Putao ꓟꓵꓽ ꓗꓪ ꓟꓶꓽ ꓦ ꓮ ꓟꓬ, ꓦ ꓟ ꓪꓴ. ꓠꓬꓲ ꓬꓲꓻ ꓙꓬ ꓙꓵꓽ ꓡ ꓢꓲ ꓠꓬꓲ ꓪꓽ ꓙꓳˍ ꓟ ꓔꓶ. ꓗꓪ ꓙꓰ_ ꓟ ꓓꓽ ꓖꓴ ꓐꓬ ꓡꓰ ꓟ ꓓꓳꓽ

Monday, July 24, 2023

Putao ꓟꓵꓽ ꓗꓪ ꓟꓶꓽ ꓦ ꓮ ꓟꓬ, ꓦ ꓟ ꓪꓴ. ꓠꓬꓲ ꓬꓲꓻ ꓙꓬ ꓙꓵꓽ ꓡ ꓢꓲ ꓠꓬꓲ ꓪꓽ ꓙꓳˍ ꓟ ꓔꓶ. ꓗꓪ ꓙꓰ_ ꓟ ꓓꓽ ꓖꓴ ꓐꓬ ꓡꓰ ꓟ ꓓꓳꓽ

7 ꓦ ꓟ 18 ꓠꓬꓲ 2023 ꓘꓳꓼ ꓕꓯ ꓑꓴꓔꓮꓳ ꓡꓳ ꓒꓱ ꓗꓪ ꓐꓰ ꓪꓽ ꓙꓳˍ ꓟ ꓔꓶ. ꓗꓪ ꓙꓰ_ ꓟ ꓓꓽ ꓖꓴꓽ ꓠꓬ ꓟꓲ ꓦ ꓮ ꓟꓬ, ꓦꓻ ꓡ ꓢꓲ ꓠꓬꓲ ꓬꓲꓻ ꓙꓬ ꓙꓵꓽ ꓡ ꓟ ꓪꓴ. ꓠꓬꓲ ꓫꓬ, ꓦ ꓟ ꓕꓲ ꓘꓳꓼ ꓟꓽ ꓐꓲ ꓡꓰ ꓢꓲ ꓕꓯ ꓓꓽ ꓖꓴ ꓐꓬ ꓡꓰ ꓐꓰ ꓐꓯ ꓔ ꓡꓳ꓿ ꓖꓳ ꓡꓱ ꓥ ꓟ ꓪꓴ. ꓠꓬꓲ ꓓꓽ ꓖꓴ ꓔꓯ ꓣꓱ ꓢꓲ ꓠꓬꓲ ꓟꓬꓱꓽ ꓬꓰ ꓜ ꓢꓴ ꓑ ꓫꓬ ꓐꓴ ꓜ ꓓꓴ ꓓꓳꓻ ꓓꓴ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿

ꓕꓱ ꓓꓽ ꓖꓴ ꓫꓬ, ꓦ ꓟ ꓔꓶ. ꓠꓬ ꓑꓴꓔꓮꓳ ꓡꓳ ꓒꓱ ꓢ‐ꓖꓳꓼ ꓞꓳ ꓘ, ꓗꓪ ꓫꓬ, ꓔ ꓟ ꓓꓽ ꓖꓴ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓕꓱ ꓐꓬ ꓡꓰ ꓟ ꓓꓽ ꓖꓴ ꓠꓬ ꓪꓽ ꓙꓳ ꓔꓶ. ꓗꓪ ꓙꓰ_ ꓟ ꓙꓵ, ꓕꓯ ꓣꓱ ꓟ ꓥ ꓢꓲ ꓠꓬꓲ ꓑ ꓫꓬ ꓐꓴ ꓐꓱ ꓶ ꓮ ꓘꓶ. ꓛꓲ ꓣꓳ ꓚꓵ_ ꓟ ꓓꓽ ꓖꓴ ꓥ ꓡꓳ ꓐꓰ ꓐꓯ ꓔ ꓡꓳ꓿ ꓑ ꓫꓬ ꓐꓴ ꓡꓰ ꓐꓬ ꓡꓰ ꓟ ꓓꓽ ꓖꓴ ꓔꓯ ꓞ ꓞ ꓡꓰ ꓫꓬ, ꓖꓶ ꓡ ꓠ, ꓟ ꓠꓲ, ꓫꓵˍ ꓡꓳ ꓐꓰ (Putao News Genertion) ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿

Add new comment

3 + 1 =

Quick Links