12 ꓦ ꓘꓴꓽ ꓗꓪ ꓟꓵꓽ ꓗꓳ ꓓꓴ ꓓꓴ ꓗꓪ ꓪꓴ‐ꓢ ꓟꓬꓱꓽ ꓟꓯꓼ ꓔꓬ ꓟ ꓗ‐ꓕꓳ‐ꓡꓲꓗ ꓔꓲꓺ ꓒ ꓓꓽ (200) ꓪ ꓟ ꓞꓲ ꓫꓵꓻ ꓟ ꓓꓳꓽ

12 ꓦ ꓘꓴꓽ ꓗꓪ ꓟꓵꓽ ꓗꓳ ꓓꓴ ꓓꓴ ꓗꓪ ꓪꓴ‐ꓢ ꓟꓬꓱꓽ ꓟꓯꓼ ꓔꓬ ꓟ ꓗ‐ꓕꓳ‐ꓡꓲꓗ ꓔꓲꓺ ꓒ ꓓꓽ (200) ꓪ ꓟ ꓞꓲ ꓫꓵꓻ ꓟ ꓓꓳꓽ

11ꓦ ꓟ 5 ꓠꓬꓲ 2021 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Pope Francis ꓠꓬ ꓗꓳ. ꓗꓶ ꓟ ꓙꓵ ꓕꓯ ꓪꓴ‐ꓢ ꓟꓬꓱꓽ ꓟꓯ, ꓢꓲ  ꓠꓬꓲ꓾ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳ, ꓬꓰ ꓟ ꓔꓲꓺ ꓒ ꓓꓽ ꓐꓴ ꓦꓻ ꓐꓱ ꓶ ꓟꓲ‐ꓢ ꓔꓲ ꓖꓶ ꓪꓽ ꓘꓴ ꓙ ꓗꓷꓳ꓿

ꓗꓳ. ꓡꓳ ꓬꓰ ꓟ 9 ꓦ ꓗꓪ ꓐꓰ ꓪꓴ‐ꓢ ꓟꓬꓱꓽ ꓟꓯ, ꓔꓬ ꓟ ꓔꓲꓺ ꓒ ꓓꓽ Cardinal  (17) ꓪ ꓐꓰ ꓔꓲꓺ ꓒ ꓓꓽ  (190) ꓪ ꓫꓵꓻ ꓡꓰꓳ꓿ ꓔꓲꓺ ꓒ ꓓꓽ ꓐꓴ ꓕꓲ ꓐꓱ ꓠꓬ Covid-19 ꓠꓻ ꓫꓵꓽ ꓐꓶ ꓓꓴ ꓫꓵꓻ ꓟ ꓥ ꓡꓳ꓿

ꓔꓲꓺ ꓒ ꓪ ꓔꓲ Pope Francis ꓡꓰ ꓬꓲ ꓤ ꓠꓬꓲ ꓤ ꓐꓴꓳ ꓣꓳ ꓠꓬ ꓪꓴ‐ꓢ ꓟꓬꓱꓽ ꓟꓯ, ꓢꓲ ꓠꓬꓲ ꓟꓲ ꓠꓯ ꓗꓪ ꓐꓰ ꓧꓪꓽ ꓖꓳ ꓓꓱ ꓡꓳ  ꓬꓰ ꓟ ꓔꓲꓺ ꓒ ꓓꓽ ꓐꓴ ꓔꓯ ꓠꓲ ꓟ ꓠ, ꓠꓲ ꓟ ꓫ. ꓓꓴ ꓔꓳꓼ ꓜꓳ ꓗꓷ ꓟꓲ꓾ ꓢꓲꓻ ꓒ ꓬꓰ‐ꓢꓴ ꓡꓰ ꓐꓯ ꓔ ꓟ “ ꓥꓪ ꓐ, ꓐꓽ ꓦꓲꓻ ꓗꓪ ꓓꓵ ꓡꓯ꓾ ꓠꓴ ꓪ ꓐꓱ ꓶ ꓔꓬ ꓖꓴ ꓮ ꓟꓬ, ꓫꓬ, ꓔ ꓡꓳ ꓐꓰ ꓐꓯ ꓔ ꓟ ꓢꓲ ꓫꓬ ꓕꓳ ꓶ ꓝꓲ. ꓔꓯ ꓓꓵ ꓙ ꓠ, ꓔ ꓡꓳ ꓐꓰ ꓢꓯꓼ ꓖꓶ ꓡꓳ꓿

ꓔꓲꓺ ꓒ ꓪ ꓔꓲ ꓡꓰ ꓣꓳ ꓐꓴ ꓕꓲ ꓠꓬꓲ ꓡꓰ ꓕꓲ ꓠꓬꓲ ꓪꓽ ꓘꓴ ꓢꓲ ꓠꓬꓲ ꓣꓳ ꓬꓰ ꓠ, ꓟ ꓟꓬꓱꓽ ꓔꓯ ꓢꓯꓼ ꓕꓵꓼ ꓢꓲ ꓠꓬꓲ ꓪꓴ‐ꓢ ꓠꓲ, ꓡꓶ ꓔꓯ ꓛꓳ ꓙꓰ ꓡꓯ ꓐꓰ ꓢꓯꓼ ꓖꓶ ꓔ ꓡꓳ꓿

ꓗꓳ. ꓗꓷ ꓟ 9 ꓦ ꓗꓪ ꓐꓰ ꓟꓬ‐ꓟ ꓗꓴꓷꓼ ꓗꓪ ꓔꓲꓺ ꓒ ꓓꓽ (5) ꓪ ꓫꓵꓻ ꓡꓰꓳ ꓐꓰ ꓢꓷ. ꓪ ꓡꓳ꓿