Egypt ꓗꓴꓷꓼ ꓗꓪ ꓪꓽ ꓘꓴ ꓦꓲꓻ ꓮ. ꓔꓳ ꓐꓬ ꓡꓰ ꓟ ꓪꓴ. ꓠꓬꓲ ꓑ ꓫꓬ 41 ꓣꓳ ꓫꓵꓻ ꓡꓰ ꓟ ꓓꓳꓽ

Egypt ꓗꓴꓷꓼ ꓗꓪ ꓪꓽ ꓘꓴ ꓦꓲꓻ ꓮ. ꓔꓳ ꓐꓬ ꓡꓰ ꓟ ꓪꓴ. ꓠꓬꓲ ꓑ ꓫꓬ 41 ꓣꓳ ꓫꓵꓻ ꓡꓰ ꓟ ꓓꓳꓽ

8 ꓦ 14 ꓠꓬꓲ 2022 ꓘꓳꓼ ꓕꓯ Egypt ꓗꓴꓷꓼ ꓗꓪ ꓙꓲ‐ꓢꓴ ꓢꓲꓺ ꓤ (5000) ꓣꓳ ꓪꓽ ꓘꓴ ꓔꓬ ꓕꓯ ꓪꓽ ꓘꓴ ꓦꓲꓻ ꓮ. ꓔꓳ ꓐꓬ ꓡꓰ ꓟ ꓑꓶ. ꓓꓴ ꓙꓲ‐ꓢꓴ ꓢꓲꓺ ꓤ (41) ꓣꓳ ꓫꓵꓻ ꓡꓰ ꓐꓰ ꓐꓯ ꓔ ꓡꓳ꓿ꓮ. ꓔꓳ ꓐꓬ ꓡꓰ ꓟ ꓪꓴ. ꓠꓬꓲ ꓙꓲ‐ꓢꓲ ꓢꓲꓺ ꓤ (45) ꓣꓳ ꓥ ꓟꓲ ꓠꓻ ꓓꓴ ꓡꓰ ꓢꓲ ꓠꓬꓲ ꓠꓯꓻ ꓞꓲꓼ ꓦꓲꓻ ꓗꓪ ꓠꓻ ꓫꓬ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓔ ꓟ ꓠꓬ ꓪꓽ ꓘꓴ ꓦꓲꓻ ꓗꓪ ꓮ. ꓔꓳ ꓚ ꓗꓪ ꓐꓰ ꓮ. ꓔꓳ ꓙꓯꓼ ꓪꓴ. ꓔꓴˍ ꓟ ꓥ ꓡꓳ꓿

ꓝꓮꓲ ꓮ. ꓔꓳ ꓙꓯꓼˍ ꓟ ꓬꓲ ꓔꓶ. ꓠꓬ ꓪꓽ ꓘꓴ ꓦꓲꓻ ꓗ ꓘꓶꓽ ꓗꓪ ꓐꓬ ꓔꓬ ꓟ ꓪꓴ. ꓠꓬꓲ ꓙꓲ‐ꓢꓴ ꓢꓲꓺ ꓤ ꓐꓴ ꓠꓬ ꓮ ꓘꓶ. ꓙꓳꓺ ꓡꓰ ꓢꓲ ꓠꓬꓲ ꓬꓲ. ꓐꓽ ꓗꓪ ꓓꓳꓻ ꓙꓰ ꓕꓯ ꓑ ꓫꓬ ꓮ ꓟꓬ ꓠꓻ ꓓꓴ ꓡꓰꓳ ꓐꓰ ꓐꓯ ꓖꓶ ꓔ ꓡꓳ꓿ ꓪꓽ ꓘꓴ ꓙꓵ, ꓠꓬ ꓙꓲ‐ꓢꓴ ꓢꓲꓺ ꓤ ꓐꓴ ꓐꓱ ꓶ ꓮ ꓘꓶ. ꓒꓵꓽˍ ꓟ (Assumption of Mary) ꓢꓲꓺ ꓒ ꓬꓰ‐ꓢꓴ ꓟ, ꓟ ꓟ‐ꓡꓲ ꓔꓯ ꓟꓴ ꓗꓪ ꓦꓲꓻ ꓗꓪ ꓛꓵꓽ ꓔꓯ, ꓙꓰˍ ꓟ ꓑꓮꓲ ꓦꓬꓼ ꓠꓬꓲˍ ꓟꓲ ꓥ ꓡꓳ꓿ ꓮ. ꓔꓳ ꓐꓬ ꓡ ꓟ ꓪꓴ. ꓠꓬꓲ Egypt ꓗꓴꓷꓼ ꓙꓵꓽ ꓢꓲꓽ ꓒꓽ ꓐꓴ ꓥ ꓟꓲ ꓮ ꓘꓶ. ꓠꓲ, ꓟ ꓫ ꓔꓬ ꓟ ꓓꓳꓽ ꓔꓯ ꓐꓯ ꓖꓶ ꓔ ꓡꓳ꓿ ꓠꓻ ꓓꓴ ꓡꓰ ꓢꓴ ꓐꓴ ꓔꓯ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓠꓻ ꓫꓬ ꓖꓶ ꓔꓬ ꓡꓰ ꓐꓰ ꓢꓷ. ꓪ ꓡꓳ꓿

Add new comment

3 + 8 =