Yangon ꓗꓴꓷꓼ ꓫꓴ.. Dagon ꓡꓳ ꓒꓱ ꓑꓶꓻ ꓓꓵ: ꓗꓪ ꓟꓶ: ꓦ ꓜꓯꓼ ꓬꓲ ꓻ ꓙꓬ ꓙꓵ: ꓡ ꓟ ꓑꓶ. ꓓꓴ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓟ ꓓꓳ:

Tuesday, October 03, 2023

ꓡꓳꓹ ꓬꓰ ꓟ 2023 ꓘꓳꓼ 10 ꓦ ꓟ 1 ꓠꓬꓲ ꓕꓯ Yangon ꓗꓴꓷꓼ ꓫꓴ.. Dagon ꓡꓳ ꓒꓱ ꓑꓶꓻ ꓓꓵ: ꓗꓪ ꓟꓶ: ꓦ ꓜꓯꓼ ꓬꓲ ꓻ ꓙꓬ ꓙꓵ: ꓡ ꓟ ꓑꓶ. ꓓꓴ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓟ ꓪꓴ. ꓠꓬꓲ ꓬꓰ ꓙ ꓢꓴ ꓣꓱ: ꓬꓯꓼ ꓔꓬ ꓡꓳ ꓐꓰ ꓢꓷ. ꓪ ꓡꓳ=
ꓕꓱ ꓡꓱ ꓟꓶ: ꓦ ꓮ ꓘꓶ. ꓜꓯꓼ ꓡ ꓟ ꓑꓶ. ꓓꓴ Yangon ꓗꓴꓷꓼ ꓫꓴ.. Dagon ꓡꓳ ꓒꓱ ꓐꓰ ꓞꓳ ꓘꓹ ꓘꓴ: ꓗꓪ ꓬꓲꓻ ꓙꓬ ꓓꓴ ꓡ ꓟ ꓑꓶ. ꓓꓴ ꓦꓲꓻ ꓥˍ ꓟꓲ ꓮ ꓘꓶ. ꓬꓲꓻ ꓙꓬ ꓔꓲꓹ ꓡꓰ ꓢꓲ꓾ ꓑ ꓫꓬ ꓐꓴ ꓮ ꓘꓶ. ꓫ. ꓔꓬ ꓟ ꓥ ꓡꓳ ꓐꓰ ꓢꓷ. ꓪ ꓡꓳ=
ꓕꓱ ꓞꓳ ꓘꓹ ꓗꓪ ꓔꓬ ꓢꓴ ꓐꓴ ꓠꓬ ꓟꓬꓱ: ꓬꓰ ꓤ ꓢꓴ ꓥˍ ꓢꓲ꓾ ꓞꓳ ꓣꓳ 600 ꓣꓳ ꓟ: ꓞꓲ ꓔꓬ ꓟ ꓥ ꓟ ꓑꓶ. ꓓꓴ ꓬꓰ ꓙ ꓢꓴ ꓣꓱ: ꓯꓬꓼ ꓔꓬ ꓡꓳ ꓐꓰ ꓢꓷ. ꓪ ꓡꓳ=
ꓬꓲꓻ ꓙꓬ ꓔꓲꓹ ꓡꓰ ꓟ ꓞꓳ ꓘꓹ ꓢꓴ ꓐꓴ ꓟꓶꓼ ꓘꓶꓼ ꓜ ꓔꓯ Sukha Kari ꓬꓰ ꓙ ꓢꓴ ꓜꓴ: ꓐꓴ ꓗꓪ ꓐꓰ ꓖꓶ ꓤ ꓓꓴ ꓥ ꓡꓳ ꓐꓰ ꓢꓷ. ꓪ ꓡꓳ=