Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
Mozambique ꓗꓴꓷꓼ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ Italy ꓔꓲꓺ ꓟ ꓕꓲ ꓣꓳ ꓔꓯ ꓟꓽ ꓙꓲꓻ ꓢꓴ ꓡꓰ ꓢꓰꓼ ꓗꓷ ꓟ ꓓꓳꓽ
Mozambique ꓗꓴꓷꓼ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ Italy ꓔꓲꓺ ꓟ ꓕꓲ ꓣꓳ ꓔꓯ ꓟꓽ ꓙꓲꓻ ꓢꓴ ꓡꓰ ꓢꓰꓼ ꓗꓷ ꓟ ꓓꓳꓽ
9 ꓦ 7 ꓠꓬꓲ 2022 ꓘꓳꓼ ꓕꓯ Mozambique ꓗꓴꓷꓼ Chipenne ꓡꓳ ꓒꓱ ꓗꓪ ꓪꓴ‐ꓢ ꓟꓬꓱꓽ ꓟꓯ ꓔꓬ ꓟ ꓔꓲꓺ ꓟ ꓕꓲ ꓣꓳ ꓔꓯ ꓟꓽ ꓙꓲꓻ ꓢꓴ ꓐꓴ ꓡꓰ ꓢꓰꓼ ꓗꓷ ꓐꓰ ꓢꓷ. ꓪ ꓡꓳ꓿ ꓔꓲꓺ ꓟ Santa Lucia di Piave ꓟꓬꓱꓺ ꓟ ꓔꓲꓺ ꓟ ꓠꓬ ꓬꓲ ꓞꓲꓼ 84 ꓘꓳꓼ ꓙꓳ ꓢꓴ ꓥ ꓡꓳ꓿ ꓔꓲꓺ ꓟ ꓠꓬ Italy ꓞꓳ ꓫꓵꓽ ꓕꓲ ꓣꓳ ꓥ ꓡꓳ꓿ ꓔꓲꓺ ꓟ ꓠꓬ Muslim ꓐꓴ ꓮ ꓟꓬ, ꓔꓬ ꓟ ꓗꓴꓷꓼ Mozambique ꓗꓪ 1063 ꓘꓳꓼ ꓕꓯ ꓪꓴ. ꓔꓴ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓟꓯ ꓗꓷ ꓢꓴ ꓥ ꓡꓳ꓿
ꓟꓽ ꓙꓲꓻ ꓢꓴ ꓐꓴ ꓡꓰ ꓪꓽ ꓘꓴ ꓦꓲꓻ ꓐꓰ ꓙꓳ ꓟ ꓦꓲꓻ ꓔꓯ ꓑꓳꓺ ꓡ ꓛꓴ. ꓗꓪ ꓐꓰ ꓐꓬ ꓗꓷ ꓟ ꓪꓴ. ꓠꓬꓲ ꓪꓽ ꓘꓴ ꓦꓲꓻ ꓗꓪ ꓔꓬ ꓟ ꓔꓲꓺ ꓟ ꓐꓰ ꓙꓲ ꓢꓴ ꓢꓲꓺ ꓤ 6 ꓣꓳ ꓫꓵꓻ ꓡꓰ ꓟ ꓥ ꓡꓳ꓿ Muslim ꓙꓵꓻ ꓠꓲ, ꓔꓯ ꓘꓳ, ꓣꓴ ꓢꓴ ꓟꓽ ꓙꓲꓻ ꓢꓴ ꓐꓴ ꓡꓰ ꓙꓲ ꓢꓴ ꓢꓲꓺ ꓤ ꓐꓴ ꓔꓯ ꓢꓰꓼ ꓟ ꓠꓬ ꓮ ꓟꓬ, ꓧꓪ, ꓙꓳ ꓡꓰ ꓟ ꓥ ꓡꓳ꓿
ꓕꓱ Mozambique ꓗꓴꓷꓼ ꓗꓪ ꓠꓬ Muslim ꓙꓵꓻ ꓠꓲ, ꓔꓯ ꓘꓳ, ꓣꓴ ꓢꓴ (IS ) ꓜꓴꓻ ꓔꓬ ꓟ ꓗꓴꓷꓼ ꓟꓲ ꓥ ꓡꓳ꓿ ꓗꓴꓷꓼ ꓙꓵꓽ ꓪ ꓙꓳ ꓢꓴ ꓐꓴ ꓐꓰ (IS) ꓜꓴꓻ ꓢꓰꓼ ꓡꓯ ꓘꓳˍ ꓟ ꓪꓴ. ꓠꓬꓲ ꓑ ꓫꓬ ꓮ ꓟꓬ, ꓟꓵꓽ ꓗꓪ ꓘꓰ, ꓙꓰ ꓔꓬ ꓟ ꓥ ꓡꓳ꓿
Add new comment