12 ꓦ ꓟ 17 ꓠꓬꓲ ꓗꓪ ꓐꓰ 21 ꓗꓪ ꓛꓲ ꓑꓴꓔꓮꓳ ꓡꓳ ꓒꓱ ꓗꓪ ꓮ ꓘꓶ. ꓛꓲ ꓙꓬꓻ ꓡ ꓓꓴ ꓙꓳ ꓡꓳ ꓐꓰ ꓐꓯ ꓔ ꓡꓳ ꓟ

#Putao region #Kachin state #Photo by Paul yemi
Monday, December 18, 2023

12 ꓦ ꓟ  17 ꓠꓬꓲ ꓗꓪ ꓐꓰ 21 ꓗꓪ ꓛꓲ ꓑꓴꓔꓮꓳ ꓡꓳ ꓒꓱ ꓗꓪ ꓮ ꓘꓶ. ꓛꓲ ꓙꓬꓻ ꓡ ꓓꓴ ꓙꓳ ꓡꓳ ꓐꓰ ꓐꓯ ꓔ ꓡꓳ ꓟ

12 ꓦ ꓟ 16 ꓠꓬꓲ 2023 ꓘꓳꓼ ꓕꓯ ꓟꓬ‐ꓟ ꓗꓴꓷꓼ ꓟꓵꓽ ꓘꓳꓼ ꓔꓯ ꓟꓳꓺ ꓢꓷ. ꓠꓲ, ꓙꓳ ꓢꓴ ꓐꓴ ꓡꓰ 12 ꓦ ꓟ 17 ꓠꓬꓲ ꓗꓪ ꓐꓰ 21 ꓠꓬꓲ ꓘꓴꓽ ꓗꓪ ꓗ ꓛꓲ ꓗꓴꓷꓼ ꓫꓴꓻ ꓖ‐ꓟꓶ‐ꓓꓰ ꓟꓵꓽ ꓗꓪ ꓮ ꓟꓬ, ꓛꓲ ꓙꓬꓻ ꓡꓰ ꓓꓴ ꓙꓳ ꓡꓳ ꓐꓰ ꓐꓯ ꓔ ꓡꓳ꓿

ꓕꓱ ꓡꓰ ꓐꓰ ꓗ. ꓡꓰ ꓟ ꓠꓬ ꓖ‐ꓟꓶ‐ꓓꓰ ꓟꓵꓽ ꓗꓪ ꓙꓳˍ ꓟ ꓪ ꓛꓲ ꓡ ꓟ ꓟꓵꓽ  ꓮ ꓟꓬ, ꓗꓪ ꓪꓽ ꓜꓯꓼ ꓡ ꓓꓴ ꓙꓳˍ ꓟ ꓪꓴ. ꓠꓬꓲ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓑ ꓫꓬ ꓮ ꓟꓬ, ꓔꓯ ꓪꓽ ꓙꓳ ꓟ ꓪꓽ ꓚꓲ ꓗꓪ ꓙꓰ ꓟ ꓕꓽ ꓬꓰ ꓠ, ꓟ ꓐꓯ ꓔ ꓟ  ꓥ ꓡꓳ꓿

ꓟꓬ‐ꓟ ꓗꓴꓷꓼ ꓡꓳ ꓒꓱ ꓓꓽ ꓮ ꓟꓬ, ꓗꓪ ꓥ ꓟꓲ 12 ꓦ ꓘꓴꓽ ꓗꓪ ꓮ ꓟꓬ, ꓛꓲ ꓙꓬꓻ ꓡ ꓡꓳ ꓐꓰ ꓐꓯ ꓔ ꓟ ꓥ ꓡꓳ꓿ ꓔꓮꓴ‐ꓖꓬꓲ ꓟꓵꓽ ꓗꓪ ꓥ ꓟꓲ ꓛꓲ ꓡ ꓟ ꓕꓲ ꓫꓵꓽ ꓠꓽ ꓘꓴꓽ ꓗꓪ ꓮ ꓘꓶ. ꓛꓲ ꓙꓬꓻ ꓡ ꓓꓴ ꓙꓳ ꓟ ꓐꓰ ꓟꓲ ꓦ ꓦ ꓡ ꓓꓴ ꓟꓽ ꓙꓳ ꓐꓰ (Myanmarplatform) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿

Add new comment

2 + 1 =

Quick Links