Singapore ꓗꓴꓷꓼ ꓗꓪ ꓐꓰ ꓗ‐ꓕꓳ‐ꓡꓲꓗ ꓔꓲꓺ ꓟ ꓕꓲ ꓪ (Taekwondo Poomsae) ꓓꓶꓽ ꓔꓯꓺ ꓡꓯ ꓘꓳ, ꓟ ꓗꓪ ꓐꓰ ꓡꓯ ꓫꓴꓻ ꓓꓽ ꓪ ꓟ ꓓꓳꓽ

Singapore ꓗꓴꓷꓼ ꓗꓪ ꓐꓰ ꓗ‐ꓕꓳ‐ꓡꓲꓗ ꓔꓲꓺ ꓟ ꓕꓲ ꓪ (Taekwondo Poomsae) ꓓꓶꓽ ꓔꓯꓺ ꓡꓯ ꓘꓳ, ꓟ ꓗꓪ ꓐꓰ ꓡꓯ ꓫꓴꓻ ꓓꓽ ꓪ ꓟ ꓓꓳꓽ

5 ꓦ ꓟ 21 ꓠꓬꓲ ꓗꓪ ꓐꓰ 24 ꓠꓬꓲ ꓗꓪ ꓛꓲ ꓖꓴ ꓟꓶ. ꓗꓳ.‐ꓣꓲ.‐ꓬ. ꓗꓴꓷꓼ Goyang ꓡꓳ ꓒꓱ ꓗꓪ ꓬꓰ ꓗꓷ ꓟ (Taekwondo Poomsae) ꓓꓶꓽ ꓔꓯꓺ ꓡꓯ ꓘꓳ, ꓟ ꓑꓮꓲꓽ ꓗꓪ ꓐꓰ ꓔꓲꓺ ꓟ Linda ꓠꓬ ꓡꓯ ꓫꓴꓻ ꓓꓽ ꓟ ꓟꓶ ꓡꓰ ꓟ ꓥ ꓡꓳ꓿ ꓔꓲꓺ ꓟ Linda ꓠꓬ Singapore ꓗꓴꓷꓼ ꓗꓪ ꓐꓰ ꓟꓲ ꓠꓯ ꓕꓯꓽ ꓢꓲ ꓗꓪ ꓬꓲ ꓪꓴ. ꓕꓲ ꓧꓪ,  (Taekwondo Poomsae) ꓑꓮꓲꓽ ꓗꓪ ꓐꓰ ꓡꓯ ꓫꓴꓻ ꓟꓶ ꓢꓴ ꓥ ꓡꓳ꓿ꓔꓲꓺ ꓟ ꓠꓬ Franciscan ꓔꓲꓺ ꓟ ꓜꓴꓻ ꓗꓪ ꓟ ꓔꓲꓺ ꓟ ꓕꓲ ꓣꓳ ꓥ ꓢꓲ ꓠꓬꓲ ꓬꓲ ꓘꓳꓼ (67) ꓘꓳꓼ ꓙꓳ ꓢꓴ ꓥ ꓡꓳ꓿

ꓔꓲꓺ ꓟ Linda ꓡꓯ ꓫꓴꓻ ꓓꓽ ꓘꓳ, ꓣꓴ ꓟꓶˍ ꓟ ꓑꓶ. ꓓꓴ Singapore ꓗꓴꓷꓼ ꓐꓰ (Taekwondo) ꓜꓴꓻ ꓔꓯ ꓧꓳꓽ ꓣꓱꓽ ꓢꓴ David Kon ꓠꓬ ꓮ ꓘꓶ. ꓦꓻ ꓡꓱ ꓐꓳˍ ꓡꓳ ꓐꓰ ꓐꓯ ꓖꓶ ꓗꓷꓳ꓿ꓔꓲꓺ ꓟ ꓠꓬ (Taekwondo) ꓔꓯꓺ ꓡꓯ ꓘꓳ ꓑꓮꓲ ꓮ ꓟꓬ, ꓗꓪ ꓐꓰ ꓡꓯ ꓫꓴꓻ (30) ꓟꓽ ꓞꓲꓺ ꓪ ꓢꓴˍ ꓟꓲ ꓥ ꓡꓳ꓿

ꓔꓲꓺ ꓟ Linda ꓠꓬ ꓪꓴ‐ꓢ ꓟꓬꓱꓽ ꓬꓰ ꓗꓷ ꓟ (43) ꓙꓳ ꓡꓰ ꓟ ꓥ ꓢꓲ ꓠꓬꓲ ꓗꓴꓷꓼ ꓮ ꓟꓬ, ꓗꓪ ꓙꓰ ꓢꓲ ꓟꓲ ꓠꓯ ꓢꓷ. ꓠꓲ, ꓕꓳ ꓶ ꓔꓯ ꓟ. ꓖꓶ ꓢꓴ ꓥ ꓡꓳ꓿ꓮ ꓟꓶ ꓟ ꓙꓵ, ꓗꓪ ꓠꓬ ꓔꓲꓺ ꓟ Linda ꓠꓬ Singapore ꓗꓴꓷꓼ ꓗꓪ ꓔꓬ ꓢꓲ ꓠꓬꓲ ꓪꓴ‐ꓢ ꓟꓬꓱꓽ ꓬꓰ ꓔꓬ ꓡꓳ ꓐꓰ ꓣꓦꓮ ꓓꓳꓽ ꓗꓪ ꓐꓰ ꓢꓷ. ꓪ ꓡꓳ꓿