2023 ꓘꓳꓼ ꓘꓴꓽ ꓗꓪ ꓟꓵꓽ ꓗꓳ ꓓꓵ ꓓꓵ ꓗꓪ ꓪꓴ‐ꓢ ꓟꓬꓱ ꓟꓯ ꓔꓬ ꓟ ꓗ‐ꓔꓳ‐ꓡꓲꓗ ꓔꓲꓺ ꓒ ꓔꓲꓺ ꓟ (130) ꓣꓳ ꓔꓯ ꓟꓽ ꓙꓲ ꓢꓴ ꓐꓴ ꓡꓰ ꓐꓠꓦꓦ ꓢꓰꓼ ꓗꓷ ꓐꓰ ꓐꓯ ꓔ ꓟ

#creditphtoto #Presecution #Catholic Priests and Nuns

Monday, January 15, 2024

2023 ꓘꓳꓼ ꓘꓴꓽ ꓗꓪ ꓟꓵꓽ ꓗꓳ ꓓꓵ ꓓꓵ ꓗꓪ ꓪꓴ‐ꓢ ꓟꓬꓱ ꓟꓯ ꓔꓬ ꓟ ꓗ‐ꓔꓳ‐ꓡꓲꓗ ꓔꓲꓺ ꓒ ꓔꓲꓺ ꓟ (130) ꓣꓳ ꓔꓯ ꓟꓽ ꓙꓲ ꓢꓴ ꓐꓴ ꓡꓰ ꓐꓠꓦꓦ ꓢꓰꓼ ꓗꓷ ꓐꓰ ꓐꓯ ꓔ ꓟ

1 ꓦ ꓟ 14 ꓠꓬꓲ 2024 ꓘꓳꓼ ꓕꓯ ꓟꓵ ꓗꓳ ꓓꓵ ꓓꓵ ꓗꓪ ꓪꓴ‐ꓢ ꓟꓬꓱꓽ ꓔꓬ ꓟ ꓗ‐ꓔꓳ‐ꓡꓲꓗ ꓔꓲꓺ ꓒ ꓔꓲꓺ ꓟ ꓐꓴ ꓔꓯ ꓟꓽ ꓙꓲ ꓢꓴ ꓐꓴ ꓡꓰ 2023 ꓘꓳꓼ ꓘꓴꓽ ꓗꓪ (130) ꓣꓳ ꓔꓯ ꓢꓰꓼ ꓗꓷꓳ ꓐꓰ ꓮꓚꓠ ꓓꓳꓽ ꓗꓪ ꓐꓯ ꓔ ꓡꓳ꓿ ꓗꓳ. ꓗꓷ ꓟ (2022) ꓘꓴꓽ ꓗꓪ ꓟꓽ ꓙꓲ ꓢꓴ ꓐꓴ ꓡꓰ ꓪꓴ‐ꓢ ꓟꓬꓱꓽ ꓟꓯ ꓢꓴ ꓐꓴ ꓔꓯ ꓢꓰꓼ ꓗꓷ ꓟ ꓠꓬ (124) ꓣꓳ ꓥ ꓢꓲ ꓠꓬꓲ 2023 ꓘꓳꓼ ꓗꓪ ꓠꓬ ꓟꓽ ꓙꓲ ꓢꓴ ꓐꓴ ꓡꓰ ꓪꓴ‐ꓢ ꓟꓬꓱ ꓟꓯ ꓢꓴ ꓐꓴ ꓔꓯ ꓗꓷ ꓟ ꓮ ꓟꓬ, ꓙꓳˍ ꓡ ꓟ ꓥ ꓡꓳ꓿

ꓕꓱ ꓪꓴ‐ꓢ ꓟꓬꓱꓽ ꓟꓯ ꓢꓴ ꓐꓴ ꓔꓯ ꓢꓰꓼ ꓗꓷ ꓟ ꓘꓴꓽ ꓗꓪ ꓔꓲꓺ ꓒ ꓓꓽ (1) ꓣꓳ ꓥ ꓟꓲ ꓐ ꓟ ꓥ ꓡꓳ꓿ ꓪꓴ‐ꓢ ꓟꓬꓱꓽ ꓟꓯ ꓢꓴ ꓐꓴ ꓔꓯ ꓮ ꓟꓬ, ꓢꓰꓼ ꓟ ꓗꓴꓷꓼ ꓗꓪ Nigeria ꓗꓴꓷꓼ ꓥ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓟꓯ ꓟ ꓔꓲꓺ ꓒ ꓔꓲꓺ ꓟ ꓐꓴ ꓔꓯ ꓢꓰꓼ ꓟ ꓐꓰ ꓞꓳ ꓧꓳꓽ ꓡꓰ ꓢꓲ ꓠꓬꓲ ꓒꓴ ꓓꓰꓽ ꓟ ꓟꓬꓱꓽ ꓟꓽ ꓙꓲ ꓟ ꓮ ꓟꓬ, ꓬꓰ ꓟ ꓗꓴꓷꓼ ꓟꓲ ꓥ ꓡꓳ꓿ ꓪꓴ‐ꓢ ꓟꓬꓱꓽ ꓢꓴ ꓐꓴ ꓔꓯ ꓢꓰꓼ ꓟ ꓠꓬꓲꓽ ꓗꓴꓷꓼ ꓕꓲ ꓗꓴꓷꓼ ꓠꓬ ꓠꓲ‐ꓖ‐ꓣ‐ꓖꓳꓗ ꓗꓴꓷꓼ ꓥ ꓡꓳ꓿

ꓕꓱ ꓗꓴꓷꓼ ꓗꓪ ꓠꓬ ꓪꓴ‐ꓢ ꓟꓬꓱꓽ ꓟꓯ ꓢꓴ ꓐꓴ ꓔꓯ ꓗꓴꓷꓼ ꓙꓵꓽ ꓢꓴ ꓐꓴ ꓡꓰ (10) ꓣꓳ ꓔꓯ ꓐꓱ ꓓꓵ ꓗꓪ ꓐꓱ ꓢꓲ ꓠꓬꓲ ꓫ. ꓓꓴ ꓟꓶ ꓓꓴ ꓮ ꓟꓴ, ꓖꓶ ꓟ ꓗꓴꓷꓼ ꓥ ꓡꓳ꓿ ꓟꓵ ꓗꓳ ꓓꓵ ꓓꓵ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓢꓴ ꓐꓴ ꓔꓯ ꓢꓰꓼ ꓟ ꓓꓳꓽ ꓗꓪ ꓣꓴ ꓔ ꓟ ꓠꓬ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓢꓴ ꓐꓴ ꓡꓰ ꓥ ꓢꓲ ꓠꓬꓲ ꓠꓱ. ꓐꓯ ꓬꓲ ꓤ ꓠꓬꓲ ꓤ ꓐꓴ ꓘꓴ ꓜꓲꓼ ꓞꓳ ꓗꓪ ꓐꓰ ꓪꓴ‐ꓢ ꓟꓬꓱꓽ ꓟꓯ ꓔꓬ ꓢꓴ ꓐꓴ ꓟꓬꓱꓽ ꓔꓯ ꓠꓬ ꓟꓽ ꓣꓴ ꓔ ꓟ ꓥ ꓡꓳ ꓐꓰ ꓣꓦꓮ ꓟꓬꓮꓠꓟꓮꓣ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿