Vatican ꓗꓴꓷꓼ ꓗꓪ ꓔꓬ ꓟ ꓔꓲꓺ ꓒ ꓪ ꓔꓲ ꓡꓳ. ꓢꓴ ꓟꓯꓼ ꓒꓽ ꓬꓲ. ꓫꓵꓼ (25) ꓣꓳ ꓔꓯ ꓔ ꓗꓷ ꓟ

Vatican ꓗꓴꓷꓼ ꓗꓪ ꓔꓬ ꓟ ꓔꓲꓺ ꓒ ꓪ ꓔꓲ ꓡꓳ. ꓢꓴ ꓟꓯꓼ ꓒꓽ ꓬꓲ. ꓫꓵꓼ (25) ꓣꓳ ꓔꓯ ꓔ ꓗꓷ ꓟ ꓓꓳꓽ

9 ꓦ 6 ꓠꓬꓲ 2022 ꓘꓳꓼ ꓕꓯ Vatican ꓗꓴꓷꓼ ꓗꓪ ꓔꓬ ꓟ ꓔꓲꓺ ꓒ ꓪ ꓔꓲ ꓡꓳ. ꓢꓴ ꓟꓯꓼ ꓒꓽ ꓬꓲ. ꓫꓵꓼ (25) ꓣꓳ ꓔꓯ ꓔ ꓗꓷ ꓐꓰ ꓢꓷ. ꓪ ꓡꓳ꓿ ꓛꓲ ꓠ, ꓟ 2ꓳ25 ꓘꓳꓼ ꓕꓯ Vatican ꓗꓴꓷꓼ ꓗꓪ ꓙꓴ‐ꓐꓲ‐ꓡꓲ ꓑꓮꓲ ꓓꓽ ꓟ ꓬꓰ ꓠ, ꓟ ꓙ ꓖꓶ ꓔꓬ ꓟ ꓪꓴ. ꓠꓬꓲ ꓔꓲꓺ ꓒ ꓪ ꓔꓲ ꓐꓰ Vatican ꓗꓴꓷꓼ ꓔꓯ ꓡꓳ. ꓢꓴ ꓟꓯꓼ ꓒꓽ ꓮ ꓟꓬ, ꓣꓱ ꓬꓯꓼ ꓟ ꓪꓴ. ꓠꓬꓲ ꓟꓯꓼ ꓒꓽ ꓬꓲ. ꓫꓵꓼ ꓔꓯ ꓔ ꓗꓷ ꓟ ꓥ ꓡꓳ꓿ Vatican ꓗꓴꓷꓼ ꓐꓰ ꓔꓲꓺ ꓒ ꓪ ꓔꓲ ꓔꓯ ꓡꓳ. ꓢꓴ ꓟꓯꓼ ꓒꓽ ꓐꓴ ꓠꓬ Switzerland ꓗꓴꓷꓼ ꓗꓪ ꓐꓰ ꓥ ꓡꓳ꓿ Vatican ꓗꓴꓷꓼ ꓐꓰ ꓔꓲꓺ ꓒ ꓪ ꓔꓲ ꓔꓯ ꓡꓳ. ꓢꓴ ꓟꓯꓼ ꓒ ꓠꓬ (135) ꓣꓳ ꓥ ꓡꓳ꓿ ꓟꓲ ꓠꓯ ꓗꓪ ꓟꓯꓼ ꓒꓽ ꓮ ꓟꓬ, ꓟꓽ ꓔꓬ ꓟ ꓗꓴꓷꓼ ꓟꓲ ꓥ ꓡꓳ꓿

Vatican ꓗꓴꓷꓼ ꓐꓰ ꓔꓲꓺ ꓒ ꓪ ꓔꓲ ꓔꓯ ꓡꓳ. ꓟꓯꓼ ꓜꓴ ꓔꓯ 1506 ꓘꓳꓼ ꓕꓯ ꓔꓲꓺ ꓒ ꓪ ꓔꓲ Julius (11) ꓡꓰ ꓒꓴ ꓗꓷ ꓟ ꓥ ꓡꓳ꓿ Vatican ꓗꓴꓷꓼ ꓐꓰ ꓔꓲꓺ ꓒ ꓪ ꓔꓲ ꓔꓯ ꓡꓳ. ꓢꓴ ꓟꓯꓼ ꓐꓴ ꓠꓬ ꓬꓲ. ꓞꓲꓼ 25 ꓘꓳꓼ ꓙꓳ ꓢꓴ ꓐꓰ ꓦꓲꓻ ꓢꓲꓻ ꓟ ꓟꓽ ꓔꓬ ꓟ ꓗ‐ꓕꓳ‐ꓡꓲ ꓘꓴ ꓜꓲꓼ ꓞꓳ ꓕꓲ ꓣꓳ  ꓒꓬꓱꓼ ꓠ, ꓗ ꓡꓳ꓿ Vatican ꓗꓴꓷꓼ ꓐꓰ ꓔꓲꓺ ꓒ ꓪ ꓔꓲ ꓔꓯ ꓡꓳ. ꓢꓴ ꓟꓯꓼ ꓜꓴꓻ ꓠꓬ ꓟꓲ ꓠꓯ ꓕꓯ ꓢꓲ ꓗꓪ ꓑꓳꓺ ꓡ ꓛꓴ. ꓟꓽ ꓣꓱ_ ꓟ ꓟꓯꓼ ꓜꓴ  ꓟꓲ  ꓥ ꓡꓳ꓿