Cambodia ꓗꓴꓷꓼ ꓗꓪ ꓞꓲꓼ ꓣꓳ_ ꓟ ꓙꓵ, ꓕꓯ ꓐꓳ‐ꓔ ꓦꓻ ꓡꓱ ꓢꓴ ꓤ ꓟꓶ ꓤ ꓠꓬꓲꓽ ꓣꓳ ꓗ‐ꓕꓳ‐ꓡꓲ ꓔꓲꓺ ꓟ ꓒꓬꓱꓼ ꓡ ꓟ ꓓꓳꓽ

Cambodia ꓗꓴꓷꓼ ꓗꓪ ꓞꓲꓼ ꓣꓳ_ ꓟ ꓙꓵ, ꓕꓯ ꓐꓳ‐ꓔ ꓦꓻ ꓡꓱ ꓢꓴ ꓤ ꓟꓶ ꓤ ꓠꓬꓲꓽ ꓣꓳ ꓗ‐ꓕꓳ‐ꓡꓲ ꓔꓲꓺ ꓟ ꓒꓬꓱꓼ ꓡ ꓟ ꓓꓳꓽ

9 ꓦ 14 ꓠꓬꓲ 2022 ꓘꓳꓼ ꓕꓯ Cambodia ꓗꓴꓷꓼ ꓗꓪ ꓞꓲꓼ ꓣꓳ_ ꓟ ꓙꓵ, ꓕꓯ ꓐꓳ‐ꓔ ꓦꓻ ꓡꓱ  ꓢꓴ ꓤ ꓟꓶ ꓤ ꓠꓬꓲꓽ ꓣꓳ ꓗ‐ꓕꓳ‐ꓡꓲ ꓔꓲꓺ ꓒ ꓟ ꓒꓬꓱꓼ ꓡꓳ ꓐꓰ ꓢꓷ. ꓪ ꓡꓳ꓿ꓔꓲꓺ ꓒ ꓒꓬꓱꓼ ꓡ ꓟ  ꓠꓬ ꓮ ꓘꓶ. ꓒꓵꓽ_ ꓟ ꓤꓶꓻ ꓔꓯ ꓪꓴ‐ꓢ ꓡꓰ ꓖꓶ ꓔ ꓟ ꓡꓯꓼ ꓫꓴꓺ ꓥ ꓡꓳ ꓐꓰ ꓔꓲꓺ ꓟ ꓠꓬꓲꓽ ꓣꓳ ꓔꓯ ꓔꓲꓺ ꓒ ꓓꓽ ꓡꓰ ꓐꓯ ꓖꓶ ꓡꓳ꓿ ꓔꓲꓺ ꓟ ꓠꓬꓲ ꓣꓳ ꓠꓬ ꓪꓴ‐ꓢ ꓟꓬꓱꓽ ꓟꓯ ꓠ, ꓟ ꓓꓵꓽ ꓙ ꓗꓷ ꓢꓲ ꓠꓬꓲ ꓔꓲꓺ ꓟ ꓒꓬꓱꓼ ꓗꓪ ꓛꓲ ꓢꓯꓼ ꓕꓵꓼ ꓢꓴ ꓐꓴ ꓥ ꓡꓳ꓿ ꓔꓲꓺ ꓟ ꓐꓴ ꓠꓬꓲꓽ ꓣꓳ ꓟꓬꓱꓽ ꓠꓬ ꓔꓲꓺ ꓟ Clara Sreylay DOT ꓐꓰ Clara Kanha KHEAN ꓐꓴ ꓥ ꓡꓳ꓿  ꓬꓲ ꓪ ꓠꓬꓲ ꓣꓳ ꓠꓬ ꓞꓲꓼ ꓣꓳ_ ꓟ ꓙꓵ, ꓕꓯ ꓐꓳ‐ꓔ ꓦ ꓡꓱꓻ ꓢꓴ ꓐꓴ ꓥ ꓟꓲ ꓢꓲꓺ ꓒ ꓬꓰ‐ꓢꓴ ꓐꓯ ꓘꓶꓽ ꓔꓯ ꓠꓻ ꓡꓳ, ꓪ ꓗꓷ ꓗ. ꓠꓯ. ꓔꓲꓺ ꓟ ꓒꓬꓱꓼ ꓡ ꓗꓪ ꓛꓲ ꓢꓯꓼ ꓕꓵꓼ ꓢꓴ ꓐꓴ ꓥ ꓡꓳ꓿

ꓝꓮꓲ ꓔꓲꓺ ꓟ ꓐꓴ ꓠꓬꓲꓽ ꓣꓳ ꓠꓬ ꓫ. ꓢꓴ ꓟꓷꓼ ꓢꓴ ꓔꓬ ꓟ ꓘ, ꓗꓪ ꓪꓴ‐ꓢ ꓟꓬꓱꓽ ꓟꓯ ꓢꓲ ꓠꓬꓲ ꓤ ꓠꓱ ꓤ ꓐꓴ ꓔꓯ ꓟꓲ ꓠꓯ ꓢꓷ. ꓠꓲ, ꓐꓰ ꓪꓴ‐ꓢ ꓐꓯ ꓘꓶꓽ ꓟ. ꓖꓶ ꓠ, ꓟ ꓙꓽ ꓖꓶ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓔꓲꓺ ꓟ ꓐꓴ ꓡꓰ ꓫ. ꓕꓱ ꓔ ꓟ ꓠꓬ ꓢꓲꓺ ꓒ ꓬꓰ‐ꓢꓴ ꓔꓯ ꓔꓯ ꓢꓲ ꓠꓬꓲ ꓟꓲ ꓠꓯ ꓗꓪ ꓫ. ꓫ. ꓐꓰ ꓞꓳ ꓙꓳ ꓢꓯ. ꓔꓬ ꓟ ꓠꓬ ꓟꓲ ꓠꓯ ꓗꓪ ꓮ ꓘꓶ. ꓛꓲ ꓒꓵꓽ ꓡꓳ, ꓬꓰ_ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓔꓲꓺ ꓒ ꓐꓴ ꓠꓬꓲꓽ ꓣꓳ ꓑꓮꓲ ꓗꓪ ꓙꓲ‐ꓢꓴ ꓢꓲꓺ ꓤ (200) ꓣꓳ ꓡ ꓗꓷꓳ ꓐꓰ ꓢꓷ. ꓪ ꓡꓳ꓿