Ecuador ꓗꓴꓷꓼ ꓠꓬ ꓡ ꓠꓹ ꓟ 2024 ꓘꓳꓼ ꓕꓯ ꓟꓵꓽ ꓗꓳꓹ ꓓꓵꓺ ꓓꓵꓺ ꓢꓲꓽ ꓫꓬ ꓖꓳ ꓓꓱꓽ ꓑꓮꓲꓽ ꓔꓯ ꓬꓰ ꓠꓹ ꓟ ꓬꓯꓼˍ ꓠꓬꓲ ꓑꓮꓲ ꓬꓰ ꓠꓹ ꓟ ꓘꓳꓹ ꓣꓴ ꓗꓷꓳ

Ecuador ꓗꓴꓷꓼ ꓠꓬ ꓡ ꓠꓹ ꓟ 2024 ꓘꓳꓼ ꓕꓯ ꓟꓵꓽ ꓗꓳꓹ ꓓꓵꓺ ꓓꓵꓺ ꓢꓲꓽ ꓫꓬ ꓖꓳ ꓓꓱꓽ ꓑꓮꓲꓽ ꓔꓯ ꓬꓰ ꓠꓹ ꓟ ꓬꓯꓼˍ ꓠꓬꓲ ꓑꓮꓲ ꓬꓰ ꓠꓹ ꓟ ꓘꓳꓹ ꓣꓴ ꓗꓷꓳ

Ecuador ꓗꓴꓷꓼ꓾ Quito ꓢ-ꓢꓽ-ꓠꓽ ꓠꓬ 2024 ꓘꓳꓼ ꓕꓯ ꓬꓰˍ ꓟ ꓟꓵꓽ ꓗꓳꓹ ꓓꓵꓺ ꓓꓵꓺ ꓢꓲꓽ ꓫꓬ ꓖꓳ ꓓꓱ ꓑꓮꓲꓽ ꓔꓯ ꓬꓰ ꓠꓹ ꓟ ꓬꓯꓼˍ ꓠꓬꓲ ꓑꓮꓲ ꓬꓰ ꓠꓹ ꓟ ꓘꓳꓹ ꓣꓴ ꓗꓷ ꓟ ꓔꓯ ꓔꓲ ꓒ ꓪ ꓔꓲ Francis ꓡꓰ ꓢꓷꓸ ꓙ ꓟꓳ ꓙ ꓢꓲ ꓐꓯ ꓒꓶ ꓗꓷꓳ=

ꓟꓵꓽ ꓗꓳꓹ ꓓꓵꓺ ꓓꓵꓺ ꓢꓲꓽ ꓫꓬ ꓖꓳ ꓓꓱ ꓑꓮꓲꓽ ꓠꓬ 53 ꓧꓪꓹ ꓟ ꓥ ꓢꓲ꓾ Ecuador ꓗꓴꓷꓼ ꓔꓯ ꓬꓰ-ꓢꓴ ꓬꓲ ꓫꓵꓺ ꓠꓲꓹ ꓟ ꓔꓯ ꓔꓲꓺ ꓖꓶ ꓗꓷ ꓟ 150 ꓘꓳꓼ ꓐꓲˍ ꓟ ꓘꓳꓼ ꓚꓳꓺ ꓑꓮꓲꓽ ꓘꓴꓽ ꓗꓪ ꓬꓰ ꓓꓴ ꓥꓳ=

Latin American ꓗꓴꓷꓼ ꓐꓴ ꓙꓵꓻ ꓠꓲꓹ ꓔꓯ ꓝꓮꓲ ꓕꓲ ꓧꓪꓹ ꓫꓬꓹ ꓔꓱꓹ ꓟ ꓐꓰ ꓶꓼ ꓓꓳ ꓫꓱꓹ ꓓꓳ ꓚꓺ ꓒꓬꓱꓻ ꓓꓴ ꓐꓱ ꓶ ꓢꓲꓽ ꓫꓬ ꓖꓳ ꓓꓱ ꓬꓲ ꓶꓼ ꓛꓳ ꓫꓱꓹ ꓛꓳˍ ꓟ ꓔꓯ ꓟꓳꓸ ꓖꓶˍ ꓟ꓾ ꓪꓴꓽ ꓓꓰˍ ꓟ ꓘꓴ ꓜꓲ ꓞꓳ ꓑꓮꓲ ꓕꓲ ꓟ ꓥꓳ꓾ ꓐꓰ 3 ꓦ 20 ꓠꓬꓲ ꓕꓯ Vatican ꓗꓪ ꓐꓰ ꓐꓯ ꓒꓬꓱꓻ ꓗꓷ ꓟ ꓥꓳ=

 Quito ꓡꓳ ꓒꓱ ꓠꓬ Andes ꓪ ꓚꓲ ꓛꓲꓺ ꓔꓲ ꓗꓪ ꓓꓹ ꓟ ꓥ ꓢꓲ꓾ ꓪ ꓚꓲ ꓖꓳ ꓟ ꓠꓬ ꓬꓲꓻ ꓙꓬ ꓠꓯ ꓬꓲꓻ ꓕꓯꓽ ꓢꓲ 9350’ ꓟꓴˍ ꓟ ꓥ ꓡꓳ= Quito ꓡꓳ ꓒꓱ ꓠꓬ Ecuador ꓗꓴꓷꓼ ꓡꓳ ꓒꓱ ꓓꓽ ꓟ ꓥ ꓢꓲ꓾ ꓞꓳ ꓤ 30 ꓫꓬꓹ ꓟꓽ ꓞꓲ ꓔꓬ ꓟ꓾ ꓟꓬꓱꓺ ꓓꓳꓽ ꓪꓴꓽˍ ꓟ ꓡꓳ ꓒꓱˍ ꓟꓲ ꓥ ꓡꓳ=

ꓟꓵꓽ ꓗꓳꓹ ꓓꓵꓺ ꓓꓵꓺ ꓢꓲꓽ ꓫꓬ ꓖꓳ ꓓꓱ ꓑꓮꓲ ꓔꓯ 1881 ꓘꓳꓼ ꓕꓯ꓾ France ꓗꓴꓷꓼ ꓗꓪ ꓬꓰ ꓗꓷ ꓟ ꓥꓳ= ꓬꓲꓸ ꓟꓶꓽ(ꓡꓳꓹ ꓬꓰˍ ꓕꓲ ꓧꓪꓹ) ꓑꓮꓲ ꓬꓰ ꓗꓷ ꓟ ꓠꓬ 2016 ꓘꓳꓼ ꓕꓯ Philippine ꓗꓴꓷꓼ Cebu ꓡꓳ ꓒꓱ ꓗꓪ ꓬꓰ ꓗꓷ ꓟ ꓥ ꓢꓲ ꓡ ꓞꓳ 12000 ꓣꓳ ꓛꓲ ꓐ ꓗꓷꓳ=

http://bit.ly/3cYt7PA