Nicaragua ꓗꓴꓷꓼ ꓗꓪ ꓪꓴ‐ꓢ ꓟꓬꓱꓽ ꓟꓯꓻ ꓔꓬ ꓟ Mother Tressa ꓔꓲꓺ ꓟ ꓜꓴꓻ ꓔꓯ ꓗꓴꓷꓽ ꓙꓵꓽ ꓢꓲꓽ ꓒꓽ ꓐꓴ ꓡꓰ ꓗꓴꓷꓼ ꓗꓪ ꓟꓽ ꓔꓬ ꓠ, ꓟ ꓖꓼ ꓗꓷ ꓟ ꓓꓳꓽ

Thursday, July 14, 2022

Nicaragua ꓗꓴꓷꓼ ꓗꓪ ꓪꓴ‐ꓢ ꓟꓬꓱꓽ ꓟꓯꓻ ꓔꓬ ꓟ Mother Tressa ꓔꓲꓺ ꓟ ꓜꓴꓻ ꓔꓯ ꓗꓴꓷꓽ ꓙꓵꓽ ꓢꓲꓽ ꓒꓽ ꓐꓴ ꓡꓰ ꓗꓴꓷꓼ ꓗꓪ ꓟꓽ ꓔꓬ ꓠ, ꓟ ꓖꓼ ꓗꓷ ꓟ ꓓꓳꓽ

7 ꓦ ꓟ 6 ꓠꓬꓲ 2022 ꓘꓳꓼ ꓕꓯ Nicaragua ꓗꓴꓷꓼ ꓪꓴ‐ꓢ ꓟꓬꓱꓽ ꓟꓯꓻ ꓔꓬ ꓟ  Mother Tressa ꓔꓲꓺ ꓟ ꓜꓴꓻ ꓔꓯ ꓗꓴꓷꓼ ꓙꓵꓽ ꓢꓲ ꓒꓽ Daniel Ortega ꓡꓰ ꓗꓴꓷꓼ ꓗꓪ ꓟꓽ ꓔꓬ ꓠ, ꓟ ꓖꓼ ꓗꓷꓳ ꓐꓰ ꓢꓷ. ꓪ ꓡꓳ꓿ ꓗꓴꓷꓼ ꓙꓵꓽ ꓢꓲ ꓒꓽ ꓐꓴ ꓠꓬ ꓪꓴ‐ꓢ ꓟꓬꓱꓽ ꓟꓯꓻ ꓔꓬ ꓟ ꓫ. ꓢꓴ ꓟꓷꓼ ꓢꓴ ꓔꓯ ꓬꓰ ꓙ ꓢꓴ ꓔꓲꓺ ꓟ (18) ꓣꓳ ꓔꓯ ꓟꓬꓱꓽ ꓬꓰ ꓓꓳꓺ ꓡꓰ ꓕꓯ ꓗꓴꓷꓼ ꓗꓪ ꓐꓰ ꓓꓳꓻ ꓙꓰ ꓠ, ꓟ ꓐꓯ ꓑꓶ ꓗꓷꓳ꓿

ꓕꓱ ꓔꓲꓺ ꓟ ꓐꓴ ꓠꓬ ꓫ. ꓢꓴ ꓟꓷꓼ ꓢꓴ ꓐꓴ ꓐꓰ ꓞꓲꓼ ꓪꓴꓽ ꓡꓰ ꓟ ꓑ ꓫꓬ ꓐꓴ ꓐꓰ ꓤ ꓠꓱ ꓤ ꓐꓴ ꓔꓯ ꓬꓰ ꓙ ꓔꓳ ꓙ ꓔꓬ ꓟ ꓜꓴꓻ ꓟꓲ ꓥ ꓡꓳ꓿ ꓔꓲꓺ ꓟ ꓐꓴ ꓠꓬ ꓗꓴꓷꓼ ꓮ ꓟꓬ, ꓗꓪ ꓐꓰ ꓪꓴ‐ꓢ ꓟꓬꓱꓽ ꓟꓯꓻ ꓔꓬ ꓢꓴ ꓜꓴꓻ ꓟꓲ ꓥ ꓡꓳ꓿

ꓪꓴ‐ꓢ ꓟꓬꓱꓼ ꓟꓯꓻ ꓔꓬ ꓟ ꓔꓲꓺ ꓟ ꓐꓴ ꓠꓬ ꓠꓲꓚꓮꓣꓮꓖꓴꓮ ꓗꓴꓷꓼ ꓒ ꓕꓲ ꓗꓪ ꓙꓳˍ ꓟ Costa Rica ꓗꓴꓷꓼ ꓗꓪ ꓝꓮꓲ ꓪꓴ‐ꓢ ꓟꓬꓱꓽ ꓬꓰ ꓓꓴ ꓥꓳ ꓐꓰ ꓢꓷ. ꓪ ꓡꓳ꓿ Mother Tessa ꓔꓲꓺ ꓟ ꓜꓴꓻ ꓠꓬ ꓫ. ꓔꓬ ꓢꓴ ꓑ ꓫꓬ ꓐꓴ ꓐꓰ ꓜꓽ ꓓꓴ ꓓꓳꓻ ꓓꓴ ꓟꓽ ꓙꓳ ꓢꓴ ꓐꓰ ꓮ ꓐ ꓮ ꓟ ꓟꓽ ꓔꓬ ꓟ ꓤ ꓠꓱ ꓤ ꓐꓴ ꓔꓯ ꓬꓰ ꓙ ꓢꓲ ꓠꓬꓲ ꓟꓲ ꓠꓯ ꓢꓷ. ꓠꓲ, ꓟ. ꓖꓶ ꓔꓬ ꓟ ꓜꓴꓻ ꓟꓲ ꓥ ꓡꓳ꓿

Add new comment

8 + 11 =

Quick Links