Pathein- Nga Yote Gaung ꓟꓳ-ꓓꓳ ꓚꓱꓹ ꓗꓪ ꓪꓽ ꓙꓵꓽ ꓬꓲꓻ ꓙꓬ ꓬꓲꓻ ꓡ ꓟ ꓪꓴꓸ ꓠꓬꓲ ꓞꓳ ꓦꓲꓻ 50 ꓦꓲꓻ ꓛꓲ ꓬꓲꓻ ꓙꓬ ꓟꓶꓸ ꓡꓰ ꓢꓲ꓾ ꓟꓳ-ꓓꓳ ꓚꓱꓹ ꓗꓪ ꓬꓲꓻ ꓙꓬ ꓓꓵꓽ ꓡ ꓟ ꓓꓳꓽ

Ayeyarwaddy ꓟꓵꓽ ꓫꓴꓺ ꓓꓽ ꓠꓬ-ꓐꓴ-ꓔꓳ ꓡꓳ ꓒꓱ Pathein-Nga Yote Gaung ꓟꓳ-ꓓꓳ ꓚꓱꓹ ꓗꓪ 8 ꓦ 17 ꓠꓬꓲ ꓟꓳꓼ ꓡꓳ ꓙꓵꓹ ꓗꓪ ꓐꓰ ꓟꓽ ꓦ ꓮ ꓘꓶꓸ ꓦ ꓡ ꓢꓲ꓾ ꓪꓽ ꓙꓵꓽ ꓬꓲꓻ ꓙꓬ ꓬꓲꓻ ꓡ ꓟ ꓑꓶ ꓓꓴ ꓟꓳ-ꓓꓳ ꓚꓱꓹ ꓗꓪ ꓬꓲꓻ ꓙꓬ ꓓꓵꓽ ꓡ ꓟ ꓥꓳ꓾ ꓟꓳ-ꓓꓳ ꓚꓱꓹ ꓒ ꓕꓲ ꓗꓪ ꓔꓬ ꓟ ꓞꓳ ꓦꓲꓻ 50 ꓦꓲꓻ ꓬꓲꓻ ꓙꓬ ꓟꓶꓸ ꓡꓰꓳ ꓐꓰ ꓞꓳ ꓘꓹ ꓢꓴ ꓗꓪ ꓐꓰ ꓢꓷꓸ ꓪ ꓡꓳ=

ꓪꓽ ꓙꓵꓽ ꓬꓲꓻ ꓙꓬ ꓬꓲꓻ ꓡ ꓢꓲ ꓬꓲꓻ ꓙꓬ ꓡꓳ ꓥ ꓟꓲ ꓓꓯ ꓡ ꓟ ꓑꓶ ꓓꓴ ꓮ ꓙꓵꓽ ꓟꓶꓸ ꓡꓰ ꓟ ꓥꓳ= Pathein-Nga Yote Gaung ꓟꓳ-ꓓꓳ ꓚꓱꓹ ꓗꓪ ꓠꓬ ꓬꓲꓻ ꓙꓬ 1 ꓒꓯꓹ ꓗꓪ ꓐꓰ 4 ꓒꓯꓹ ꓗꓪ ꓛꓲ ꓙ ꓡꓰ ꓟ ꓥ ꓢꓲ꓾ ꓟꓳ-ꓓꓳ ꓦ ꓟꓲ ꓬꓲꓸ ꓞꓲ ꓟꓳ-ꓓꓳ ꓙꓰ ꓟꓽ ꓙꓲ ꓗꓷ ꓡꓰ ꓟ ꓥꓳ꓾ ꓐꓰ ꓢꓷꓸ ꓪ ꓡꓳ=