Egypt ꓗꓴꓷꓼ ꓡꓳ ꓒꓱ ꓓꓽ Cairo ꓗꓪ ꓪꓽ ꓘꓴ ꓦꓲꓻ ꓮ ꓔꓳꓸ ꓐꓬ ꓡꓰ ꓢꓲ꓾ ꓡ ꓞꓳ 41 ꓣꓳ ꓫꓵꓻ ꓡꓰ ꓟ ꓓꓳꓽ

Egypt ꓗꓴꓷꓼ ꓡꓳ ꓒꓱ ꓓꓽ Cairo ꓗꓪ ꓔꓬ ꓟ Coptic Orthodox ꓪꓽ ꓘꓴ ꓦꓲꓻ ꓗꓪ ꓡꓳꓹ ꓬꓰ ꓟ ꓠꓽ ꓫꓵ ꓠꓬꓲ ꓪꓽ ꓘꓴ ꓟ ꓙꓵꓹ ꓕꓯ ꓮ ꓔꓳꓸ ꓐꓬ ꓡꓰ ꓓꓴ ꓗꓷ ꓡꓰ ꓟ ꓥꓳ= ꓕꓱ ꓡꓱ ꓗꓷ ꓡꓰ ꓟ ꓗꓪ ꓪꓽ ꓘꓴ ꓜꓲꓼ ꓡ ꓢꓴ 41 ꓣꓳ ꓫꓵꓻ ꓡꓰ ꓟ ꓗꓪ ꓐꓰ ꓤ ꓠꓱ ꓤ 15 ꓣꓳ ꓐ ꓡꓰ ꓟ ꓥꓳ=

ꓬꓰ ꓙ ꓢꓴ ꓟꓯꓼ 4 ꓣꓳ ꓐꓰ ꓑ ꓫꓬ 16 ꓣꓳ ꓠꓻ ꓓꓴ ꓡꓰ ꓟ ꓥꓳ=ꓕꓱ ꓡꓱ ꓒꓬꓱꓼ ꓡꓰ ꓟ ꓠꓬ ꓮ ꓔꓳꓸ ꓛꓲ ꓚ ꓮ ꓟꓬꓹ ꓝꓸ ꓦ ꓟ ꓗꓪ ꓐꓰ ꓞ ꓢꓯꓼ ꓟꓬ ꓡ ꓢꓲ ꓗꓷ ꓡꓰ ꓟ ꓥꓳ ꓐꓰ ꓚꓬꓹ ꓢꓴ ꓐꓴ ꓡꓰ ꓢꓪꓼ ꓟ ꓥꓳ=

ꓪꓽ ꓘꓴ ꓦꓲꓻ ꓠꓬ ꓡꓲ ꓞꓸ ꓥ ꓡꓳ= ꓤ ꓠꓱ ꓤ ꓮ ꓟꓬꓹ ꓥ ꓟꓲ ꓪꓽ ꓘꓴ ꓦꓲꓻ ꓘꓴꓽ ꓗꓪ ꓔꓬ ꓟ ꓥꓳ= ꓪꓽ ꓘꓴ ꓦꓲꓻ ꓗꓪ ꓤ ꓠꓱ ꓤ ꓐꓴ ꓔꓯ ꓣꓱꓽ ꓙ ꓬꓰ ꓙ_ ꓟ ꓣꓳꓸ ꓦꓲꓻ ꓐꓰ ꓶꓻ ꓤ ꓶꓻ ꓟꓲ ꓥ ꓟꓲ ꓙꓳ_ ꓟ ꓥꓳ= ꓫꓵꓻ ꓡꓰ ꓟ ꓗꓪ ꓤ ꓠꓱ ꓤ 15 ꓣꓳ ꓐ ꓡꓰꓳ ꓐꓰ Cots United ꓓꓳꓽ ꓗꓪ ꓐꓯ ꓑꓶ ꓔ ꓟ ꓥꓳ=

ꓫꓵꓻ ꓡꓰ ꓢꓴ ꓕꓲ ꓦꓲꓻ ꓡ ꓞꓳ ꓐꓴ ꓐꓰ ꓕꓲ ꓪꓼ ꓠꓲꓹ ꓟ ꓫꓸ ꓙ ꓔꓬ ꓡꓳ꓾ ꓬꓲ ꓪ ꓔꓯ ꓛꓳꓽ ꓙ ꓡꓳꓸ ꓙ ꓔꓬ ꓡꓳ ꓐꓰ ꓗꓴꓷꓼ ꓙꓵꓽ ꓢꓲꓽ ꓒꓽ ꓡꓰ Coptic ꓘꓴ ꓜꓲꓼ ꓞꓳ ꓙꓵꓽ ꓪꓴꓽ ꓢꓴ Tawadros II ꓔꓯ ꓑꓧꓳꓠꓰ ꓗꓪ ꓐꓰ ꓞꓸ ꓩꓴ ꓡꓳ ꓐꓰ ꓢꓷꓸ ꓪ ꓡꓳ=