Cardinal Charles Bo ꓡꓰ ꓟꓬ‐ꓟ ꓗꓴꓷꓼ ꓗꓪ ꓒꓬꓱꓼ ꓔꓬ ꓟ ꓫꓵꓽ ꓪꓴꓽ ꓑꓶ. ꓓꓴ ꓑ ꓫꓬ ꓐꓴ ꓮ ꓘꓶ. ꓛꓲ ꓫ. ꓓꓴ ꓟꓷ ꓓꓴ ꓔꓳ ꓜꓳ ꓔꓬ ꓟ

Cardinal Charles Bo ꓡꓰ ꓟꓬ‐ꓟ ꓗꓴꓷꓼ ꓗꓪ ꓒꓬꓱꓼ ꓔꓬ ꓟ ꓫꓵꓽ ꓪꓴꓽ ꓑꓶ. ꓓꓴ ꓑ ꓫꓬ ꓐꓴ ꓮ ꓘꓶ. ꓛꓲ ꓫ. ꓓꓴ ꓟꓷ ꓓꓴ ꓔꓳ ꓜꓳ ꓔꓬ ꓟ

5 ꓦ ꓟ 25 ꓠꓬꓲ 2024 ꓘꓳꓼ ꓕꓯ ꓟꓬ‐ꓟ ꓗꓴꓷꓼ ꓗꓪ ꓐꓰ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓗꓪ ꓐꓰ ꓔꓲꓺ ꓒ ꓓꓽ ꓚꓮꓣꓓꓲꓠꓮꓡ ꓡꓰ ꓐꓯ ꓔ ꓟ ꓠꓬ ꓟꓬ‐ꓟ ꓗꓴꓷꓼ ꓘꓴꓽ ꓗꓪ ꓒꓬꓱꓼ ꓔꓬ ꓟ ꓫꓵꓽ ꓪꓴꓽ ꓠꓬ ꓠꓽ ꓡꓰ ꓠ, ꓟ ꓟꓽ ꓟꓳ ꓐꓰ ꓐꓯ ꓔ ꓡꓳ꓿ ꓟꓬ‐ꓟ ꓗꓴꓷꓼ ꓗꓪ 2021 ꓘꓳꓼ ꓕꓯ ꓚꓳꓦꓲꓓ ꓠꓻ ꓫꓵꓽ ꓑꓶ. ꓓꓴ ꓡ ꓞꓳ ꓮ ꓟꓬ, ꓫꓵꓻ ꓡꓰ ꓟ ꓥ ꓡꓳ ꓝꓮꓲ ꓗꓴꓷꓼ ꓘꓴꓽ ꓗꓪ ꓥ ꓟꓲ ꓫꓵꓽ ꓪꓴꓽ ꓮ ꓟꓬ, ꓛꓲ ꓒꓬꓱꓼ ꓔꓬ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿

ꓝꓮꓲ ꓚꓮꓣꓓꓲꓠꓮꓡ ꓡꓰ ꓟꓬ‐ꓟ ꓗꓴꓷꓼ ꓗꓪ ꓒꓬꓱꓼ ꓔꓬ ꓟ ꓫꓵꓽ ꓪꓴꓽ ꓑꓶ. ꓓꓴ ꓟꓬ‐ꓟ ꓗꓴꓷꓼ ꓘꓴꓽ ꓗꓪ ꓪꓽ ꓘꓴ ꓦꓲꓻ (100) ꓦꓲꓻ ꓕꓯ ꓢꓲꓽ ꓐꓬ ꓡꓰ ꓢꓲ ꓠꓬꓲ ꓑ ꓫꓬ ꓮ ꓟꓬ, ꓥ ꓟꓲ ꓫꓵꓻ ꓡꓰ ꓢꓴ ꓐꓰ ꓠꓻ ꓓꓴ ꓡꓰ ꓢꓴ ꓙꓳˍ ꓡꓳ ꓐꓰ ꓐꓯ ꓔ ꓡꓳ꓿ ꓝꓮꓲ ꓗꓴꓷꓼ ꓘꓴꓽ ꓗꓪ ꓒꓬꓱꓼ ꓔꓬ ꓟ ꓫꓵꓽ ꓪꓴꓽ ꓑꓶ. ꓓꓴ ꓑ ꓫꓬ ꓮ ꓟꓬ, ꓮ ꓘꓶ. ꓛꓲ ꓠꓲ, ꓫ ꓟꓬ ꓫ. ꓢꓲ ꓠꓬꓲ ꓜ ꓓꓴ ꓓꓳ ꓓꓴ ꓔꓬ ꓔꓶ. ꓟꓽ ꓙꓳˍ ꓗꓷ ꓡꓰ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓑ ꓫꓬ ꓮ ꓟꓬ, ꓠꓬ ꓮ ꓘꓶ. ꓛꓲ ꓫ. ꓔꓬ ꓟ ꓪꓴ. ꓠꓬꓲ ꓜ ꓓꓴ ꓓꓳ ꓞ ꓞ ꓣꓱ ꓬꓯꓼ ꓣꓱ ꓞ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓫ ꓓꓴ ꓟꓷꓽ ꓓꓴ ꓔꓳ ꓜꓳ ꓔꓬ ꓢꓴ ꓐꓴ ꓔꓯ ꓗ‐ꓔꓳ‐ꓡꓲꓗ ꓘꓴ ꓜꓲꓼ ꓞꓳ ꓠꓬ ꓒ ꓡ ꓟ ꓕꓲ ꓒꓳ, ꓗꓪ ꓐꓰ ꓬꓰ ꓙ ꓔꓬ ꓟ ꓐꓰ ꓑ ꓫꓬ ꓐꓴ ꓠꓬ ꓲ ꓠꓬꓲ ꓡꓰ ꓕꓲ ꓠꓬꓲ ꓟꓯꓼ ꓘꓰ ꓟꓯꓼ ꓑꓬ ꓢꓴ ꓐꓴ ꓮ ꓟꓬ, ꓙꓳˍ ꓡ ꓟ ꓪꓴ. ꓠꓬꓲ ꓮ ꓘꓶ. ꓛꓲ ꓠꓲ, ꓟ ꓟꓽ ꓢꓽ ꓟ ꓐꓰ ꓟꓬ‐ꓟ ꓗꓴꓷꓼ ꓢꓲ ꓡꓲ ꓟꓶ ꓠ, ꓟ ꓮ ꓘꓶ. ꓛꓲ ꓪꓽ ꓘꓴ ꓠ, ꓟ ꓐꓯ ꓔ ꓡꓳ꓿ ꓟꓬ‐ꓟ ꓗꓴꓷꓼ ꓢꓲ ꓡꓲ ꓟꓶ ꓠ, ꓟ ꓮ ꓘꓶ. ꓛꓲ ꓪꓽ ꓘꓴ ꓙ ꓠ, ꓟ ꓐꓰ ꓒ ꓡ ꓟ ꓕꓲ  ꓒꓳ, ꓗꓪ ꓐꓰ ꓬꓰ ꓙ ꓔꓳ, ꓙ ꓠ, ꓟ ꓫ. ꓕꓱ ꓗꓴꓷꓼ ꓐꓰ (ꓚꓮꓠ) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿꓿