2023 ꓘꓳꓼ ꓟꓵꓽ ꓗꓳꓸ ꓓꓵ ꓓꓵ ꓞꓳ ꓡꓱ ꓑꓮꓲ ꓦꓬꓼ ꓠꓬꓲ ꓐꓱ ꓶ ꓔꓲꓺ ꓒ ꓪ ꓔꓲ ꓚꓳ ꓙꓰ ꓠꓹ ꓟ ꓓꓳꓽ

2023 ꓘꓳꓼ ꓟꓵꓽ ꓗꓳꓸ ꓓꓵ ꓓꓵ ꓞꓳ ꓡꓱ ꓑꓮꓲ ꓦꓬꓼ ꓠꓬꓲ ꓐꓱ ꓶ ꓔꓲꓺ ꓒ ꓪ ꓔꓲ ꓚꓳ ꓙꓰ ꓠꓹ ꓟ ꓓꓳꓽ

ꓑꓳ-ꓔꓴ-ꓗꓲ ꓗꓴꓷꓼ Lisbon ꓗꓪ 2023 ꓘꓳꓼ 8 ꓦ ꓟ 1 ꓠꓬꓲ ꓗꓪ ꓐꓰ 6 ꓠꓬꓲ ꓗꓪ ꓛꓲ ꓬꓰ_ ꓟ 2023 ꓘꓳꓼ 37 ꓧꓪꓹ ꓟ ꓟꓵꓽ ꓗꓳ ꓓꓵ ꓓꓵ ꓞꓳ ꓡꓱ ꓑꓮꓲ ꓐꓱ ꓶ ꓔꓲꓺ ꓒ ꓪ ꓔꓲ ꓙꓰ ꓠꓹ ꓟ ꓚꓱꓹ ꓦꓬꓼ ꓠꓬꓲ ꓔꓯ 6 ꓦ 6 ꓠꓬꓲ ꓕꓯ ꓐꓯ ꓑꓶ ꓔ ꓡꓳ=

37 ꓧꓪꓹ ꓟ ꓟꓵꓽ ꓗꓳꓸ ꓓꓵ ꓓꓵ ꓞꓳ ꓡꓱ ꓑꓮꓲ ꓦꓬꓼ ꓠꓬꓲ ꓔꓯ 2022 ꓘꓳꓼ ꓕꓯ ꓑꓳ-ꓔꓴ-ꓗꓲ ꓗꓪ ꓬꓰ ꓠꓹ ꓟ ꓥ ꓡꓳ= ꓖꓳ ꓡꓱ ꓥ ꓟꓲ ꓠꓻ ꓫꓵ ꓑꓶ ꓓꓴ ꓬꓰ ꓟꓽ ꓪ ꓗꓷ ꓡꓰ ꓟ ꓥꓳ=

ꓕꓱ ꓕꓲ ꓘꓳꓼ ꓪꓬꓓ ꓐꓱ ꓶ ꓬꓲꓸ ꓕꓲ ꓟꓴ ꓠꓬ ꓪꓴ-ꓢ ꓶꓼ ꓓꓳ ꓫꓱꓸ ꓓꓳꓽ ꓡꓴ-ꓘ 1ꓽ 39 ꓟ-ꓡꓲ ꓠꓬ ꓬꓲ-ꓡꓲ-ꓫ-ꓑꓷ ꓔꓬ ꓗꓪ ꓙꓰ_ ꓟ ꓚꓱꓹ ꓥ ꓡꓳ꓾ꓐꓰ ꓔꓲꓺ ꓒ ꓪ ꓔꓲ ꓡꓰ ꓢꓲ ꓔ ꓟ ꓢꓲ ꓫꓬ ꓕꓳ ꓶ ꓝꓲꓸ ꓥ ꓡꓳ=

ꓔꓲꓺ ꓒ ꓪ ꓔꓲ ꓠꓬ 8 ꓦ 2 ꓠꓬꓲ ꓕꓯ Lisbon ꓗꓪ ꓙꓰ ꓪꓴꓸ ꓔꓴ ꓓꓴ ꓥꓳ= 8 ꓦ 3 ꓠꓬꓲ ꓟꓳꓼ ꓡꓳ ꓙꓵꓹ ꓕꓯ Edward VII Park ꓗꓪ ꓬꓰ_ ꓟ ꓞꓳ ꓡꓱ ꓑꓮꓲ ꓒꓴ_ ꓟ ꓙꓵꓹ ꓗꓪ ꓐ ꓓꓴ ꓥꓳ= 8 ꓦ 4 ꓠꓬꓲ ꓕꓯ ꓠꓬ ꓞꓳ ꓡꓱ ꓐꓴ ꓔꓲꓺ ꓒ ꓪ ꓔꓲ ꓠꓯꓼ ꓗꓪ ꓐꓰ ꓶꓽ ꓤ ꓫꓱꓸ ꓤ ꓘꓳꓹ ꓣꓴ ꓢꓲ꓾ ꓠꓯꓼ 9 ꓙꓵꓹ ꓛꓲ ꓕꓯ ꓬꓰ ꓙ ꓢꓴ ꓜꓴꓻ ꓗꓪ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓐꓰ ꓜꓲ ꓡꓯꓼ ꓘꓳ ꓓꓴ ꓥꓳ= 8 ꓦ 5 ꓠꓬꓲ ꓕꓯ ꓠꓬ Fatima ꓗꓪ ꓔꓬ ꓟ ꓟꓹ ꓟ ꓟ-ꓡꓲ ꓠꓯꓼ ꓗꓪ ꓚꓳ ꓙꓰ ꓓꓴ ꓥꓳ= 9 ꓙꓵꓹ 30 ꓧꓶꓺ ꓕꓯ ꓠꓻ ꓢꓴ ꓒꓬ ꓢꓴ ꓐꓴ ꓐꓱ ꓶ ꓞꓳ ꓡꓱ ꓤ ꓐꓴ ꓐꓰ ꓕꓲ ꓪ ꓣꓳꓢꓮꓣꓬ ꓪꓽ ꓘꓴ ꓓꓴ ꓥꓳ= 8 ꓦ 6 ꓠꓬꓲ ꓠꓯꓼ ꓠꓯꓼ 9 ꓙꓵꓹ ꓕꓯ ꓞꓳ ꓡꓱ ꓑꓮꓲ ꓦꓬꓼ ꓠꓬꓲ ꓬꓲꓸ ꓟꓶ ꓟꓲ-ꓢ ꓪꓽ ꓘꓴ ꓓꓴ ꓥꓳ= ꓟꓶꓽ ꓘꓶꓼ 6 ꓙꓵꓹ 15 ꓧꓶꓺ ꓕꓯ ꓣꓳ-ꓟ ꓗꓪ ꓡ ꓙꓰ ꓓꓴ ꓥ ꓡꓳ꓾ ꓐꓰ ꓐꓯ ꓑꓶ ꓔ ꓡꓳ=