Covid-19 ꓐꓶꓽ ꓓꓲꓸꓹ ꓮ ꓟꓬꓹ ꓟꓬꓽ ꓡ ꓟ ꓓꓳꓽ

2020ꓹ (9) ꓦ ꓟ( 8 )ꓠꓬꓲ ꓠꓯꓼ ꓠꓯꓼ ꓙꓵꓹ ꓗꓪ ꓢꓲꓽ ꓒꓽ ꓐꓴ ꓡꓰ ꓐꓯ ꓑꓶ ꓩꓴ ꓡꓹ ꓟ ꓡꓰ ꓐꓰ Covid-19 ꓠ ꓐꓶꓽ ꓓꓲꓸꓹ ꓙꓳ ꓢꓴ (92) ꓣꓳ ꓙꓳ ꓢꓲ-ꓸ ꓮ ꓙꓵ ꓠꓬ (1610) ꓣꓳ ꓙꓳ ꓡ ꓪ=  2020ꓹ(9) ꓦ ꓟ 8 ꓠꓬꓲ ꓟꓶꓽ ꓘꓶꓽ ꓗꓪ ꓠ ꓐꓶꓽ ꓓꓲꓸꓹ ꓙꓳ ꓢꓴ (54 )ꓣꓳ ꓙꓳ_ ꓟ ꓪꓴꓸ ꓠꓬꓲ 12 ꓙꓵꓹ ꓘꓴꓽ ꓗꓪ ꓢꓲꓽ ꓒꓽ ꓐꓴ ꓡꓰ ꓐꓯ ꓑꓶ ꓩꓴ ꓡ ꓟ ꓡꓰ ꓐꓰ ꓠ ꓐꓶꓽ ꓓꓲꓸꓹ  ꓙꓳ ꓢꓴ( 146) ꓣꓳ ꓙꓳˍ ꓡꓳ= ꓠ ꓐꓶꓽ ꓓꓲꓸꓹ  ꓙꓳ ꓢꓴ ꓠꓬꓹ ꓗꓷ ꓟ Yangon  ꓡꓳ ꓒꓱ ꓘꓴꓽ ꓗꓪ( 6000) ꓣꓳ ꓛꓲ ꓙꓳ ꓢꓲ꓾ Rakhine ꓗꓪ ꓐꓰ ꓡꓽ ꓡ ꓢꓴ  (1000 )ꓣꓳ ꓐꓱ ꓶ ꓠꓬꓲꓹ ꓠꓬꓲ ꓦꓬꓼ ꓠꓬꓲ ꓘꓴꓽ ꓠꓬꓹ ꓖꓴ ꓐꓱ ꓶ ꓙ ꓖꓶ ꓔ ꓡꓳ ꓐꓰ ꓢꓲꓽ ꓒꓽ ꓐꓴ ꓡꓰ ꓐꓯ ꓔ ꓡꓳ= ꓠ ꓐꓶꓽ ꓓꓲꓸꓹ ꓠ ꓢꓴ ꓐꓰ ꓕꓲ ꓪ ꓔꓬ ꓗꓷ ꓟ ꓞꓳ ꓤ (1000 )ꓣꓳ  ꓠꓬꓹ ꓓꓲˍ ꓟ  ꓠꓬꓹ ꓖ (7) ꓟ ꓔꓯ ꓒꓴ ꓐ ꓡ ꓠꓹ ꓟ Yangon ꓡꓳ ꓒꓱ ꓗꓪ ꓙ ꓖꓶ ꓔ ꓡꓳ ꓐꓰ ꓣꓝꓮ ꓓꓳꓽ ꓗꓪ ꓐꓯ ꓔ ꓡꓳ=