Dubai ꓗꓴꓷꓼ ꓗꓪ ꓟꓬꓱꓽ ꓬꓰ ꓢꓲ ꓠꓬꓲ ꓡ ꓙꓰ ꓠ, ꓟ ꓫ. ꓔꓬ ꓟ ꓟꓬ‐ꓟ ꓤ ꓟꓶ ꓤ (8) ꓣꓳ ꓔꓯ ꓬꓰ ꓙ ꓠ, ꓟ ꓙꓵꓽ ꓪ ꓙꓳ ꓐꓴ ꓡꓰ ꓬꓰ ꓔꓬ ꓟ ꓓꓳꓽ

Dubai ꓗꓴꓷꓼ ꓗꓪ ꓟꓬꓱꓽ ꓬꓰ ꓢꓲ ꓠꓬꓲ ꓡ ꓙꓰ ꓠ, ꓟ ꓫ. ꓔꓬ ꓟ ꓟꓬ‐ꓟ ꓤ ꓟꓶ ꓤ (8) ꓣꓳ ꓔꓯ ꓬꓰ ꓙ ꓠ, ꓟ ꓙꓵꓽ ꓪ ꓙꓳ ꓐꓴ ꓡꓰ ꓬꓰ ꓔꓬ ꓟ ꓓꓳꓽ

8 ꓦ 30 ꓠꓬꓲ 2022 ꓘꓳꓼ ꓕꓯ Dubai ꓗꓴꓷꓼ ꓗꓪ ꓟꓬꓱꓽ ꓬꓰ ꓠ, ꓟ ꓙꓰ ꓗꓷ ꓢꓴ ꓟꓬ‐ꓟ ꓤ ꓟꓶ ꓤ (8) ꓣꓳ ꓠꓬ ꓠꓱ. ꓐꓯꓼ ꓗꓴꓷꓼ ꓗꓪ ꓬꓲ ꓪ ꓔꓯ ꓪꓴꓽ ꓜ ꓗꓷ ꓡ ꓟ ꓪꓴ. ꓠꓬꓲ ꓬꓰ ꓙ ꓠ, ꓟ ꓓꓰꓽ ꓟ  ꓑꓶ. ꓓꓴ Dubai ꓗꓴꓷꓼ ꓗꓪ ꓔꓬ ꓟ ꓟꓬ‐ꓟ ꓙꓵꓽ ꓪ ꓙꓳ ꓐꓴ ꓡꓰ ꓫ ꓔꓬ ꓢꓴ ꓤ ꓟꓶ ꓤ (8) ꓣꓳ ꓔꓯ ꓟꓬ‐ꓟ ꓗꓴꓷꓼ ꓡ ꓪ ꓠ, ꓟ ꓢꓯꓼ ꓕꓵꓼ ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓤ ꓟꓶ ꓤ ꓐꓴ ꓡꓰ ꓐꓯ ꓔ ꓟ ꓠꓬ ꓬꓲ ꓪ  ꓔꓯ ꓟꓬꓱꓽ ꓧꓪ ꓖꓶ ꓢꓴ ꓐꓴ ꓠꓬ ꓬꓲ ꓪ ꓔꓯ ꓟꓬꓱꓽ ꓟꓽ ꓧꓪ ꓖꓶ ꓝꓮꓲ ꓦꓲꓻ ꓗꓪ ꓔꓬ ꓝꓲ ꓢꓲ ꓠꓬꓲ ꓲ‐ꓣ ꓗꓴꓷꓼ ꓗꓪ ꓪꓴꓽ ꓜ ꓠ, ꓟ ꓬꓰ ꓔꓬ ꓡꓳ ꓐꓰ ꓤ ꓟꓶ ꓤ ꓐꓴ ꓡꓰ Online ꓗꓪ ꓐꓯ ꓔ ꓟ ꓥ ꓡꓳ꓿ ꓟꓬ‐ꓟ ꓤ ꓟꓶ ꓤ (8) ꓣꓳ ꓠꓬ Dubai ꓗꓴꓷꓼ ꓗꓪ ꓟꓬꓱꓽ ꓬꓰ ꓠ, ꓟ ꓡ ꓗꓷ ꓢꓴ ꓐꓴ ꓥ ꓡꓳ꓿ ꓬꓲ ꓪ ꓔꓯ ꓟꓬꓱꓽ ꓧꓪ ꓖꓶ ꓢꓴ ꓐꓴ ꓟꓽ ꓙꓲꓻ ꓟ ꓪꓴ. ꓠꓬꓲ ꓮ ꓘꓶ. ꓫ. ꓔꓬ ꓟ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓟꓬ‐ꓟ ꓤ ꓟꓶ ꓤ (8) ꓣꓳ ꓠꓬ  ꓗꓴꓷꓼ ꓘꓴꓽ ꓗꓪ ꓝꓴꓲ ꓟꓽ ꓬꓰ ꓔ ꓠꓬ ꓟꓬ‐ꓟ ꓗꓴꓷꓼ ꓗꓪ ꓞ ꓞ ꓡ ꓙꓰ ꓠ, ꓟ ꓬꓰ ꓖꓶ ꓓꓴ ꓥꓳ ꓐꓰ ꓐꓯ ꓔ ꓡꓳ꓿