British ꓪ ꓔꓲꓸ ꓟ Elizabeth II ꓧꓪꓽ ꓖꓳ ꓓꓱ ꓡꓳꓹ ꓬꓰ ꓟ ꓓꓳꓽ

• British ꓪ ꓔꓲꓸ ꓟ Elizabeth II ꓧꓪꓽ ꓖꓳ ꓓꓱ ꓡꓳꓹ ꓬꓰ ꓟ ꓓꓳꓽ

(96) ꓘꓳꓼ ꓡꓳꓼ_ ꓟ ꓪ ꓔꓲꓸ ꓟ Elizabeth ꓲꓲ ꓠꓬ ꓗꓴꓷꓼ ꓔꓯ 70 ꓘꓳꓼ ꓙꓵꓽ ꓡꓳꓹ ꓬꓰ ꓢꓲ꓾ 9 ꓦ 8 ꓠꓬꓲ 2022 ꓘꓳꓼ ꓠꓽ ꓡꓲꓸ ꓠꓬꓲ ꓕꓯ Scotland ꓗꓪ ꓧꓪꓽ ꓖꓳ ꓓꓱ ꓡꓳꓹ ꓬꓰ ꓟ ꓥ ꓡꓳ=

ꓪ ꓔꓲꓸ ꓟ Elizabeth ꓲꓲ ꓠꓬ 1952 ꓘꓳꓼ 2 ꓦ 6 ꓠꓬꓲ ꓕꓯ ꓬꓲꓸ ꓐꓹ ꓐ ꓧꓪꓽ ꓖꓳ ꓓꓱꓽ ꓡꓳꓹ ꓡꓰ ꓗꓸ ꓠꓯꓸ 1953 ꓘꓳꓼ 6 ꓦ 2 ꓠꓬꓲ ꓬꓲꓸ ꓞꓲꓼ 25 ꓘꓳꓼ ꓕꓯ ꓪ ꓔꓲꓸ ꓟ ꓙꓵꓽ ꓪ ꓘꓳꓹ ꓣꓴ ꓟꓶ ꓟ ꓥꓳ=

ꓪ ꓔꓲꓸ ꓟ Elizabeth ꓲꓲ ꓠꓬ ꓗꓴꓷꓼ ꓟꓶꓻ ꓫꓵꓻ ꓙꓵꓽ ꓡꓳꓹ ꓬꓰ ꓢꓴ ꓪ ꓔꓲꓸ ꓟ ꓥ ꓡꓳ= ꓬꓲꓸ ꓧꓪꓽ ꓖꓳ ꓓꓱꓽ ꓡꓳꓹ ꓬꓰ ꓗꓸ ꓠꓯꓸ ꓬꓲꓸ ꓤ ꓤ ꓪꓴꓽ ꓥ ꓟ Charles ꓡꓰ ꓪ ꓔꓲꓸ ꓙꓵꓽ ꓪ ꓘꓳꓹ ꓣꓴ ꓟꓶ ꓠꓹ ꓟ ꓥ ꓡꓳ=

ꓪ ꓔꓲꓸ ꓟ Elizabeth ꓲꓲ ꓧꓪꓽ ꓖꓳ ꓓꓱ ꓡꓳꓹ ꓬꓰ ꓟ ꓑꓶ ꓓꓴ ꓔꓲꓺ ꓒ ꓪ ꓔꓲ ꓡꓰ ꓠꓲꓹ ꓫꓸ ꓟꓬ ꓫꓸ ꓙ ꓔꓬ ꓡꓳ ꓐꓰ ꓐꓯ ꓔ ꓡꓳ=