Detroit ꓡꓳ ꓒꓱ ꓗꓪ ꓤ ꓟꓶ ꓤ ꓐꓴ ꓔꓯ ꓠꓻ ꓫꓬꓹ ꓖꓶ ꓠꓹ ꓟ ꓐꓱ ꓶ ꓗ-ꓔꓳ-ꓡꓲꓗ ꓘꓴ ꓜꓲꓼ ꓞꓳ ꓡꓰ ꓠꓯꓻ ꓞꓲꓼ ꓦꓲꓻ ꓬꓲ ꓫꓵꓼ ꓒꓴ ꓠꓹ ꓟ ꓙꓽ ꓖꓶ ꓔꓬ ꓡꓳ꓾

ꓤ ꓟꓶ ꓤ ꓐꓴ ꓔꓯ ꓠꓻ ꓫꓬꓹ ꓖꓶ꓾ ꓗꓪꓽ ꓫꓵꓼ ꓖꓶ ꓠꓹ ꓟ ꓠꓯꓻ ꓞꓲꓼ ꓦꓲ ꓬꓲ ꓫꓵꓼ ꓕꓲ ꓟ ꓔꓯ ꓟꓽ ꓟꓶ ꓫꓵ ꓟ ꓦꓬꓼ ꓠꓬꓲ ꓕꓯ ꓓꓰꓔꓣꓳꓲꓔ ꓡꓳ ꓒꓱ ꓗꓪ ꓒꓴ ꓓꓴ ꓥꓳ ꓐꓰ꓾ ꓢꓷꓸ ꓪ ꓡꓳ= ꓠꓯꓻ ꓞꓲꓼ ꓦꓲꓻ ꓟꓬꓱ ꓠꓬ ꓬꓰ-ꓢꓴ ꓬꓲ ꓠꓲꓹ ꓟ ꓠꓯꓻ ꓞꓲꓼ ꓦꓲꓻ (The Heart of Christ Medical Clinic) ꓥ ꓢꓲ꓾ ꓖꓳ ꓗꓪ ꓠꓬ ꓤ ꓶꓻ ꓔꓬ ꓟ ꓟꓹ ꓟ ꓐꓴ꓾ ꓬꓲ ꓕꓲ ꓦꓲ ꓢꓴ ꓐꓴ ꓐꓰ꓾ ꓣꓱꓽ ꓞꓹ ꓢꓴ ꓐꓴ ꓔꓯ ꓧꓪꓽ ꓖꓳ ꓓꓱꓽ ꓕꓲ ꓒꓳꓹ ꓗꓪ ꓔꓬꓹ ꓢ ꓓꓴ꓾ ꓠꓲꓹ ꓟ ꓔꓬꓹ ꓢ ꓓꓴ ꓐꓰ ꓦꓻ ꓔꓯ ꓟꓳꓸ ꓠꓲꓹ ꓗꓴ ꓟꓬ ꓗꓴ ꓟꓶ ꓠꓹ ꓟ ꓕꓲ ꓖꓳ ꓓꓱꓽ ꓡꓱꓸꓼ ꓐꓱ ꓶ ꓫꓬꓹ ꓖꓶ ꓓꓴ ꓥꓳ꓾ ꓐꓰ ꓢꓷꓸ ꓪ ꓡꓳ=

ꓠꓯꓻ ꓞꓲꓼ ꓦꓲꓻ ꓖꓳ ꓟ ꓠꓬ ꓴꓢ ꓗꓴꓷꓼ꓾ Michigan ꓗꓴꓷꓼ ꓫꓴ꓾ Detroit ꓡꓳ ꓒꓱ ꓗꓪ ꓟ Ste. Anne de Detroit Basilica ꓗꓪ ꓓꓹ ꓟ ꓥ ꓡꓳ= ꓤ ꓶꓻ ꓢꓴ ꓐꓰ ꓤ ꓠꓱ ꓦꓵꓻ ꓗꓷ ꓗ ꓠꓯꓸ ꓕꓯˍ ꓟꓲ ꓠꓬꓲ ꓙ ꓡꓳꓸ ꓙ ꓖꓶ ꓢꓲ꓾ ꓕꓲ ꓦꓲꓻ ꓢꓴ ꓖꓳ ꓓꓱꓽ ꓔꓬꓹ ꓢꓻ ꓓꓴ ꓐꓱ ꓶˍ ꓟꓲ ꓬꓰ ꓙ ꓖꓶ ꓓꓴ ꓥ ꓡꓳ= ꓠꓯꓻ ꓞꓲꓼ ꓦꓲꓻ ꓗꓪ ꓞꓳ ꓠꓻ ꓐꓴ ꓪꓽ ꓘꓴ ꓐ ꓡˍ ꓟ ꓪꓽ ꓘꓴ ꓦꓲ ꓕꓲ ꓟˍ ꓟꓲ ꓙꓳˍ ꓡꓳ꓾ ꓐꓰ ꓢꓷꓸ ꓪ ꓡꓳ=

ꓠꓯꓻ ꓞꓲꓼ ꓦꓲ ꓖꓳ ꓟ ꓔꓯ ꓧꓳꓽ ꓪꓴꓸ ꓟꓴ ꓢꓴ ꓠꓬ ꓠꓯꓻ ꓞꓲ ꓟꓸ ꓒ De. Lisa Knysz ꓐꓰ Monsignor ꓔꓲ ꓒ Charles Kosanke ꓐꓴ ꓥ ꓢꓲ ꓠꓬꓲ꓾ ꓠꓯꓻ ꓞꓲꓼ ꓦꓲꓻ ꓕꓱ ꓟ ꓔꓯ ꓠꓬ 10 ꓦ ꓕꓯ ꓒꓴ ꓐ ꓡˍ ꓥꓳ꓾ ꓐꓰ ꓥꓳ ꓡꓳꓸ ꓔ ꓡꓳ꓾ ꓐꓰ ꓢꓷꓸ ꓪ ꓡꓳ=