽ

ꓐꓱ ꓓꓵꓽ ꓗꓪ ꓐꓱꓺ ꓪ ꓡꓰ ꓟ ꓔꓲꓺ ꓟ ꓠꓬꓲꓽ ꓣꓳ

Tuesday, November 02, 2021

2ꓸꓫꓵꓻ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓟ ꓑꓮꓲ ꓦꓬ ꓠꓬꓲ ꓗꓪ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓟꓶ-ꓚꓲ-ꓟ ꓗꓪ ꓪꓴꓽ ꓢ ꓟꓬꓱꓽ ꓟꓯꓼ ꓔꓬ ꓟ ꓔꓲꓺ ꓒ John Galang La Raw ꓧꓳꓽ ꓪꓴꓸ ꓟꓴ ꓢꓲ ꓠꓬꓲ꓾ R-ꓔ-ꓗꓮꓴ ꓡꓯꓼ ꓜꓳꓼ ꓔꓶꓸ ꓗꓪ ꓟꓲ-ꓢ ꓔꓶ ꓪꓽ ꓘꓴ ꓖꓶ ꓟ ꓓꓳꓽ

ꓠꓬꓲꓸ ꓠꓬꓲꓸ 11ꓦ ꓟ 2 ꓠꓬꓲ 2021 ꓗꓪ ꓫꓵꓻ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓟ ꓑꓮꓲ ꓦꓬ ꓠꓬꓲ ꓗꓪ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓟꓶ-ꓚꓲ-ꓟ ꓗꓪ ꓪꓴꓽ ꓢ ꓟꓬꓱꓽ ꓟꓯꓼ ꓔꓬ ꓟ ꓔꓲꓺ ꓒ John Galang La Raw ꓧꓳꓽ ꓪꓴꓸ ꓟꓴ ꓢꓲ ꓠꓬꓲ꓾ R-ꓔ-ꓗꓮꓴ ꓡꓯꓼ ꓜꓳꓼ ꓔꓶꓸ ꓗꓪ ꓟꓲ-ꓢ ꓔꓶ ꓪꓽ ꓘꓴ ꓖꓶ ꓗꓷ ꓐꓰ ꓢꓷꓸ ꓪ ꓡꓳ= ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓞꓳ ꓗꓪ 11ꓦ ꓟ 2 ꓠꓬꓲ ꓕꓯ ꓫꓵꓻ ꓢꓴ ꓐꓴ ꓐꓱ ꓶ ꓪꓽ ꓘꓴ ꓙ ꓠꓹ ꓟ ꓑꓮꓲ ꓦꓬ ꓠꓬꓲ ꓟꓲ ꓥ ꓡꓳ=

ꓝꓮꓲ ꓞꓲꓼ ꓠꓲꓹ ꓠꓬ Covid-19 ꓠꓽ ꓫꓵꓽ ꓐꓶꓸ ꓓꓴ ꓡ ꓞꓳ ꓮ ꓟꓬꓹ ꓪꓽ ꓘꓴ ꓜꓲꓼ ꓓꓴ ꓗꓪ ꓐ ꓡ ꓟꓽ ꓪ ꓡꓰꓳ ꓐꓰ ꓢꓷꓸ ꓪ ꓡꓰꓳ=

3ꓸNepal ꓗꓴꓷꓼ ꓗꓪ ꓪꓴ-ꓢ ꓟꓬꓱꓽ ꓬꓰ ꓔꓬ ꓟ ꓔꓲꓺ ꓟ 2 ꓪ ꓔꓯ ꓗꓴꓷꓼ ꓙꓵꓽ ꓢꓲꓽ ꓒꓽ ꓐꓴ ꓡꓰ ꓐꓱ ꓓꓵ ꓗꓪ ꓗꓶ ꓗꓷ ꓟ ꓓꓳꓽ

10ꓦ ꓟ 30 ꓠꓬꓲ 2021 ꓘꓳꓼ ꓔꓯ Nepal ꓗꓴꓷꓼ ꓗꓪ ꓪꓴ-ꓢ ꓟꓬꓱꓽ ꓬꓰ ꓔꓬ ꓟ ꓔꓲꓺ ꓟ 2 ꓪ ꓔꓯ ꓗꓴꓷꓼ ꓙꓵꓽ ꓢꓲꓽ ꓒꓽ ꓐꓴ ꓡꓰ ꓗꓴꓷꓼ ꓗꓪ ꓔꓬ ꓟ ꓫꓸ ꓢꓴ ꓟꓷ ꓢꓴ ꓔꓯ ꓬꓰ ꓙ ꓟ ꓪꓴꓸ ꓠꓬꓲ ꓐꓰ ꓪꓴ-ꓢ ꓐꓯ ꓘꓶꓽ ꓚꓺ ꓟ. ꓟ ꓪꓴꓸꓠꓬꓲ ꓐꓱ ꓓꓵ ꓗꓪ ꓗꓶ ꓗꓷ ꓟ ꓥ ꓡꓳ=ꓔꓲꓺ ꓟ ꓐꓴ ꓠꓬꓲꓽ ꓪ ꓠꓬ ꓫꓸ ꓢꓴ ꓟꓷ ꓢꓴ ꓔꓯ ꓔꓬ ꓖꓴ ꓦꓲꓻ ꓫꓬꓹ ꓖꓶ ꓢꓲ ꓬꓰ ꓙ ꓢꓴ ꓐꓴ ꓥ ꓡꓳ ꓐꓰ ꓢꓷꓸ ꓪ ꓡꓳ=

4ꓸVatican ꓗꓴꓷꓼ ꓗꓪ ꓴꓢꓮ ꓗꓴꓷꓼ ꓙꓵꓽ ꓢꓲꓽ ꓒꓽ Joe Biden ꓐꓰ ꓔꓲꓺ ꓒ ꓪ ꓔꓲ Pope Francis ꓜꓲꓼ ꓡꓯ ꓘꓳꓽ ꓟ ꓓꓳꓽ

USA ꓗꓴꓷꓼ ꓙꓵꓽ ꓢꓲꓽ ꓒꓽ Joe Biden ꓐꓰ ꓔꓲꓺ ꓒ ꓪ ꓔꓲ Pope Francis ꓐꓴ ꓠꓬꓲ ꓪ ꓠꓬ 10ꓦ ꓟ 29 ꓠꓬꓲ 2021 ꓘꓳꓼ ꓠꓽ 5 ꓠꓬꓲꓸ ꓕꓯ Vatican ꓗꓴꓷꓼ ꓗꓪ ꓜꓲꓼ ꓡꓯ ꓘꓳꓹ ꓗꓷꓳ= USA ꓗꓴꓷꓼ ꓙꓵꓽ ꓢꓲꓽ ꓒꓽ Joe Biden ꓠꓬ ꓗ-ꓕꓳ-ꓡꓲꓗ ꓙꓵ ꓠꓲꓹ ꓚꓱꓹ ꓔꓯ ꓘꓳꓼ ꓣꓴ ꓢꓴ ꓥ ꓡꓳ= ꓬꓲ ꓠꓬ USA ꓗꓴꓷꓼ ꓗꓪ ꓗ-ꓕꓳ-ꓡꓲꓗ ꓘꓴ ꓜꓲꓼ ꓞꓳ ꓗꓪ ꓐꓰ ꓠꓬꓲꓽ ꓣꓳ ꓕꓲ ꓣꓳ ꓒꓬꓱꓼ ꓡ ꓟ ꓗꓴꓷꓼ ꓙꓵꓽ ꓢꓲꓽ ꓒꓽ ꓓꓽ ꓟ ꓥ ꓡꓳ=

5ꓸVatican ꓗꓴꓷꓼ ꓗꓪ India ꓗꓴꓷꓼ ꓢꓲꓽ ꓒꓽ ꓓꓽ Narendra Modi ꓐꓰ ꓔꓲꓺ ꓒ ꓪ ꓔꓲ Pope Francis ꓜꓲꓼ ꓡꓯ ꓘꓳꓼ ꓟ ꓓꓳꓽ

10ꓦ ꓟ 30 ꓠꓬꓲꓽ 2021 ꓘꓳꓼ ꓠꓽ ꓚꓳ ꓠꓬꓲꓸ ꓕꓯ India ꓗꓴꓷꓼ ꓙꓵꓽ ꓢꓲꓽ ꓒꓽ ꓓꓽ Narendra Modi ꓐꓰ ꓔꓲꓺ ꓒ ꓪ ꓔꓲ Pope Francis ꓐꓴ ꓠꓬꓲꓽ ꓪ ꓠꓬꓲ Vatican City ꓗꓴꓷꓼ ꓜꓲ ꓡꓯ ꓘꓳꓼ ꓡꓰꓳ ꓐꓰ ꓢꓷꓸ ꓪ ꓡꓰꓳ= India ꓗꓴꓷꓼ ꓙꓵꓽ ꓢꓲꓽ ꓒꓽ Modi ꓠꓬ ꓬꓲꓸ ꓪꓴꓸ ꓕꓲ ꓧꓪꓸ ꓔꓲꓺ ꓒ ꓪ ꓔꓲ ꓔꓯ ꓜꓲ ꓡ ꓟ ꓥ ꓡꓳ= ꓬꓲ ꓠꓬ ꓔꓲꓺ ꓒ ꓪ ꓔꓲ ꓔꓯ India ꓗꓴꓷꓼ ꓗꓪ ꓗꓹ ꓗꓹ ꓡ ꓠꓹ ꓟ ꓐꓯ ꓖꓶ ꓗꓷꓳ ꓐꓰ ꓢꓷꓸ ꓪ ꓡꓰꓳ=