Ukraine ꓗꓴꓷꓼ ꓢꓲꓽ ꓒꓽ ꓡꓰ ꓔꓲꓺ ꓒ ꓪ ꓔꓲ ꓔꓯ ꓡꓯꓼ ꓫꓴꓺ ꓖꓶ_ ꓟ꓾

Ukraine ꓗꓴꓷꓼ ꓢꓲꓽ ꓒꓽ ꓡꓰ ꓔꓲꓺ ꓒ ꓪ ꓔꓲ ꓔꓯ ꓡꓯꓼ ꓫꓴꓺ ꓖꓶ_ ꓟ꓾
  • Ukraine ꓗꓴꓷꓼ ꓢꓲꓽ ꓒꓽ ꓡꓰ ꓔꓲꓺ ꓒ ꓪ ꓔꓲ ꓔꓯ ꓡꓯꓼ ꓫꓴꓺ ꓖꓶ_ ꓟ꓾

Ukraine ꓗꓴꓷꓼ ꓠꓬ ꓣ-ꓫꓸ ꓡꓰ ꓟꓽ ꓔꓱ_ ꓟ ꓧꓪꓸ ꓞ_ ꓟ 9 ꓦ ꓛꓲ ꓡꓳꓼ ꓡꓰ ꓟ ꓥꓳ= ꓔꓲꓺ ꓒ ꓪ ꓔꓲ ꓡꓰ Ukraine ꓐꓱ ꓶ ꓘꓴ ꓜꓲꓼ ꓞꓳ ꓕꓲ ꓒꓳꓹ ꓗꓪ ꓐꓰ ꓥ ꓟꓲ ꓢꓯꓼ ꓕꓵꓼ ꓙ ꓔꓬ ꓟ ꓥꓳ= ꓕꓲ ꓠꓬꓲ ꓡꓲ ꓕꓲ ꓠꓬꓲ ꓫꓵꓻ ꓡꓰ ꓢꓴ ꓮ ꓟꓬ ꓞꓳ ꓟꓬꓱꓺ ꓗꓼ ꓔꓯ ꓢꓳꓚꓲꓮꓡ ꓟꓰꓓꓲꓮ ꓗꓪ ꓓꓳ ꓡꓰ ꓟ ꓙꓳ_ ꓟ ꓡꓰ ꓐꓰ ꓟꓽ ꓓꓳ ꓡ_ ꓟ ꓞꓳ ꓣꓳ ꓟꓬꓱꓺ ꓥ ꓟꓲ ꓙꓳ_ ꓟ ꓥꓳ=

 Ukraine ꓗꓴꓷꓼ ꓡꓳ ꓒꓱ Lviv ꓗꓴꓷꓼ ꓢꓲꓽ ꓒꓽ ꓡꓰ ꓔꓲꓺ ꓒ ꓪ ꓔꓲ ꓔꓯ ꓠꓲꓹ ꓟ ꓗꓪ ꓓꓵꓽ ꓙ ꓟꓶ ꓓꓴ ꓡꓯꓼ ꓫꓴꓻ ꓕꓲ ꓟ ꓖꓶ_ ꓟ ꓥꓳ= ꓕꓱ ꓟ ꓠꓬ ꓡꓯꓼ ꓐꓳ ꓔꓶꓸ ꓓꓴ ꓥ ꓡꓳ= ꓕꓱ ꓡꓯꓼ ꓐꓳ ꓔꓶꓸ ꓓꓴ ꓗꓪ ꓣ-ꓫꓸ ꓡꓰ ꓐꓶ ꓗꓷ ꓡ ꓟ ꓐꓳꓽ ꓬꓲꓸ ꓕꓳꓸ ꓞꓼ ꓕꓲ ꓟ ꓔꓼ ꓦ ꓟ ꓥꓳ= ꓕꓱ ꓐꓳꓽ ꓬꓲꓸ ꓕꓳꓸ ꓞꓼ ꓠꓬ 13 ꓘꓳꓼ ꓙꓳ_ ꓟ ꓤ ꓠꓱ ꓤ ꓕꓲ ꓣꓳ ꓔꓯ ꓜꓯꓼ ꓡ ꓟ ꓬꓲꓸ ꓕꓳꓸ ꓥ ꓡꓳ=

ꓔꓲꓺ ꓒ ꓪ ꓔꓲ ꓡꓰ ꓕꓱ ꓡꓯꓼ ꓐꓳ ꓔꓶꓸ ꓓꓴ ꓔꓯ ꓶꓽ ꓥꓳꓽ ꓙꓱ ꓖꓶ_ ꓟ ꓥꓳ= ꓔꓲꓺ ꓒ ꓪ ꓔꓲ ꓡꓰ ꓕꓱ ꓡꓯꓼ ꓐꓳ ꓔꓶꓸ ꓓꓴ ꓐꓰ ꓕꓲ ꓪꓼ ꓬꓲꓸ ꓶꓼ ꓓꓳꓽ ꓫꓱꓹ ꓓꓳ ꓙ ꓫꓱꓽ ꓙꓰ ꓚꓳ ꓛꓲ_ ꓟ ꓗꓪ ꓘꓴ ꓜꓲꓼ ꓞꓳ ꓐꓴ ꓔꓯ Ukraine  ꓐꓱ ꓶ ꓪꓽ ꓘꓴ ꓙ ꓠꓹ ꓟ ꓐꓯ_ ꓟ ꓥꓳ=

Add new comment

5 + 3 =