Radio Veritas Asia Buick St., Fairview Park, Queszon City, Metro Manila. 1106 Philippines | + 632 9390011-15 | +6329390011-15
USA ꓗꓴꓷꓼ ꓮ‐ꓢꓲ‐ꓢꓲ‐ꓑꓲ ꓡꓳ ꓒꓱ ꓗꓪ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓪꓴ. ꓠꓬꓲ ꓑ ꓫꓬ (26) ꓣꓳ ꓫꓵꓻ ꓡꓰ ꓢꓲ ꓠꓬꓲ ꓮ ꓟꓬ, ꓠꓻ ꓓꓴ ꓡꓰ ꓟ ꓓꓳꓽ
USA ꓗꓴꓷꓼ ꓮ‐ꓢꓲ‐ꓢꓲ‐ꓑꓲ ꓡꓳ ꓒꓱ ꓗꓪ ꓟꓲꓽ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓪꓴ. ꓠꓬꓲ ꓑ ꓫꓬ (25) ꓣꓳ ꓫꓵꓻ ꓡꓰ ꓢꓲ ꓠꓬꓲ ꓮ ꓟꓬ, ꓠꓻ ꓓꓴ ꓡꓰ ꓟ ꓓꓳꓽ
3 ꓦ ꓟ 26 ꓠꓬꓲ 2023 ꓘꓳꓼ ꓕꓯ ꓴꓢꓮ ꓗꓴꓷꓼ ꓮ‐ꓢꓲ‐ꓢꓲ‐ꓑꓲ ꓡꓳ ꓒꓱ ꓗꓪ ꓟꓲ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓪꓴ. ꓠꓬꓲ ꓑ ꓫꓬ (25) ꓣꓳ ꓫꓵꓻ ꓡꓰ ꓢꓲ ꓠꓬꓲ ꓑ ꓫꓬ ꓮ ꓟꓬ, ꓠꓻ ꓓꓴ ꓡꓰꓳ ꓐꓰ ꓐꓯ ꓔ ꓡꓳ꓿
ꓕꓱ ꓟꓲ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓮ ꓟꓬ, ꓫꓵꓻ ꓡꓰ ꓢꓲ ꓠꓬꓲ ꓠꓻ ꓓꓴ ꓡꓰ ꓢꓴ ꓐꓴ ꓐꓰ ꓑ ꓫꓬ ꓔꓬ ꓦꓲꓻ ꓮ ꓟꓬ, ꓥ ꓟꓲ ꓐꓬ ꓡꓰꓳ ꓐꓰ ꓐꓯ ꓔ ꓡꓳ꓿
ꓕꓱ ꓟꓲ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓓꓴ ꓥꓳ ꓐꓰ ꓙꓵꓽ ꓪ ꓙꓳ ꓢꓴ ꓐꓴ ꓡꓰ (26) ꓠꓬꓲ ꓗꓪ ꓐꓰ ꓐꓯ ꓔ ꓟ ꓥ ꓡꓳ꓿ ꓟꓲꓽ ꓦꓲꓻ ꓕꓳꓽ ꓥꓳꓽ ꓠꓬ ꓬꓲ. ꓢꓯꓼ ꓮ ꓟꓬ, ꓙꓳ ꓟ ꓪꓴ. ꓠꓬꓲ ꓑ ꓫꓬ ꓐꓴ ꓮ ꓟꓬ, ꓣꓳ ꓫꓵꓻ ꓡꓰ ꓟ ꓐꓰ ꓑ ꓫꓬ ꓐꓴ ꓮ ꓟꓬ, ꓠꓻ ꓓꓴ ꓡꓰꓳ ꓐꓰ ꓡꓳ. ꓟꓽ ꓟꓳ ꓢꓴ ꓑ ꓫꓬ ꓐꓴ ꓥ ꓟꓲ ꓙꓳ ꓡꓳ ꓐꓰ ꓐꓯ ꓔ ꓡꓳ꓿
ꓠꓻ ꓓꓴ ꓡꓰ ꓢꓴ ꓑ ꓫꓬ ꓐꓴ ꓔꓯ ꓬꓰ ꓙ ꓢꓴ ꓜꓴꓻ ꓡꓰ ꓬꓰ ꓙ ꓚꓬꓴ ꓙ ꓔꓬ ꓡꓳ ꓐꓰ ꓐꓯ ꓔ ꓡꓳ꓿ ꓟꓲ ꓦꓲꓻ ꓕꓳꓽ ꓥꓳꓽ ꓙꓱꓼ ꓟ ꓪꓴ. ꓠꓬꓲ ꓫ. ꓔꓬ ꓢꓴ ꓑ ꓫꓬ ꓐꓴ ꓔꓯ ꓙꓵꓽ ꓪ ꓙꓳ ꓢꓴ ꓐꓴ ꓡꓰ ꓬꓰ ꓙ ꓔꓳ, ꓙ ꓔꓬ ꓡꓳ ꓐꓰ ꓐꓯ ꓔ ꓡꓳ꓿
ꓝꓮꓲ ꓴꓢꓮ ꓗꓴꓷꓼ ꓙꓵꓽ ꓢꓲ ꓒꓽ ꓙꓴ‐ꓑꓮꓲ‐ꓓꓲ ꓥ ꓟꓲ ꓟꓵꓽ ꓘꓳꓼ ꓒꓳ, ꓡ ꓢꓲ ꓠꓬꓲ ꓟꓲ ꓦꓲꓻ ꓕꓳꓽ ꓥꓳꓽ ꓙꓱꓼ ꓡ ꓟ ꓑꓶ. ꓓꓴ ꓫꓵꓻ ꓡꓰ ꓢꓴ ꓑ ꓫꓬ ꓮ ꓟꓬ, ꓙꓳ ꓡꓰ ꓟ ꓪꓴ. ꓠꓬꓲ ꓠꓲ, ꓟ ꓫ. ꓔꓬ ꓡꓳ ꓐꓰ ꓐꓯ ꓔ ꓡꓳ꓿
Add new comment