Awng La Nsang ꓠꓬ ꓧꓶꓽ ꓚꓴꓹ ꓡꓯ ꓘꓳ ꓒ Fan Rong ꓐꓰ ꓚꓴꓹ ꓡꓯ ꓘꓳꓹ ꓗꓷ ꓕꓯ ꓧꓪ. ꓡꓰ ꓟ

Awng La Nsang ꓠꓬ ꓧꓶꓽ ꓚꓴꓹ ꓡꓯ ꓘꓳ ꓒ Fan Rong ꓐꓰ ꓚꓴꓹ ꓡꓯ ꓘꓳꓹ ꓗꓷ ꓕꓯ ꓧꓪ. ꓡꓰ ꓟ

5 ꓦ ꓟ 6 ꓠꓬꓲ 2023 ꓘꓳꓼ ꓠꓯꓼ ꓙꓵꓹ ꓕꓯ Awng La Nsang ꓐꓰ ꓧꓶ: ꓚꓴꓹ ꓡꓯ ꓘꓳ ꓒ Fan Rong ꓐꓰ ꓮ-ꓟꓰ-ꓣꓲ-ꓗ ꓗꓴꓷꓼ ꓗꓪ ꓚꓴꓹ ꓡꓯ ꓘꓳ ꓗꓷ ꓟ ꓙꓵꓹ ꓕꓯ Awng La Nsang ꓧꓪ. ꓡꓰꓳ=

USA ꓗꓪ ꓓꓽ ꓪꓴ. ꓬꓲ. ꓪꓴ. ꓕꓲ ꓧꓪ, ꓟ (One Championship) ꓑꓮꓲ ꓔꓯ ꓬꓰ ꓗꓷ ꓟ ꓥ ꓡꓳ꓿ ꓑꓮꓲꓽ ꓓꓳꓻ ꓡꓰ ꓟ ꓙꓵ, ꓕꓯ Aungla Nsang ꓠꓬ ꓝꓮꓲ Champion ꓡꓯ ꓫꓴꓻ ꓘꓳ, ꓣꓴ ꓟꓶ ꓠ, ꓟ ꓝꓮꓲ ꓓꓶꓻ ꓡꓯ ꓘꓳ ꓓꓴ ꓙꓳ ꓡꓳ ꓐꓰ ꓐꓯ ꓔ ꓡꓳ꓿ Aungla Nsang ꓠꓬ ꓞꓲꓼ (37) ꓘꓳꓼ ꓙꓳ ꓡꓰ ꓢꓴ ꓥ ꓢꓲ ꓠꓬꓲ ꓟꓟꓮ 44 ꓑꓮꓲꓽ ꓗꓪ 30 ꓧꓪ, ꓧꓪ. ꓡꓰ ꓢꓲ ꓠꓬꓲ 13 ꓧꓪ, ꓞꓳ. ꓡꓰ ꓢꓴ ꓥ ꓡꓳ꓿

ꓟꓬ‐ꓟ ꓑ ꓫꓬ ꓐꓴ ꓡꓰꓽ ꓟꓽ ꓞꓲꓺ ꓮ‐ꓫ ꓗꓴꓷꓼ ꓗꓪ ꓔꓬ ꓟ ꓡ ꓞꓳ ꓮ ꓟꓬ, ꓟꓬꓱ ꓓꓳꓽ ꓖꓶ ꓢꓴ ꓕꓲ ꓣꓳ ꓥ ꓡꓳ꓿ ꓴꓢꓮ ꓗꓴꓷꓼ ꓗꓪ ꓔꓬ ꓟ ꓟꓬ‐ꓟ ꓡ ꓞꓳ ꓐꓴ ꓔꓯ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓬꓰ ꓙ ꓔꓳ, ꓙ ꓔꓬ ꓟ ꓔꓯ ꓫ. ꓟꓳ ꓒꓵꓽ ꓗ ꓘꓶꓽ ꓫ. ꓕꓱ ꓗꓷ ꓟ ꓥ ꓡꓳ꓿

Aung la Nsang ꓡꓰ ꓟꓬ-ꓟ ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓐꓴ ꓐꓱ ꓶ ꓪ: ꓘꓴ ꓙ ꓠꓹ ꓟ ꓐꓯ ꓗꓷꓳ=