Indawgyi- Mohnyin ꓟꓳ-ꓓꓳ ꓙꓻ ꓖꓴ ꓡꓶꓽ ꓡꓰ ꓟ ꓑꓶ ꓓꓴ ꓙꓰ ꓫꓸ ꓔꓬ ꓟ ꓓꓳꓽ

Monday, August 08, 2022

Indawgyi- Mohnyin ꓟꓳ-ꓓꓳ ꓙꓻ ꓖꓴ ꓡꓶꓽ ꓡꓰ ꓟ ꓑꓶ ꓓꓴ ꓙꓰ ꓫꓸ ꓔꓬ ꓟ ꓓꓳꓽ

ꓗ-ꓛꓲ ꓗꓴꓷꓼ ꓫꓴꓺ ꓟꓳ-ꓠꓬꓲꓸ ꓡꓳ ꓒꓱ ꓗꓪ ꓐꓰ Indawgyi ꓗꓪ ꓙꓰ_ ꓟ ꓚꓱꓹ ꓐ-ꓡꓴꓸ ꓡꓳ ꓒꓱ ꓐꓰ ꓠ-ꓟꓳꓸ ꓡꓳ ꓒꓱ ꓟꓳ-ꓓꓳ ꓙꓻ ꓖꓴ ꓠꓬ ꓬꓲꓻ ꓙꓬ ꓐꓰ ꓙꓻ ꓖꓴ ꓡꓶꓽ ꓡꓰ ꓟ ꓑꓶ ꓓꓴ ꓙꓻ ꓫꓱꓽ ꓓꓴ ꓫꓸ ꓔꓬ ꓡꓳ ꓐꓰ ꓞꓳ ꓘꓹ ꓢꓴ ꓡꓰ ꓐꓯ_ ꓡꓳ=

ꓕꓱ ꓡꓱ ꓗꓷ ꓡꓰ ꓟ ꓠꓬ 10 ꓦꓬꓼ ꓛꓲ ꓡꓳꓼ ꓡꓰ ꓟ ꓥ ꓢꓲ꓾ ꓙꓻ ꓖꓴ ꓔꓯ ꓡ ꓞꓳ 8 ꓣꓳ ꓡꓰ ꓝꓮꓲ ꓫꓬꓹ ꓔꓬ ꓡꓳ ꓐꓰ ꓐꓯ_ ꓡꓳ= ꓪꓴ_ ꓟ ꓟꓳ-ꓓꓳ ꓠꓬ ꓙꓰ ꓟꓽ ꓙꓲ ꓣꓳꓽ_ ꓟ ꓟꓳ-ꓓꓳ ꓡꓰ ꓮ ꓘꓶꓸ ꓫꓸ ꓠ ꓙꓰ ꓔꓬ ꓟ ꓥꓳ=

ꓐ-ꓡꓴꓸ ꓡꓳ ꓒꓱ ꓐꓰ ꓠ-ꓟꓳꓸ ꓡꓳ ꓒꓱ ꓗꓪ ꓙꓰ_ ꓟ ꓕꓱ ꓟꓳ-ꓓꓳ ꓙꓻ ꓖꓴ ꓠꓬ Indawgyi ꓗꓪ ꓐꓰ ꓓꓳ ꓡ_ ꓟ ꓜ ꓫꓵꓽ ꓜ ꓙꓰ ꓐꓰ ꓜ ꓒꓴ ꓕꓱ ꓡꓱ ꓶꓻ ꓞꓼ ꓖꓶ ꓩꓴ_ ꓟ ꓚꓱꓹ ꓥ ꓡꓳ= ꓖꓳ ꓟ ꓡꓰ ꓟꓽ ꓞꓲ ꓑ-ꓗꓸ ꓔ-ꓟ-ꓘ ꓢꓯ-ꓜꓲꓸ ꓕꓲ ꓛꓱ ꓗꓪ ꓥ ꓟꓲ ꓙꓰ_ ꓟ ꓚꓱꓹ ꓥ ꓡꓳ ꓐꓰ ꓞꓳ ꓗꓹ ꓢꓴ ꓡꓰ ꓐꓯ_ ꓡꓳ=

ꓕꓱ ꓟ ꓠꓬ Indawgyi ꓗꓪ ꓟꓶꓽ ꓦ ꓮ ꓘꓶꓸ ꓦ ꓟ ꓗꓪ ꓐꓰ ꓬꓲꓻ ꓙꓬ ꓓꓯ_ ꓟ ꓑꓶ ꓓꓴ ꓥ ꓡꓳ ꓐꓰ ꓐꓯ_ ꓡꓳ=