Bamaw ꓡꓳ ꓒꓱ Ayeyarwaddy ꓬꓲꓸꓹ ꓙꓬ ꓓꓯ ꓡ ꓟ ꓙꓬ ꓫꓸ ꓓꓴ ꓬꓲꓸ ꓕꓲꓸ ꓗꓪ ꓢ ꓠꓬꓲ ꓘꓴꓽ ꓗꓪ ꓛꓲ ꓡ ꓥꓳ ꓐꓰ ꓟꓵꓽ ꓘꓳꓼ ꓒꓳꓹ ꓔꓶꓸ ꓗꓪ ꓐꓰ ꓚꓬꓹ ꓔ ꓟ ꓓꓳꓽ

• Bamaw ꓡꓳ ꓒꓱ Ayeyarwaddy ꓬꓲꓸꓹ ꓙꓬ ꓓꓯ ꓡ ꓟ ꓙꓬ ꓫꓸ ꓓꓴ ꓬꓲꓸ ꓕꓲꓸ ꓗꓪ ꓢ ꓠꓬꓲ ꓘꓴꓽ ꓗꓪ ꓛꓲ ꓡ ꓥꓳ ꓐꓰ ꓟꓵꓽ ꓘꓳꓼ ꓒꓳꓹ ꓔꓶꓸ ꓗꓪ ꓐꓰ ꓚꓬꓹ ꓔ ꓟ ꓓꓳꓽ

ꓗ-ꓛꓲ ꓗꓴꓷꓼ ꓫꓴꓸꓸ ꓐꓮꓟꓮꓪ ꓡꓳ ꓒꓱ ꓗꓪ ꓡꓳꓹ ꓬꓰ ꓟ 6 ꓦ 18 ꓠꓬꓲ ꓗꓪ ꓐꓰ  Ayeyarwaddy ꓬꓲꓸꓹ ꓙꓬ ꓓꓯ ꓡ ꓢꓲ 6 ꓦ 20 ꓠꓬꓲ ꓗꓪ ꓛꓲ ꓟꓽ ꓜꓰ ꓡꓰ ꓢꓲ ꓐꓰ ꓢꓷꓸ ꓪ ꓡꓳ= ꓕꓲ ꓐꓱ ꓟꓲ ꓠꓯ ꓚꓯ_ ꓟ ꓞꓳ ꓘꓹ ꓗꓪ ꓠꓬ ꓓꓰꓼ ꓡꓲꓸꓸ ꓐꓰ ꓙꓰ ꓠ ꓔ ꓡꓳ ꓐꓰ ꓞꓳ ꓘꓹ ꓔꓬ ꓢꓴ ꓕꓲ ꓣꓳ ꓡꓰ The 74 Media ꓔꓯ ꓐꓯ_ ꓡꓳ=

Ayarwaddy ꓬꓲꓸꓹ ꓙꓬ ꓘꓶꓽ ꓗꓪ ꓔꓬ ꓟ ꓞꓳ ꓘꓹ ꓗꓪ ꓥ ꓟꓲ ꓙꓲꓸꓹ ꓙꓬ ꓜꓰꓸꓸ ꓡꓰ ꓓꓴ ꓟꓽ ꓙꓳ ꓬꓲꓸꓹ ꓙꓬ ꓓꓯ ꓡꓳ ꓐꓰ ꓟꓳꓰ-ꓢꓰꓲꓠ-ꓗꓬꓴꓠ ꓞꓳ ꓘꓹ ꓢꓴ ꓕꓲ ꓣꓳ ꓡꓰ ꓐꓯ_ ꓡꓳ=

  ꓖꓳ ꓟ ꓡꓰ ꓐꓰ ꓢꓧꓪꓰ-ꓖꓴ  ꓗꓪ ꓥ ꓟꓲ ꓮꓬꓰꓬꓮꓣꓪꓮꓓꓓꓬ ꓬꓲꓸꓹ ꓙꓬ ꓓꓯ ꓡ ꓟ ꓑꓶ ꓓꓴ ꓞꓳ ꓘꓹ ꓕꓲ ꓐꓱ ꓗꓪ ꓬꓲꓸꓹ ꓙꓬ ꓓꓵꓽ ꓡꓳ ꓐꓰ ꓢꓷꓸ ꓪ ꓡꓳ= ꓟꓬ-ꓟ ꓗꓴꓷꓼ ꓟꓵꓽ ꓘꓳꓼ ꓒꓳꓹ ꓔꓶꓸ ꓗꓪ ꓐꓰ 6 ꓦ 20 ꓠꓬꓲ ꓕꓯ ꓐꓯ ꓑꓶ ꓔ ꓟ ꓗꓪ ꓐꓮꓟꓮꓪ ꓡꓳ ꓒꓱ ꓗꓪ 3 ꓠꓬꓲ ꓘꓴꓽ ꓗꓪ ꓙꓬ ꓫꓸ ꓓꓴ ꓬꓲꓸ ꓕꓲꓸ ꓗꓪ ꓛꓲ ꓡ ꓢꓲ-ꓸ ꓢꓧꓪꓰ-ꓖꓴ ꓗꓪ ꓠꓬ ꓕꓲ ꓠꓬꓲ ꓘꓴꓽ ꓗꓪ ꓙꓬ ꓫꓸ ꓓꓴ ꓬꓲꓸ ꓕꓲꓸ ꓗꓪ ꓙ ꓡꓰ ꓓꓴ ꓥꓳ ꓐꓰ ꓚꓬꓹ ꓖꓶ ꓔ ꓟ ꓥꓳ ꓐꓰ ꓢꓷꓸ ꓪ ꓡꓳ=