Tanaing ꓡꓳ ꓒꓱ ꓗꓪ ꓮꓸ ꓪꓯꓼ ꓠꓻ ꓫꓵ ꓠꓻ ꓔꓬ ꓟ ꓑꓶ ꓓꓴ ꓮꓸ ꓪꓯꓼ ꓫꓳ ꓢꓴ ꓫꓸ ꓔꓬ ꓟ ꓓꓳꓽ

Tanaing ꓡꓳ ꓒꓱ ꓗꓪ ꓮꓸ ꓪꓯꓼ ꓠꓻ ꓫꓵ ꓠꓻ ꓔꓬ ꓟ ꓑꓶ ꓓꓴ ꓮꓸ ꓪꓯꓼ ꓫꓳ ꓢꓴ ꓫꓸ ꓔꓬ ꓟ ꓓꓳꓽ

Tanaing ꓡꓳ ꓒꓱ ꓗꓪ ꓮꓸ ꓪꓯꓼ ꓠꓻ ꓫꓵ ꓠꓻ ꓔꓬ ꓟ ꓑꓶ ꓓꓴ ꓮꓸ ꓪꓯꓼ ꓫꓳ ꓢꓴ ꓫꓸ ꓔꓬ ꓟ ꓓꓳꓽ

Tanaing ꓡꓳ ꓒꓱ ꓟ-ꓗꓳ ꓘꓹ ꓗꓪ ꓮꓸ ꓪꓯꓼ ꓠꓻ ꓫꓵ ꓠꓻ ꓔꓬ ꓢꓲ꓾ ꓮ ꓟꓬꓹ ꓫꓵꓻ ꓡꓰ ꓟ ꓑꓶ ꓓꓴ ꓞꓳ ꓘꓹ ꓢꓴ ꓮꓸ ꓪꓯꓼ ꓫꓳ ꓠꓹ ꓟ ꓙꓬ ꓫꓸ ꓔꓬ ꓡꓳ ꓐꓰ ꓢꓷꓸ ꓪ ꓡꓳ=

ꓬꓲ ꓪ ꓦꓲꓻ ꓘꓴꓽ ꓔꓬ ꓢ ꓠꓹ ꓟ ꓐꓱ ꓶ ꓮꓸ ꓪꓯꓼ ꓫꓳ_ ꓟ ꓥ ꓢꓲ ꓕꓱ ꓡꓱ ꓮꓸ ꓪꓯꓼ ꓠꓻ ꓓꓴ ꓗꓷ ꓡꓰ ꓟ ꓠꓬ ꓕꓲ ꓘꓳꓼ ꓛꓲ ꓗꓷ ꓡꓰ ꓟ ꓥꓳ= ꓕꓱ 10 ꓦ ꓘꓴꓽ ꓗꓪ ꓮꓸ ꓪꓯꓼ 22 ꓘꓹ ꓫꓵꓻ ꓡꓰꓳ ꓐꓰ ꓞꓳ ꓘꓹ ꓢꓴ ꓕꓲ ꓣꓳ ꓡꓰ ꓐꓯ_ ꓡꓳ=

ꓡꓳꓹ ꓬꓰ ꓟ ꓙꓵꓹ ꓗꓪ ꓠꓬ ꓦ ꓐ ꓕꓲ ꓟ ꓛꓲ ꓡꓰ ꓟꓶꓻ ꓫꓵ ꓟ ꓠꓬ ꓮ ꓟꓶ ꓕꓲ ꓘꓳꓼ ꓛꓲ ꓗꓷ ꓡꓰ ꓟ ꓥꓳ= ꓖꓳ ꓟ ꓑꓶ ꓓꓴ ꓮꓸ ꓪꓯꓼ ꓬꓲꓸ ꓤ ꓤ ꓪꓴꓽ ꓢꓴ ꓮ ꓘꓶꓸ ꓟꓽ ꓔꓬ ꓟ꓾ ꓬꓲꓸ ꓒꓵꓽ ꓥ ꓟꓲ 2 ꓩꓴꓸ ꓛꓲ ꓟꓬ ꓡ ꓢꓲ ꓮꓸ ꓪꓯꓼ ꓫꓳ ꓠꓹ ꓟ ꓐꓱ ꓶ ꓫꓸ ꓔꓬ ꓡꓳ ꓐꓰ ꓐꓯ_ ꓡꓳ=

ꓮ ꓟꓶ ꓕꓱ ꓡꓱ ꓮꓸ ꓪꓯꓼ ꓠꓻ ꓫꓵ ꓠꓻ ꓔꓬ ꓟ ꓠꓬ ꓠꓻ ꓫꓵ ꓗꓪ ꓐꓰ ꓟꓽ ꓥ ꓟꓵꓽ ꓘꓳꓼ ꓒꓳꓹ ꓡ ꓟ ꓑꓶ ꓓꓴ ꓥ ꓢꓲ ꓠꓯꓺ ꓞꓲꓼ ꓫꓬꓹ ꓠꓬ ꓓ_ ꓡꓳ ꓐꓰ Tanaing ꓡꓳ ꓒꓱ ꓙꓱꓽ ꓤ ꓫꓳ_ ꓟ ꓐꓰ ꓫꓬꓹ ꓖꓶ_ ꓟ ꓜꓴ ꓗꓪ ꓐꓰ ꓙꓵꓽ ꓪꓴ ꓢꓴ ꓕꓲ ꓣꓳ ꓡꓰ ꓐꓯ_ ꓡꓳ= ꓫꓵꓻ ꓟ ꓮꓸ ꓪꓯꓼ ꓔꓯ ꓥ ꓟꓲ ꓙꓲ ꓙꓲ ꓡꓰ ꓔꓴꓸ ꓖꓶ ꓠꓹ ꓟ ꓥ ꓟꓲ ꓐꓯ_ ꓡꓳ= ꓙꓲ ꓙꓲ ꓟꓽ ꓔꓴꓸ ꓠꓬ ꓟꓬ ꓠꓬꓲ ꓠꓻ ꓫꓵ ꓠꓻ ꓓꓴ ꓗꓷ ꓡꓰ ꓟ ꓥꓳ ꓐꓰ ꓐꓯ ꓔ ꓡꓳ=

Add new comment

3 + 2 =