India ꓗꓴꓷꓼ ꓗꓪ Francis Xavier ꓔꓲꓺ ꓒ (19) ꓣꓳ ꓒꓬꓱꓼ ꓡꓰ ꓟ ꓗꓪ ꓐꓰ ꓤ ꓔꓲ. ꓤ ꓔꓲꓺ ꓒ (5) ꓣꓳ ꓐˍ ꓟ ꓓꓳꓽ

India ꓗꓴꓷꓼ ꓗꓪ Francis Xavier ꓔꓲꓺ ꓒ (19) ꓣꓳ ꓒꓬꓱꓼ ꓡꓰ ꓟ ꓗꓪ ꓐꓰ ꓤ ꓔꓲ. ꓤ ꓔꓲꓺ ꓒ (5) ꓣꓳ ꓐˍ ꓟ ꓓꓳꓽ

6 ꓦ 1 ꓠꓬꓲ 2022 ꓘꓳꓼ ꓕꓯ India ꓗꓴꓷꓼ ꓗꓪ ꓪꓴ‐ꓢ ꓟꓬꓱꓽ ꓟꓯꓻ ꓠ, ꓟ ꓒꓴ ꓔ ꓟ Francis Xavier  ꓔꓲꓺ ꓒ ꓜꓴꓻ ꓗꓪ ꓐꓰ ꓔꓲꓺ ꓒ (19) ꓣꓳ ꓒꓬꓱꓼ ꓬꓰꓳ꓿ ꓔꓲꓺ ꓒ (19) ꓣꓳ ꓗꓪ ꓐꓰ ꓕꓲ ꓦꓲꓻ ꓘꓴꓽ ꓗꓪ ꓤ ꓑ ꓤ ꓕꓲ ꓣꓳ ꓙꓳˍ ꓟ (ꓤ ꓔꓲ. ꓤ) ꓔꓲꓺ ꓒ (5) ꓣꓳ ꓐ, ꓡꓳ ꓐꓰ ꓢꓷ. ꓪ ꓡꓳ꓿ ꓕꓱ ꓔꓲꓺ ꓒ ꓐꓴ ꓟꓬꓱꓺ ꓠꓬ ꓔꓲꓺ ꓒ Eric꓾ ꓔꓲꓺ ꓒ  Mscteen꓾ ꓔꓲꓺ ꓒ  Xavier ꓔꓲꓺ ꓒ jackson꓾ ꓔꓲꓺ ꓒ  Inacio꓾ ꓐꓴ ꓥ ꓡꓳ꓿ ꓪꓴ‐ꓢ ꓒ ꓕꓲꓺ ꓗꓪ ꓔꓬ ꓠ, ꓟ ꓥꓪ ꓔꓯ ꓘꓴ ꓔ ꓟ ꓥ ꓡꓳ꓿ ꓪꓴ‐ꓢ ꓡꓰ ꓘꓴˍ ꓟ ꓠꓬ ꓮ ꓘꓶ. ꓛꓲ ꓡꓳ. ꓐꓲˍ ꓡꓳ ꓐꓰ ꓔꓲꓺ ꓒ Jackson ꓡꓰ ꓐꓯ ꓖꓶ ꓔ ꓡꓳ꓿

ꓝꓮꓲ ꓔꓲꓺ ꓒ Eric  ꓡꓰ ꓔꓲꓺ ꓒ ꓞꓲꓼ ꓠꓬ ꓬꓲꓻ ꓪꓴ ꓘꓴꓽ ꓗꓪ ꓗꓷ ꓔ ꓟ ꓫꓵꓺ ꓔꓯ ꓫꓱ.ˍ ꓡꓳ ꓐꓰ ꓐꓯ ꓖꓶ ꓔ ꓡꓳ꓿ ꓪꓴ‐ꓢ ꓟꓬꓱꓽ ꓟꓯꓻ ꓠ, ꓟ ꓮ ꓟꓬ, ꓫꓵꓽ ꓙ ꓖꓶ ꓢꓲ ꓠꓬꓲ ꓔꓲꓺ ꓒ ꓒꓬꓱꓼ ꓡ, ꓟ ꓥ ꓡꓳ ꓐꓰ ꓐꓯ ꓖꓶ ꓔ ꓡꓳ꓿ꓫ. ꓕꓱˍ ꓟꓽ ꓗꓴ. ꓗꓪ ꓛꓲ ꓗ, ꓛꓲˍ ꓡꓳ꓿ ꓪꓴ‐ꓢ ꓡꓰ ꓥꓪ ꓔꓯ ꓘꓴˍ ꓟ ꓑꓶ. ꓓꓴ ꓬꓲ ꓛꓱꓼ ꓡꓱꓼ ꓐꓱ ꓗꓪ ꓟꓬꓱꓽ ꓬꓰ ꓠ, ꓟ ꓘꓴˍ ꓟ ꓑꓶ. ꓓꓴ ꓮ ꓘꓶ. ꓗ, ꓛꓲˍ ꓡꓳ ꓐꓰ ꓔꓲꓺ ꓒ Xavier ꓐꓯ ꓖꓶ ꓔ ꓡꓳ꓿

ꓙꓲꓻ ꓫꓬ ꓢꓴ Francis Xavier ꓔꓲꓺ ꓒ ꓜꓴꓻ ꓗꓪ ꓔꓲꓺ ꓒ (383) ꓣꓳ ꓔꓬ ꓢꓲ ꓠꓬꓲ ꓬꓲ ꓔꓶ. (41) ꓔꓶ. ꓗꓪ ꓪꓴ‐ꓢ ꓟꓬꓱꓽ ꓬꓰ ꓔꓬ ꓟ ꓥ ꓡꓳ ꓐꓰ ꓢꓷ. ꓪ ꓡꓳ꓿ ꓗ‐ꓕꓳ‐ꓡꓲꓗ ꓔꓲꓺ ꓒ ꓐꓴ ꓠꓬ ꓕꓲ ꓞꓲꓼ ꓡꓱꓸꓼ ꓦꓲꓻ ꓢꓲꓺ ꓟ ꓟꓽ ꓧꓪ ꓾ ꓪꓴ‐ꓢ ꓟꓬꓱꓽ ꓗꓪ ꓢꓯꓼ ꓕꓵꓼ ꓠ, ꓟ ꓶ ꓥꓳꓽ ꓙꓱꓽ ꓔꓲꓺ ꓔ ꓢꓴ ꓐꓴ ꓥ ꓡꓳ꓿

ꓖꓳ ꓡꓱ ꓥ ꓟꓲ ꓟ. ꓒ ꓟ. ꓟ ꓐꓴ ꓠꓬ ꓦꓲꓻ ꓕꓴꓽ ꓗꓪ ꓕꓴꓽ ( ꓦꓲꓻ ꓢꓲ ꓒ ꓦꓲꓻ ꓢꓲ ꓟ ꓧꓪꓽ ꓓ, ꓢꓴ ꓐꓴ ꓥ ꓡꓳ)꓿