Mexico ꓗꓴꓷꓼ ꓗꓪ ꓟꓳ-ꓓꓳ ꓕꓲ ꓟ ꓔꓱꓹ ꓟꓽ ꓘꓴ ꓗꓷ ꓡꓰ ꓟ ꓗꓪ ꓐꓰ ꓗꓪꓼ ꓡꓰ ꓢꓲ꓾ ꓞꓳ ꓤ 29 ꓣꓳ ꓫꓵꓻ ꓡꓰ ꓟ꓾

Thursday, July 06, 2023

Mexico ꓗꓴꓷꓼ ꓗꓪ ꓟꓳ-ꓓꓳ ꓕꓲ ꓟ ꓔꓱꓹ ꓟꓽ ꓘꓴ ꓗꓷ ꓡꓰ ꓟ ꓗꓪ ꓐꓰ ꓗꓪꓼ ꓡꓰ ꓢꓲ꓾ ꓞꓳ ꓤ 29 ꓣꓳ ꓫꓵꓻ ꓡꓰ ꓟ꓾

7 ꓦ ꓟ 5 ꓠꓬꓲ ꓠꓽ ꓢ ꓠꓬꓲ ꓕꓯ Mexico ꓗꓴꓷꓼ ꓖꓴ ꓟꓶꓸ ꓕꓲ ꓛꓱ ꓗꓪ ꓞꓳ ꓤ ꓚꓰꓹ ꓡ ꓟ ꓟꓳ-ꓓꓳ ꓕꓲ ꓢꓶꓽ ꓠꓬ ꓔꓱꓹ ꓟꓽ ꓘꓴ ꓗꓷ ꓡꓰ ꓟ ꓗꓪ ꓐꓰ ꓟꓳ-ꓓꓳ ꓙ ꓖꓴ ꓙꓻ ꓡꓰ ꓢꓲ꓾ 75 ꓑꓯꓸ ꓠꓯꓸ ꓟ ꓗꓪ ꓗꓪꓼ ꓡꓰ ꓢꓲ꓾ ꓞꓳ ꓤ 29 ꓣꓳ ꓫꓵꓻ ꓡꓰꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓔ ꓡꓳ=

ꓕꓱ ꓡꓱ ꓫꓵꓻ ꓡꓰ ꓢꓴ ꓗꓪ ꓠꓬ ꓤ ꓠꓱ ꓤ ꓥ ꓟꓲ ꓐ ꓟ ꓥꓳ= ꓞꓳ ꓤ 19 ꓣꓳ ꓛꓲ ꓠꓬ ꓠꓻ ꓓꓴ ꓡꓰ ꓢꓲ꓾ ꓕꓲ ꓐꓱ ꓠꓬ ꓮ ꓘꓶꓸ ꓠꓻ ꓓꓴ ꓗꓷ ꓡꓰꓳ ꓐꓰ ꓗꓴꓷꓼ ꓘꓴ ꓙꓵꓽ ꓢꓲ Jesús Romero ꓡꓰ ꓐꓯ ꓔ ꓡꓳ= 14 ꓣꓳ ꓔꓯ ꓠꓬ Tlaxiaco ꓡꓳ ꓒꓱ ꓗꓪ ꓠꓯꓺ ꓞꓲꓼ ꓦꓲꓻ ꓗꓪ ꓧꓳꓽ ꓔꓯꓹ ꓦ ꓢꓲ꓾ ꓠꓱꓸ ꓐꓯꓼ 5 ꓣꓳ ꓔꓯ ꓠꓬ Oaxaca ꓡꓳ ꓒꓱ ꓗꓪ ꓙꓱ ꓦꓲꓻ ꓐꓰ ꓧꓳꓽ ꓔꓯꓹ ꓗꓷ ꓟ ꓔꓯ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓐꓯ ꓔ ꓡꓳ=