Dubai ꓗꓴꓷꓼ ꓗꓪ ꓪꓴꓽ ꓜꓽ ꓗꓷ ꓟ ꓟꓬ‐ꓟ ꓤ ꓟꓶ ꓤ (7) ꓣꓳ ꓬ‐ꓖꓳꓥ ꓡꓳ ꓒꓱ ꓗꓪ ꓡꓽ ꓛꓲ ꓡ ꓟ ꓓꓳꓽ

Dubai ꓗꓴꓷꓼ ꓗꓪ ꓪꓴꓽ ꓜꓽ ꓗꓷ ꓟ ꓟꓬ‐ꓟ ꓤ ꓟꓶ ꓤ (7) ꓣꓳ ꓬ‐ꓖꓳꓥ ꓡꓳ ꓒꓱ ꓗꓪ ꓡꓽ ꓛꓲ ꓡ ꓟ ꓓꓳꓽ

9 ꓦ 9 ꓠꓬꓲ 2022 ꓘꓳꓼ ꓕꓯ Dubai ꓗꓴꓷꓼ ꓗꓪ ꓪꓴꓽ ꓜꓽ ꓗꓷ ꓟ ꓟꓬ‐ꓟ ꓤ ꓟꓶ ꓤ (7) ꓣꓳ ꓬ‐ꓖꓳꓥ ꓡꓳ ꓒꓱ ꓗꓪ ꓡꓽ ꓛꓲ ꓡꓺꓳˍ ꓐꓰ ꓢꓷ. ꓪ ꓡꓳ꓿ ꓗꓳ. ꓗꓷ ꓟ ꓦ ꓐ ꓕꓯ Dubai ꓗꓴꓷꓼ ꓗꓪ ꓟꓬꓱꓽ ꓬꓰ ꓠ, ꓟ ꓙꓰ ꓗꓷ ꓢꓴ ꓟꓬ‐ꓟ ꓤ ꓟꓶ ꓤ (7) ꓣꓳ ꓔꓯ ꓟꓬꓱꓽ ꓧꓪ ꓖꓶ ꓢꓴ ꓡꓰ ꓟꓬꓱꓽ ꓟꓽ ꓧꓪ ꓖꓶ ꓢꓲ ꓠꓬꓲ ꓠꓱ. ꓐꓯ ꓗꓴꓷꓼ ꓗꓪ ꓪꓴꓽ ꓜꓽ ꓡ ꓡꓳ ꓐꓰ Online ꓗꓪ ꓐꓰ ꓬꓰ ꓙ ꓠ, ꓟ ꓓꓰꓽ ꓗꓷ ꓟ ꓥ ꓡꓳ꓿

ꓟꓬ‐ꓟ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓟꓬ‐ꓟ ꓤ ꓟꓶ ꓤ ꓐꓴ ꓔꓯ Dubai ꓗꓴꓷꓼ ꓗꓪ ꓟꓬꓱꓽ ꓬꓰˍ ꓕꓯ ꓒꓴ ꓫꓵꓺ ꓮ ꓘꓶ. ꓪ ꓡꓳ ꓐꓰ ꓐꓯ ꓢꓲ ꓠꓬꓲ Dubai ꓗꓴꓷꓼ ꓗꓪ ꓟꓬꓱꓽ ꓬꓰ ꓠ, ꓟ ꓙꓰ ꓗꓷ ꓕꓯ ꓟꓬ‐ꓟ ꓤ ꓟꓶ ꓤ ꓐꓴ ꓔꓯ ꓠꓱ. ꓐꓯ ꓗꓴꓷꓼ ꓗꓪ ꓪꓴꓽ ꓜꓽ ꓠ, ꓟ ꓬꓰ ꓔꓬ ꓟ ꓔꓯ ꓙꓵꓽ ꓪ ꓙꓳ ꓐꓴ ꓡꓰ ꓢꓷ. ꓡꓰ ꓟ ꓪꓴ. ꓠꓬꓲ 8 ꓦ 22 ꓠꓬꓲ ꓕꓯ ꓟꓬ‐ꓟ ꓗꓴꓷꓼ ꓗꓪ ꓡꓽ ꓙꓰ ꓪ ꓠ, ꓟ ꓢꓯꓼ ꓕꓵꓼ ꓗꓷ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿ ꓟꓬ‐ꓟ ꓤ ꓟꓶ ꓤ (7) ꓣꓳ ꓔꓯ ꓠꓱ. ꓐꓯ ꓗꓴꓷꓼ ꓗꓪ ꓟꓬꓱꓽ ꓧꓪ ꓖꓶ ꓢꓴ ꓐꓴ ꓔꓯ ꓙꓵꓽ ꓪ ꓙꓳ ꓐꓴ ꓡꓰ ꓟꓽ ꓙꓲꓻ ꓟ ꓟꓬꓱꓽ ꓬꓰˍ ꓟ ꓪꓴ. ꓠꓬꓲ ꓐꓱ ꓓꓴꓽ ꓗꓪ ꓐꓱ ꓗꓷꓳ ꓐꓰ ꓢꓷ. ꓪ ꓡꓳ꓿