Congo ꓗꓪ ꓬꓲꓻ ꓙꓬ ꓙꓵ_ ꓟ ꓑꓶ ꓓꓴ ꓞꓳ ꓤ 120 ꓣꓳ ꓟꓽ ꓞꓲ ꓫꓵꓻ ꓡꓰ ꓟ ꓓꓳꓽ

Thursday, December 15, 2022

Congo ꓗꓪ ꓬꓲꓻ ꓙꓬ ꓙꓵ_ ꓟ ꓑꓶ ꓓꓴ ꓞꓳ ꓤ 120 ꓣꓳ ꓟꓽ ꓞꓲ ꓫꓵꓻ ꓡꓰ ꓟ ꓓꓳꓽ

Congo Democratic ꓗꓴꓷꓼ ꓡꓳ ꓒꓱ ꓥ ꓟ Kinshasa ꓗꓪ ꓟꓶꓽ ꓦ ꓮ ꓘꓶꓸ ꓦ ꓡ ꓟ ꓑꓶ ꓓꓴ ꓟꓲ ꓠꓯ ꓡꓶꓽ ꓡꓰ ꓓꓴ ꓗꓷ ꓡ ꓢꓲ ꓞꓳ ꓤ 120 ꓣꓳ ꓟꓽ ꓞꓲ ꓫꓵꓻ ꓡꓰꓳ ꓐꓰ ꓓꓳꓽ ꓗꓪ ꓐꓯ ꓑꓶ ꓔ ꓡꓳ=

ꓬꓲꓻ ꓙꓬ ꓙꓵ_ ꓟ ꓑꓶ ꓓꓴ ꓕꓲ ꓡꓳ ꓒꓱ ꓡꓱꓼ ꓠꓱꓸ ꓜꓲꓽ ꓒꓼ ꓬꓲꓻ ꓙꓬ ꓡꓰ ꓟꓶꓸ ꓡꓰ ꓢꓲ ꓡꓳ ꓒꓱ ꓓꓽ Kinshasa ꓐꓰ ꓟ-ꓓ-ꓓꓲ ꓔꓯ ꓞꓸ ꓔ ꓟ ꓙ ꓖꓴ ꓐꓰ ꓔꓬ ꓦꓲꓻ ꓙ ꓚꓱꓹ ꓐꓬ ꓡꓰꓳ ꓐꓰ ꓢꓷꓸ ꓪ ꓡꓳ=

ꓠꓯꓺ ꓞꓲꓼ ꓟꓬꓱꓽ ꓣꓱꓽ ꓜꓴ ꓗꓪ ꓐꓰ ꓞꓳ ꓵ ꓖꓳ_ ꓗꓪ ꓫꓵꓻ ꓢꓴ 141 ꓣꓳ ꓙꓳ ꓥ ꓟꓲ ꓠꓱꓸ ꓐꓯꓼ ꓜꓴ ꓗꓪ ꓐꓰ ꓝꓮꓲ ꓚꓬꓹ ꓓꓴ ꓣꓱꓽ ꓬꓯꓼ ꓔꓬ ꓟ ꓔꓯ ꓐꓯ ꓔ ꓡꓳ=

ꓙ ꓖꓴ ꓗꓪ ꓬꓲꓸ ꓡꓳꓽ ꓕꓲ ꓟ ꓗꓷ ꓡꓰ ꓟ ꓥꓳ= ꓛꓳ ꓒꓯꓹ ꓙ ꓫꓱꓽ ꓢꓴ ꓡꓰ ꓙꓰ ꓓ_ ꓡꓳ= ꓬꓲꓻ ꓙꓬ ꓡꓰ ꓙ ꓖꓴ ꓔꓯ ꓮ ꓡꓰ ꓬꓲꓸ ꓡꓳꓽ ꓗꓷ ꓠ ꓮ ꓡꓰ ꓜ ꓡꓰ ꓟ ꓔꓯ ꓟꓽ ꓢꓷꓸ ꓐꓰ ꓞꓳ ꓘꓹ ꓔꓬ ꓢꓴ Gabriel Mbikolo ꓡꓰ ꓐꓯ_ ꓡꓳ=