Nigeria ꓗꓪ ꓗ-ꓕꓳ-ꓡꓲꓗ ꓪꓽ ꓘꓴꓽ ꓦꓲ ꓗꓪ ꓡ ꓛꓴꓸ ꓐꓶ ꓢꓰꓼ ꓡ ꓟ ꓑꓶ ꓓꓴ ꓡ ꓞꓳ ꓮ ꓟꓬꓹ ꓫꓵꓸꓹ_ ꓟ ꓓꓳꓽ

Tuesday, June 07, 2022

Nigeria ꓗꓪ ꓗ-ꓕꓳ-ꓡꓲꓗ ꓪꓽ ꓘꓴꓽ ꓦꓲ ꓗꓪ ꓡ ꓛꓴꓸ ꓐꓶ ꓢꓰꓼ ꓡ ꓟ ꓑꓶ ꓓꓴ ꓡ ꓞꓳ ꓮ ꓟꓬꓹ ꓫꓵꓸꓹ_ ꓟ ꓓꓳꓽ

Nigeria ꓐꓶ ꓓꓵ ꓖꓴ ꓟꓶꓸ Ondo ꓗꓴꓷꓼ ꓫꓴꓸꓸ ꓗꓪ ꓔꓬ ꓟ St. Francis Xavier ꓪꓽ ꓘꓴ ꓦꓲ ꓗꓪ ꓪꓽ ꓘꓴ ꓔꓬ ꓢꓴ ꓔꓯ ꓑꓳꓸꓸ ꓡ ꓛꓴꓸ ꓐꓰ ꓐꓶ ꓢꓰꓼ ꓡ ꓟ ꓑꓶ ꓓꓴ ꓡ ꓞꓳ 50 ꓣꓳ ꓛꓲ ꓫꓵꓸꓹ ꓡꓰꓳ ꓐꓰ Nigeria ꓗꓴꓷꓼ ꓢꓲ ꓒꓽ ꓐꓴ ꓡꓰ ꓐꓯ_ ꓡꓳ=

ꓫꓵꓸꓹ ꓡꓰ ꓢꓴ ꓗꓪ ꓤ ꓠꓱ ꓤ ꓥ ꓟꓲ ꓐ ꓢꓲ-ꓸ ꓪꓽ ꓘꓴ ꓧꓳꓽ ꓪꓴꓸ ꓢꓴ ꓔꓲꓸꓸ ꓒ ꓔꓯ ꓥ ꓟꓲ ꓧꓳ ꓡꓰꓳ ꓐꓰ ꓐꓯ_ ꓡꓳ= ꓮ ꓟꓬ ꓣꓳ ꓫꓵꓸꓹ ꓡꓰ ꓟ ꓗꓼ ꓔꓯ ꓠꓬ Nigeria ꓗꓴꓷꓼ ꓙꓵꓽ ꓢꓴ ꓐꓴ ꓡꓰ ꓟꓽ ꓐꓯ ꓑꓶ_ ꓢꓲ ꓟ ꓥꓳ= ꓕꓱ ꓡꓱ ꓬꓰ_ ꓟ ꓔꓯ ꓠꓬ ꓮ ꓡꓲ ꓕꓲ ꓣꓳ ꓡꓰ ꓬꓰ_ ꓟ ꓔꓯ ꓟꓽ ꓢꓷꓸ ꓔ ꓢꓰ ꓟ ꓥꓳ=