Chin ꓟꓵꓽ ꓗꓪ ꓛꓬ‐ꓧꓶ ꓠꓻ ꓢꓴ ꓟꓬ ꓡˍ ꓟ ꓓꓳꓽ

Chin ꓟꓵꓽ ꓗꓪ ꓛꓬ‐ꓧꓶ ꓠꓻ ꓢꓴ ꓟꓬ ꓡˍ ꓟ ꓓꓳꓽ

6 ꓦ ꓟ 29 ꓠꓬꓲ 2022 ꓘꓳꓼ ꓕꓯ Chin ꓟꓵꓽ ꓗꓪ ꓛꓬ‐ꓧꓶ ꓠꓻ ꓫꓵꓽ ꓠꓻ ꓢꓴ ꓟꓬꓽ ꓡˍ ꓡꓳ꓾ ꓐꓰ ꓢꓷ. ꓪ ꓡꓳ꓿ Chin ꓟꓵꓽ ꓗꓪ ꓠꓬ ꓟꓯꓼ ꓘꓰ, ꓟꓯ; ꓑꓬ ꓔꓬ ꓢꓴ ꓑ ꓫꓬ ꓐꓴ ꓟꓬ: ꓡ ꓟ ꓑꓶ. ꓓꓴ꓾ ꓝꓮꓲ ꓠꓻ ꓫꓬ ꓖꓶ ꓢꓴ ꓟ. ꓒ ꓟ. ꓟ ꓐꓴ ꓮ ꓟꓬ, ꓟꓽ ꓔꓬ ꓟ ꓑꓶ. ꓓꓴ 6 ꓦ ꓘꓴꓽ ꓗꓪ ꓛꓬ‐ꓧꓶ ꓠꓻ ꓢꓴ ꓑ ꓫꓬ ꓮ ꓟꓬ, ꓙꓳˍ ꓡꓳ ꓐꓰ ꓢꓷ. ꓪ ꓡꓳ꓿

Chin ꓟꓵꓽ ꓗꓪ ꓠꓬ ꓗꓳ. ꓗꓷ ꓟ ꓘꓳꓼ ꓕꓯ ꓢꓲ ꓫ. ꓓꓴ ꓔꓳ, ꓜꓳꓽ ꓔꓬ ꓟ ꓑꓶ. ꓓꓴ ꓠꓻ ꓫꓬ ꓠꓻˍ ꓟ ꓠꓯꓻ ꓞꓲꓼ ꓥ ꓟꓲ ꓣꓱꓽ ꓞ, ꓔꓬ ꓡꓳ ꓐꓰ ꓢꓷ. ꓪ ꓡꓳ꓿ Chin ꓟꓵꓽ ꓑ‐ꓡꓯ‐ꓪ ꓡꓳ ꓒꓱ ꓟ‐ꓔꓴ‐ꓑꓲ ꓡꓳ ꓒꓱ ꓐꓰ ꓟꓲ‐ꓔ ꓐꓰ ꓦ‐ꓘ ꓡꓳ ꓒꓱ ꓗꓪ ꓛꓬ‐ꓧꓶ ꓠꓻ ꓢꓴ ꓑ ꓫꓬ ꓟꓬꓽ ꓔꓬ ꓟ ꓥ ꓡꓳ꓿ ꓛꓬ‐ꓧꓶ ꓠꓻ ꓫꓵꓽ ꓠꓻ ꓢꓴ ꓑ ꓫꓬ ꓐꓴ ꓫꓵꓻ ꓢꓴ ꓑ ꓫꓬ ꓥ ꓟꓲ ꓙꓳˍ ꓡꓳ ꓐꓰ ꓢꓷ. ꓪ ꓡꓳ꓿

ꓟꓬ‐ꓟ ꓗꓴꓷꓼ ꓗꓪ ꓗꓳ. ꓗꓷ ꓟ 5 ꓘꓳꓼ ꓕꓯ ꓛꓬ‐ꓧꓶ ꓠꓻ ꓢꓴ ꓑ ꓫꓬ ꓮ ꓟꓬ, ꓟꓽ ꓙꓳ ꓥ ꓟꓲ ꓛꓲꓺ ꓠꓲ, ꓠꓬ ꓠꓻ ꓢꓴ ꓑ ꓫꓬ ꓟꓬꓽ ꓡ ꓔꓬ ꓡꓳ꓾ ꓐꓰ Voa ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿