Nepal ꓗꓴꓷꓼ ꓙꓱ ꓦꓲ ꓞꓰ ꓟ ꓗꓪ ꓫꓵꓸꓹ ꓢꓴ ꓧꓪꓽ ꓖꓳ ꓓꓱ (22) ꓣꓳ ꓔꓯ ꓟꓳ ꓟ ꓓꓳꓽ

Tuesday, May 31, 2022

ꓡꓳꓹ ꓬꓰ ꓟ ꓠꓽ ꓫꓵꓽ ꓠꓬꓲ ꓕꓯ Nipal ꓗꓴꓷꓼ Himalayas ꓪ ꓚꓲ ꓗꓪ ꓞꓰ ꓡꓰ ꓟ ꓙꓱ ꓦꓲ ꓗꓪ ꓙꓸꓹ ꓫꓱꓽ ꓢꓴ (19) ꓣꓳ ꓐꓰ ꓙꓱ ꓦꓲ ꓗꓪ ꓟꓬꓱꓽ ꓬꓰ ꓢꓴ (3) ꓣꓳ ꓮ ꓙꓵꓽ (22) ꓣꓳ ꓬꓲꓸ ꓪ ꓧꓪꓽ ꓖꓳ ꓓꓱꓽ ꓔꓯ ꓟꓳ ꓡꓰꓳ ꓐꓰ ꓙꓵꓽ ꓪ ꓙꓳ ꓢꓴ ꓡꓰ ꓐꓯ ꓔ ꓡꓳ= ꓖꓳ ꓟ ꓙꓱ ꓦꓲ ꓠꓬ (Twin Otter) ꓙꓱ ꓦꓲ ꓕꓲ ꓫꓵꓽ ꓥ ꓢꓲ-ꓸ Nepal ꓗꓴꓷꓼ Kathmandu ꓗꓪ ꓐꓰ Jomsom ꓗꓪ ꓙꓰ ꓕꓯ ꓗꓷ ꓡꓰ ꓟ ꓙꓱ ꓦꓲ ꓥ ꓡꓳ=

ꓙꓱ ꓦꓲ ꓗꓪ ꓐ ꓢꓴ 19 ꓣꓳ ꓗꓪ ꓐꓰ India ꓞꓳ ꓫꓵꓽ 4 ꓣꓳ-ꓸ German ꓞꓳ ꓫꓵꓽ 2 ꓣꓳ-ꓸ Nepal ꓞꓳ ꓫꓵꓽ ꓐꓴ ꓥ ꓡꓳ ꓐꓰ ꓢꓷꓸ ꓪ ꓡꓳ=