(Singapore) ꓗ-ꓕꓳ-ꓡꓲ ꓘꓴ ꓜꓲꓼ ꓞꓳ ꓓꓳ:

(Singapore) ꓗ-ꓕꓳ-ꓡꓲ ꓘꓴ ꓜꓲꓼ ꓞꓳ ꓞꓳ ꓜꓴ ꓪꓽ ꓘꓴ ꓜꓲꓼ ꓓꓴ ꓔꓯꓼ ꓠ ꓫꓵꓽ ꓐꓶꓸ ꓓꓴ ꓠꓽ ꓔꓸ ꓟ-ꓸ

ꓢꓲꓠꓖꓮꓑꓳꓣꓰ ꓗ-ꓕꓳ-ꓡꓲ ꓔꓲꓸꓹꓒ ꓓꓽ Revꓸ William Goh ꓡꓰꓽ 14ꓸ2ꓸ2020 ꓦꓬꓼ ꓠꓬꓲ ꓕꓯꓽ ꓗꓴꓷꓼ ꓘꓴꓽ ꓠꓯꓼˍꓗꓪ ꓗꓳ-ꓣꓳ-ꓠ (ꓚꓳꓦꓲꓓ-19) ꓠ ꓫꓵꓽ ꓔꓳꓸ ꓜꓳꓽ ꓔꓬ ꓟ ꓪꓴꓸ ꓠꓬꓲ ꓘꓴ ꓜꓲꓼ ꓞꓳ ꓠꓽ ꓦꓬꓼ ꓪꓽ ꓘꓴ ꓔꓸ ꓟ ꓔꓯ ꓠꓽ ꓔꓸ ꓢꓰꓼˍꓡꓳ ꓐꓰꓼ ꓐꓯ ꓡꓳ= ꓘꓴ ꓜꓲꓼ ꓞꓳ ꓠꓯꓼ ꓗꓪ ꓐꓰ ꓠ ꓫꓵꓽ ꓝ ꓢꓲꓼ ꓟꓽ ꓒꓬꓱꓸꓹ ꓡꓰ ꓠꓹˍꓟ-ꓸ ꓗꓽ ꓕꓽ ꓐ ꓡ ꓠꓹˍꓟ ꓐꓱ ꓶ ꓙꓽ ꓖꓶꓽ ꓢꓲꓼ ꓕꓱ ꓟ ꓔꓯ ꓟꓳꓸ ꓖꓶꓽ ꓔꓬ ꓟ ꓥ ꓡꓳ= ꓢꓳ ꓜꓲꓼ ꓓꓴ ꓔꓯ ꓥˍꓟꓲ ꓠꓽ ꓔ ꓢꓲꓼ ꓡꓯꓽ ꓒꓯꓸꓹ ꓝ ꓐꓰꓼ ꓞꓳ ꓫꓵ ꓪꓽ ꓫꓵꓽ ꓟꓬꓱꓽ ꓔꓯ ꓠꓬ ꓔꓲꓸ ꓔꓲꓹˍꓬꓰ ꓠꓹ ꓟ ꓐꓯ ꓟꓳꓸ ꓖꓶꓽ ꓔ ꓡꓳ=

ꓕꓲꓽ ꓠꓲꓹ ꓕꓲꓽ ꓪꓼ ꓪꓽ ꓘꓴ ꓟꓽ ꓪ ꓥꓹˍꓟꓲ ꓠꓴ ꓔꓬˍꓟ ꓦꓲ ꓘꓴꓽ ꓗꓪ ꓪꓴ-ꓢ ꓢꓲ-ꓫꓬ ꓕꓳ ꓶ ꓔꓯꓼ ꓬꓲꓸ ꓙꓵꓸꓹ ꓖꓶꓽ ꓢꓲ ꓢꓯꓼ ꓪꓽ ꓣꓴ ꓪꓽ ꓘꓴ ꓓꓴ ꓬꓰ ꓡꓯ ꓐꓰ ꓢꓯꓼ ꓖꓶꓽ ꓔꓸ ꓡꓳ= ꓛꓲ ꓡꓸˍꓟ ꓜꓸꓹꓚꓲꓸ ꓦꓬꓼ ꓠꓬꓲ 26ꓸ2ꓸ2020 ꓘꓳꓼ ꓠꓽ ꓢ ꓠꓬꓲ (Ash Wednesday)ꓕꓯꓽ ꓘꓴ ꓜꓲꓼ ꓞꓳ ꓔꓬ ꓟ ꓦꓲ ꓗꓪ ꓔꓲꓸꓹꓒꓽ ꓐꓴ ꓡꓰꓽ ꓡ ꓢꓲꓼ ꓗꓳ-ꓦ ꓟꓲ ꓠꓹˍꓟ ꓙꓽ ꓖꓶꓽ ꓔꓸ ꓡꓳ ꓐꓰ ꓐꓯ ꓔꓸ ꓡꓳ=

https://www.catholic.sg/suspension-of-masses/