Bangkok ꓡꓳ ꓒꓱ ꓗꓪ ꓟꓲ ꓦꓲꓻ ꓠꓶꓻ ꓡꓰ ꓟ ꓑꓶ ꓓꓴ ꓡ ꓞꓳ ꓮ ꓟꓬꓹ ꓠꓯꓺ ꓞꓲꓼ ꓫꓬꓹ ꓔꓬ ꓟ ꓓꓳꓽ

Thursday, March 16, 2023

Bangkok ꓡꓳ ꓒꓱ ꓗꓪ ꓟꓲ ꓦꓲꓻ ꓠꓶꓻ ꓡꓰ ꓟ ꓑꓶ ꓓꓴ ꓡ ꓞꓳ ꓮ ꓟꓬꓹ ꓠꓯꓺ ꓞꓲꓼ ꓫꓬꓹ ꓔꓬ ꓟ ꓓꓳꓽ

Thai ꓗꓴꓷꓼ ꓗꓪ ꓕꓱ ꓕꓲ ꓘꓳꓼ ꓬꓲꓸ ꓪꓴꓸ ꓗꓪ ꓐꓰ 3 ꓦ 5 ꓠꓬꓲ ꓗꓪ ꓛꓲ ꓟꓲ ꓦꓲꓻ ꓠꓶꓻ ꓡꓰ ꓟ ꓗꓪ ꓐꓰ ꓝꓸ ꓢꓲ꓾ ꓠꓻ ꓫꓵ ꓑꓶ ꓓꓴ ꓞꓳ ꓤ 10 ꓫꓬꓹ ꓟꓽ ꓛꓲ ꓠꓻ ꓔꓬ ꓟ ꓥꓳ= ꓕꓱ ꓕꓲ ꓫꓵꓽ ꓠ ꓘꓴꓽ ꓗꓪ ꓡ ꓞꓳ 2 ꓫꓬꓹ ꓛꓲ ꓠꓯꓺ ꓞꓲꓼ ꓦꓲꓻ ꓗꓪ ꓔꓬ ꓡꓳ ꓐꓰ ꓙꓵꓽ ꓪ ꓙꓳ ꓢꓴ ꓡꓰ ꓐꓯ_ ꓡꓳ=

ꓐꓮꓠꓖꓗꓳꓗ ꓡꓳ ꓒꓱ ꓗꓪ ꓠꓬ ꓞꓳ ꓵ 100 ꓫꓬꓹ ꓛꓲ ꓔꓬ ꓟ ꓥ ꓢꓲ꓾ ꓟꓵꓽ ꓗꓳꓸ ꓓꓵ ꓓꓵ ꓗꓪ ꓐꓰ ꓡ ꓞꓳ ꓟꓽ ꓓ ꓙꓰ ꓚꓳ ꓡ ꓟ ꓗꓪ ꓐꓰ ꓕꓲ ꓟ ꓟꓲ ꓥ ꓡꓳ=

ꓠꓯꓺ ꓞꓲꓼ ꓫꓬꓹ ꓢꓴ ꓮ ꓟꓬꓹ ꓠꓬ ꓢꓯꓼ ꓦ ꓟ ꓚꓱꓹ ꓗꓪ ꓐꓰ ꓥ ꓡꓳ= 3 ꓦ 8 ꓠꓬꓲ ꓕꓯ ꓐꓮꓠꓖꓗꓳꓗ ꓗꓴꓷꓼ ꓫꓴꓺ ꓓꓽ 50 ꓗꓪ ꓑꓟ2ꓸ5 ꓬꓲꓸ ꓕꓶꓸ ꓗꓪ ꓛꓲ ꓡꓰ ꓢꓲ꓾ ꓕꓱ ꓟ ꓠꓬ ꓠꓶꓸ ꓠꓶꓸ ꓤꓼ ꓔ ꓟ ꓪꓴꓸ ꓠꓬꓲ ꓫꓵꓽ ꓘꓴꓽ ꓗꓪ ꓓꓵꓽ ꓡꓰ ꓓ_ ꓡꓳ ꓐꓰ ꓠꓯꓺ ꓞꓲꓼ ꓟꓬꓱꓽ ꓣꓱꓽ ꓜꓴ ꓗꓪ ꓐꓰ ꓐꓯ ꓔ ꓟ ꓥꓳ= ꓕꓱ ꓟ ꓠꓬ ꓦ ꓟꓲ ꓮꓸ ꓔꓳꓸ ꓚꓴꓸ_ ꓟ꓾ ꓟꓵꓽ ꓮꓸ ꓔꓳꓸ ꓐꓬ ꓡꓰ ꓝꓲ_ ꓟ ꓐꓰ ꓥ ꓢꓲ꓾ ꓕꓱ ꓟ ꓠꓬ ꓚꓳꓦꓲꓓ 19 ꓠꓻ ꓫꓵ ꓒꓬꓱꓼ ꓔꓬ ꓟ ꓙꓵꓹ ꓗꓪ ꓐꓰ ꓐꓯ ꓠꓬ ꓕꓱ ꓕꓲ ꓘꓳꓼ ꓘꓴꓽ ꓗꓪ ꓙꓰ ꓚꓳ ꓡ ꓢꓴ ꓟꓬ ꓠꓬꓲ ꓡ ꓟ ꓑꓶ ꓓꓴ ꓥ ꓡꓳ ꓐꓰ ꓐꓯ ꓔ ꓟ ꓥꓳ=