2023 ꓘꓳꓼ ꓗꓪ ꓢꓲꓺ ꓒ ꓬꓰ-ꓢꓴ ꓬꓲ ꓝꓲ ꓓꓴ ꓜꓴꓻ ꓗꓪ ꓐꓰ ꓔꓲꓺ ꓒ 32 ꓣꓳ ꓔꓯ ꓔꓲꓺ ꓒ ꓙꓵꓽ ꓪ ꓖꓶ ꓠꓹ ꓟ ꓥꓳ꓾

2023 ꓘꓳꓼ ꓘꓴꓽ ꓗꓪ Legionaries of Christ ꓟꓬꓱꓺ ꓔ ꓟ ꓢꓲꓺ ꓒ ꓬꓰ-ꓢꓴ ꓬꓲ ꓝꓲ ꓓꓴ ꓜꓴꓻ ꓗꓪ ꓐꓰ ꓘꓴ ꓜꓲꓼ ꓞꓳ ꓟꓬꓱꓽ ꓬꓰ ꓓꓴ ꓐꓱ ꓶ ꓔꓲꓺ ꓒ 32 ꓣꓳ ꓔꓯ ꓔꓲꓺ ꓒ ꓙꓵꓽ ꓪ ꓖꓶ ꓠꓹ ꓟ ꓥ ꓡꓳ= ꓬꓲ ꓪ ꓐꓴ ꓘꓴꓽ ꓗꓪ ꓟ 29 ꓣꓳ ꓔꓯ ꓠꓬ ꓣꓳ-ꓟ ꓡꓳ ꓒꓱ ꓗꓪ ꓙꓳˍ ꓟ ꓙꓲꓻ ꓫꓬ ꓢꓴ Mary Major ꓗꓪ ꓟ Papal Basilica ꓗꓪ 4 ꓦ 29 ꓠꓬꓲ ꓕꓯ Vatican City ꓬꓳꓹ ꓢꓽ ꓡ ꓙꓵꓽ ꓥ ꓟ Cardinal Fernando ꓡꓰ ꓔꓲꓺ ꓒ ꓙꓵꓽ ꓪ ꓖꓶ ꓓꓴ ꓥꓳ= ꓠꓱꓸ ꓐꓯ 3 ꓣꓳ ꓔꓯ ꓠꓬ ꓕꓱ ꓕꓲ ꓘꓳꓼ ꓘꓴ: ꓗꓪ ꓟꓽ ꓫꓱꓸ ꓡꓯ ꓘꓳ ꓟ ꓦꓬꓼ ꓠꓬꓲ ꓗꓪ ꓔꓲꓺ ꓒ ꓙꓵꓽ ꓪ ꓖꓶ ꓠꓹ ꓟ ꓥꓳ꓾ ꓐꓰ ꓢꓷꓸ ꓪ ꓡꓳ=

ꓟꓽ ꓟꓶ ꓫꓵˍ ꓕꓯ ꓒꓬꓱꓼ ꓡˍ ꓟ ꓢꓲꓺ ꓒ ꓬꓰ-ꓢꓴ ꓬꓲ ꓝꓲ ꓓꓴ ꓜꓴꓻ ꓗꓪ ꓟ ꓔꓲꓺ ꓒ ꓫꓵꓼ ꓐꓴ ꓠꓬ ꓙ-ꓟ-ꓠꓲ꓾ ꓗꓳ-ꓡꓯ-ꓐꓲ-ꓬ꓾ ꓛꓬꓲ-ꓡꓲ꓾ ꓖꓴ ꓟꓶꓸ ꓗꓳ-ꓣꓲ-ꓬ꓾ ꓗ-ꓠꓰ-ꓓ꓾ ꓐ-ꓣ-ꓜꓰ꓾ ꓯ-ꓢ-ꓪꓰ-ꓓꓮꓪ꓾ ꓢ-ꓑꓰꓲꓠ꓾ ꓮ-ꓟꓰ-ꓣꓲ-ꓗ꓾ ꓲ-ꓔ-ꓡꓲ꓾ ꓟꓯ-ꓫꓲ-ꓗꓳ ꓐꓰ ꓦꓰꓠꓰꓜꓴꓰꓡꓮ ꓐꓴ ꓗꓪ ꓐꓰ ꓡˍ ꓟ ꓔꓲꓺ ꓒ ꓐꓴ ꓥ ꓡꓳ=

ꓣꓳ-ꓟ ꓡꓳ ꓒꓱ ꓗꓪ 4 ꓦ 29 ꓠꓬꓲ ꓕꓯ ꓬꓰˍ ꓟ ꓔꓲꓺ ꓒ ꓙꓵꓽ ꓪ ꓘꓳꓹ ꓣꓴ ꓑꓮꓲꓽ ꓔꓯ ꓣꓳ-ꓟ ꓫꓵꓽ ꓫꓵ ꓠꓯꓼ 10ꓽ00 ꓙꓵꓹ ꓕꓯ ꓘꓴ-ꓜꓲ-ꓞꓳ ꓪꓰꓐꓢꓲꓔꓰ ꓗꓪ ꓡꓳꓸ ꓐ ꓡˍ ꓡꓳ꓾ ꓐꓰ ꓚꓠꓮ ꓓꓳꓽ ꓗꓪ ꓐꓯ ꓔ ꓡꓳ