Bangladesh ꓗꓴꓷꓼ ꓗꓪ ꓪꓴ‐ꓢ ꓟꓬꓱꓽ ꓟꓯ ꓗꓷ ꓟ ꓬꓲ ꓞꓲꓼ (76) ꓘꓳꓼ ꓙꓳ ꓟ Italy ꓔꓲꓺ ꓒ ꓕꓲ ꓣꓳ ꓢꓲꓺ ꓒ ꓠꓯ ꓗꓪ ꓬꓲ, ꓟꓶ ꓡꓰ ꓟ ꓓꓳꓽ

Bangladesh ꓗꓴꓷꓼ ꓗꓪ ꓪꓴ‐ꓢ ꓟꓬꓱꓽ ꓟꓯ ꓗꓷ ꓟ ꓬꓲ ꓞꓲꓼ (76) ꓘꓳꓼ ꓙꓳ ꓟ Italy ꓔꓲꓺ ꓒ ꓕꓲ ꓣꓳ ꓢꓲꓺ ꓒ ꓠꓯ ꓗꓪ ꓬꓲ, ꓟꓶ ꓡꓰ ꓟ ꓓꓳꓽ

Bangladesh ꓗꓴꓷꓼ ꓗꓪ ꓪꓴ‐ꓢ ꓟꓬꓱꓽ ꓟꓯ ꓗꓷ ꓟ ꓬꓲ ꓞꓲꓼ (76) ꓘꓳ ꓙꓳ ꓟ Italy ꓔꓲꓺ ꓒ Emilio ꓠꓬ Italy ꓗꓴꓷꓼ ꓗꓪ 8 ꓦ 12 ꓠꓬꓲ ꓔꓯ ꓢꓲꓺ ꓒ ꓠꓯ, ꓗꓪ ꓬꓲ ꓟꓶ ꓡꓰꓳ ꓐꓰ ꓢꓷ. ꓪ ꓡꓳ꓿ ꓔꓲꓺ ꓒ ꓠꓬ Bandladesh ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓐꓴ ꓔꓯ ꓟꓲ ꓠꓯ ꓢꓷ. ꓠꓲ ꓚꓱ, ꓗꓪ ꓮ ꓟꓬ, ꓢꓯꓼ ꓕꓵꓼ ꓖꓶ ꓢꓴ ꓔꓲꓺ ꓒ ꓥ ꓡꓳ꓿ ꓔꓲꓺ ꓒ ꓠꓬ Bangladesh ꓗꓴꓷꓼ ꓗꓪ 46 ꓘꓳꓼ ꓪꓴ‐ꓢ ꓟꓬꓱꓽ ꓟꓯ ꓗꓷ ꓢꓴ ꓟꓲ ꓥ ꓡꓳ꓿  ꓔꓲꓺ ꓒ ꓠꓬ ꓟꓲ ꓠꓯ ꓢꓷ. ꓠꓲ ꓔꓯ ꓫ ꓢꓴ ꓟꓶ ꓢꓴ ꓑ ꓫꓬ ꓐꓴ ꓔꓯ ꓟ. ꓖꓶ ꓢꓴ ꓟꓲ ꓥ ꓡꓳ꓿

ꓬꓲ ꓠꓬ Bangladesh ꓗꓴꓷꓼ ꓗꓪ ꓔꓬ ꓟ ꓙꓲ ꓢꓴ ꓢꓲꓺ ꓤ ꓐꓴ ꓔꓯ ꓪꓴ‐ꓢ ꓐꓯ ꓘꓶꓽ ꓝꓮꓲ ꓟꓲ ꓠꓯ ꓢꓷ. ꓠꓲ, ꓚꓱ, ꓗꓪ ꓮ ꓟꓬ ꓢꓯꓼ ꓕꓵꓼ ꓖꓶ ꓢꓴ ꓥ ꓡꓳ꓿ ꓔꓲꓺ ꓒ ꓠꓬ 2020 ꓘꓳꓼ ꓔꓯ Italy ꓗꓴꓷꓼ ꓗꓪ ꓡ ꓙꓰ ꓢꓲ ꓠꓬꓲ Bangladesh ꓗꓴꓷꓼ ꓗꓪ ꓔꓬ ꓟ ꓑ ꓫꓬ ꓐꓴ ꓐꓱ ꓶ ꓟꓲ ꓠꓯ ꓢꓷ. ꓠꓲ, ꓚꓰ, ꓝꓮꓲ ꓠꓯ ꓞꓲꓼ ꓦꓲꓻ ꓗꓪ ꓣꓱ ꓞ ꓔꓬ ꓟ ꓮ ꓟꓬ ꓫꓵꓽ ꓔꓯ ꓬꓰ ꓙ ꓢꓴ ꓟꓲ ꓥ ꓡꓳ꓿ Bangladesh ꓗꓴꓷꓼ ꓠꓬ Muslim ꓙꓵ, ꓠꓲ, ꓔꓯ ꓘꓳ ꓣꓴ ꓢꓴ ꓐꓴ ꓮ ꓟꓬ, ꓔꓬ ꓟ ꓗꓴꓷꓼ ꓥ ꓡꓳ꓿ ꓖꓳ ꓡꓱ  ꓥ ꓟꓲ ꓔꓲꓺ ꓒ  ꓠꓬ ꓞꓳ ꓫꓵꓽ ꓟꓽ ꓘꓶꓽ ꓙꓵ, ꓠꓲ, ꓟꓽ ꓘꓶꓽ  ꓑ ꓫꓬ ꓮ ꓙꓵꓽ ꓔꓯ ꓟꓲ ꓠꓯ ꓢꓷ. ꓠꓲ ꓟ. ꓖꓶ ꓢꓴ ꓔꓲꓺ ꓒ ꓦ ꓡꓳ ꓐꓰ ꓢꓷ. ꓪ ꓡꓳ꓿