Bangladesh ꓗꓴꓷꓼ ꓗꓪ ꓟ ꓗ-ꓔꓳ-ꓡꓲ ꓠꓯ-ꓞꓲꓼ-ꓦꓲ ꓗꓪ꓾ ꓔꓲꓺ ꓒ ꓪ ꓔꓲꓸ ꓖꓶꓽ ꓔ ꓟ ꓢꓯꓼ ꓦ ꓙ ꓓꓴ (Breathing Machine) ꓣꓱꓽ ꓢꓲ COVID-19 ꓞꓳ ꓠ ꓔꓯ ꓫꓬꓹ ꓖꓶˍ ꓟ=

Breathing Machineꓞꓳ ꓠ ꓕꓲ ꓣꓳ ꓢꓯꓼ ꓦ ꓙ ꓓꓴ ꓣꓱꓽ ꓔꓬ ꓟ (AFP of Licensors)

Bangladesh ꓗꓴꓷꓼ ꓗꓪ ꓟ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓗꓪ ꓐꓰ꓾ COVID-19 ꓠ ꓔꓯ ꓫꓬꓹ ꓠꓹ ꓟ ꓐꓱ ꓶ Dhaka, Dinajpur ꓐꓰ Jessore ꓡꓳ ꓒꓱ ꓗꓪ ꓙꓳˍ ꓟ꓾ ꓠꓯ-ꓞꓲꓼ-ꓦꓲ ꓐꓴ ꓗꓪ ꓔꓲꓺ ꓒ ꓪ ꓔꓲ ꓐꓰ ꓙ ꓡꓯ ꓘꓳ ꓢꓴ ꓐꓴ ꓗꓪ ꓐꓰ ꓕꓲ ꓝꓸ ꓾ ꓢꓯꓼ ꓦ ꓙ ꓓꓴ(Breathing Machine) 3 ꓟ ꓖꓶꓽ ꓡ, ꓟ ꓔꓲꓺ ꓒ ꓪ ꓔꓲ ꓔꓯ ꓫꓸ ꓟꓳ ꓐꓰ꓾ ꓐꓯ ꓖꓶ ꓗꓷꓳ=

COVID-19 ꓠ ꓫꓬꓹ ꓔꓬ ꓢꓴ ꓐꓴ ꓔꓯ ꓬꓰ ꓙ ꓔꓳꓹ ꓙˍ ꓟ ꓡꓰꓽ ꓟ ꓛꓲꓺ ꓾ ꓬꓲ ꓪ ꓐꓴ ꓒ ꓕꓲꓸꓼ ꓗꓪ ꓔꓬꓹ ꓟ ꓔꓯ ꓓꓵꓽ ꓙ ꓟꓶ ꓠꓹ ꓟ ꓐꓱ ꓶ꓾ ꓔꓲꓺ ꓒ ꓪ ꓔꓲ ꓠꓬ ꓠꓯ-ꓞꓲꓼ ꓐꓰ ꓠ ꓫꓬꓹ ꓟ ꓗꓪ ꓢꓯꓼ ꓐꓽˍ ꓟ ꓗꓴꓷꓼ (13) ꓗꓴꓷꓼ ꓗꓪ꓾ ꓢꓯꓼ ꓦ ꓙ ꓓꓴ (Breathing Machine) (35) ꓟ ꓖꓶꓽ ꓗꓷ ꓟ ꓔꓯ꓾ ꓔꓲꓺ ꓒ ꓪ ꓔꓲꓸ ꓬꓲꓸ ꓓꓳꓽ ꓦ ꓔꓶꓸ ꓗꓪ ꓐꓰ 6 ꓦ ꓟ (26) ꓠꓬꓲ ꓗꓪ ꓐꓯ ꓗꓷꓳ=

Dhaka ꓡꓳ ꓒꓱ ꓗꓪ ꓟ St. John Vianney ꓠꓯ-ꓞꓲꓼ-ꓦꓲ ꓔꓯ ꓙꓵꓽ ꓢꓴ Fr.Kamal Vorraya ꓗꓪ ꓐꓰ ꓾ ꓔꓲꓺ ꓒ ꓪ ꓔꓲ ꓖꓶꓽ ꓡꓹ ꓟ ꓡꓯꓼ ꓫꓴꓻ ꓠꓬ ꓬꓲꓸ ꓐꓱ ꓶ ꓶꓼ ꓤ ꓫꓱꓹ ꓤ ꓕꓲ ꓟ ꓥ ꓢꓲ꓾ ꓡꓯꓼ ꓫꓴꓻ ꓖꓳ ꓟ ꓠꓬ COVID-19 ꓠ ꓫꓬꓹ ꓓꓴ ꓐꓱ ꓶ ꓮ ꓘꓶꓽ ꓣꓱꓽ ꓬꓯꓼ ꓟ ꓔꓯ ꓐꓯ ꓖꓶ ꓗꓷꓳ=

Bangladesh ꓗꓴꓷꓼ ꓗꓪ ꓗ-ꓔꓳ-ꓡꓲ ꓘꓴ-ꓜꓲ-ꓞꓳ ꓠꓬ ꓠꓯ-ꓞꓲꓼ-ꓦꓲ ꓓꓽ ꓟ (12) ꓟ꓾ ꓠꓯ-ꓞꓲꓼ-ꓦꓲ ꓤꓽ ꓤꓽ (78) ꓟ ꓾ ꓔꓸ ꓟꓼ ꓩꓴ ꓓꓲ ꓠ ꓫꓬꓹ ꓖꓴ (6) ꓟ ꓐꓰ ꓾ ꓞꓳ ꓟꓳꓽ ꓐꓴ ꓐꓰ ꓛꓲ ꓫꓳꓸ ꓡꓯꓽ ꓫꓳꓸ ꓢꓴ ꓐꓴ ꓐꓱ ꓶ ꓠꓬꓹ ꓖꓴ (15) ꓟ ꓔꓯ ꓙꓵꓽ ꓢꓲ ꓣꓱꓽ ꓬꓰ ꓔꓬꓹ ꓡꓳ ꓐꓰ꓾ ꓢꓷꓸ ꓪˍ ꓡꓳ=

Photo courtesy of :AFP ၊or Licensors

https://bit.ly/2Zxqb6P

Add new comment

2 + 6 =